« លើកទឹកចិត្តសិស្សឲ្យចែកចាយសេចក្តីពិតដែលពួកគេកំពុងរៀន » ជំនាញការអភិវឌ្ឍគ្រូបង្រៀន ( ឆ្នាំ ២០២២ )
« លើកទឹកចិត្តសិស្សឲ្យចែកចាយសេចក្តីពិតដែលពួកគេកំពុងរៀន » ជំនាញការអភិវឌ្ឍគ្រូបង្រៀន
អញ្ជើញឲ្យមានការរៀនដ៏ឧស្សាហ៍ព្យាយាម
លើកទឹកចិត្តសិស្សឲ្យចែកចាយសេចក្តីពិតដែលពួកគេកំពុងរៀន ។
ជំនាញ ៖ ជួយសិស្សបង្កើត ឬចាប់ផ្តើមការសន្ទនាអំពីដំណឹងល្អ ។
និយមន័យ
ព្រះអម្ចាស់បានត្រាស់បង្គាប់ឲ្យពួកយុវវ័យ និងយុវមជ្ឈិមវ័យឲ្យជួយប្រមូលសាសន៍អ៊ីស្រាអែល ។ ការចែកចាយសេចក្តីជំនឿ និងទីបន្ទាល់របស់ពួកគេជាមួយអ្នកដទៃនឹងអញ្ជើញឲ្យមានការរៀនសូត្របន្ថែម ហើយពង្រឹងការប្រែចិត្តជឿរបស់ពួកគេលើព្រះអង្គសង្គ្រោះ និងដំណឹងល្អរបស់ទ្រង់ ។ សិស្សមួយចំនួនមានការលំបាកក្នុងការដឹងអំពីរបៀបចាប់ផ្តើមការសន្ទនាអំពីដំណឹងល្អទាំងនេះ ។ សិស្សអាចចាប់ផ្តើមការសន្ទនាអំពីដំណឹងល្អជាមួយអ្នកដទៃតាមរយៈ ( ១ ) ពិចារណាអំពីអ្វីដែលពួកគេកំពុងរៀនអំពីព្រះយេស៊ូវគ្រីស្ទ និងដំណឹងល្អរបស់ទ្រង់ ( ២ ) ពិចារណាអំពីបុគ្គលដែលទទួលបានប្រយោជន៍ពីការពិភាក្សានេះ និង ( ៣ ) ការសម្រេចចិត្តអំពីរបៀបដែលពួកគេនឹងបំផុសគំនិតឲ្យមានការពិភាក្សាជាមួយបុគ្គលម្នាក់នោះ ។ ការណ៍នេះអាចសម្រេចបានតាមវិធីសាស្ត្រផ្សេងៗដូចជា ការបង្រៀនមេរៀនចេញពី ចូរមកតាមខ្ញុំ ការដឹកនាំការពិភាក្សាក្នុងថ្នាក់ ការសរសេរកំណត់ចំណាំ ការផ្ញើសារតាមទូរសព្ទ ឬការចែកចាយអត្ថបទអំពីសាសនាចក្រ ។ គោលបំណងគឺមិនមែនដើម្បីចែកចាយជំនឿ ឬបទពិសោធន៍នោះទេ ផ្ទុយទៅវិញគឺដើម្បីចាប់ផ្តើមការសន្ទនាអំពីដំណឹងល្អ ។ ការធ្វើបែបនេះគឺជាការអញ្ជើញមនុស្សដទៃឲ្យសួរសំណួរ និងលើកទឹកចិត្តឲ្យមានការសន្ទនាបន្ថែមទៀតនាពេលអនាគត ។
ចំណាំ ៖ ប្រសិនបើអ្នកមានសិស្សដែលខ្លាចនឹងធ្វើកិច្ចការនេះ សូមពិចារណាអំពីរបៀបដែលអ្នកអាចជួយពួកគេភ្ជាប់ទំនាក់ទំនងជាមួយព្រះយេស៊ូវគ្រីស្ទ ។ ទ្រង់នឹងជួយពួកគេ នៅពេលពួកគេបើកមាត់របស់ពួកគេដើម្បីចែកចាយសេចក្តីពិតរបស់ទ្រង់ ។
