« ជួយសិស្សឲ្យស្វែងរក ទទួលស្គាល់ និងអនុវត្តតាមវិវរណៈផ្ទាល់ខ្លួន » ជំនាញការអភិវឌ្ឍគ្រូបង្រៀន ( ឆ្នាំ ២០២២ )
« ជួយសិស្សឲ្យស្វែងរក ទទួលស្គាល់ និងអនុវត្តតាមវិវរណៈផ្ទាល់ខ្លួន » ជំនាញការអភិវឌ្ឍគ្រូបង្រៀន
បង្រៀនដោយព្រះវិញ្ញាណ
ជួយសិស្សឲ្យស្វែងរក ទទួលស្គាល់ និងអនុវត