គំរូ
ពេលបញ្ចប់ថ្នាក់ សូមអញ្ជើញសិស្សអ្នកឲ្យពិចារណាពីបុគ្គលដែលពួកគេចង់ចែកចាយអ្វីមួយជាមួយ ។ សូមអញ្ជើញពួកគេឲ្យសរសេរសារខ្លី ឬផ្ញើសារដែលនឹងផ្តល់ឱកាសឲ្យពួកគេមានការសន្ទនាមួយអំពីដំណឹងល្អជាមួយបុគ្គលនោះ នៅពេលពួកគេជួបគ្នា ។ ឧទាហរណ៍ ៖ សិស្សអាចផ្ញើសារ ៖
-
« យើងនិយាយពីអ្វីមួយនៅថ្នាក់សិក្ខាសាលាដែលធ្វើឲ្យខ្ញុំគិតដល់ឯង ។ រំឭកខ្ញុំឲ្យប្រាប់ឯងរឿងនេះផង ពេលជួបឯងលើកក្រោយ » ។
-
« អ្ហេ ខ្ញុំបានគិតពីសមត្ថភាពអភ័យទោសរបស់ព្រះអង្គសង្រ្គោះ ។ តើឯងអាចជួយខ្ញុំគិតពីទ្រង់បានទេ ? បើអ៊ីចឹង ពេលណាល្អដើម្បីនិយាយគ្នា ? »
សូមចុចនៅត្រង់នេះដើម្បីមើលវីដេអូអំពីគំរូនេះ ។
អនុវត្ត
សូមលើកយកកថាខណ្ឌបីផ្សេងទៀតដែលអ្នកអាចប្រើជាឧទាហរណ៍ ដើម្បីជួយសិស្សមើលឃើញពីរបៀបដើម្បីចាប់ផ្តើមការសន្ទនាអំពីដំណឹងល្អ ។
ពិភាក្សា ឬពិចារណា
-
តើអ្នកបានរៀនអ្វីខ្លះអំពីការជួយសិស្សបង្កើត ឬចាប់ផ្តើមការសន្ទាពីដំណឹងល្អ ?
-
តើការជួយសិស្សចែកចាយជំនឿ និងទីបន្ទាល់របស់ពួកគេជាមួយគ្រួសាររបស់ពួកគេ ជួយឲ្យបទពិសោធន៍នៅថ្នាក់សិក្ខាសាលា និងថ្នាក់វិទ្យាស្ថានរបស់ពួកគេក្លាយជាបទពិសោធន៍ដែលផ្តោតលើការសិក្សានៅឯគេហដ្ឋានយ៉ាងពិតប្រាកដដូចម្តេច ?
រួមបញ្ចូល
សូមចែកចាយជាមួយសិស្សនូវឧទាហរណ៍មួយចំនួនអំពីអ្វីដែលពួកគេអាចសរសេរដើម្បីចាប់ផ្តើមការសន្ទនាអំពីដំណឹងល្អ ហើយបន្ទាប់មកអនុវត្តចែកចាយការសន្ទនានោះនៅក្នុងថ្នាក់ ។ សូមឲ្យសិស្សផ្សេងទៀតជួយកែលម្អការសន្ទនាទាំងនោះ ។ សូមអញ្ជើញពួកគេឲ្យចាប់ផ្តើមការសន្ទនានោះ នៅពេលពួកគេត្រៀមខ្លួនរួចរាល់ ។
តើចង់បានបន្ថែមទៀតទេ ?
-
រ័សុល អិម ណិលសុន « How to Share the Gospel » New Era ខែ កក្កដា ឆ្នាំ ២០១១ ទំព័រ ៤៨
-
« ការចែកចាយដំណឹងល្អ » គេហទំព័រ ChurchofJesusChrist.org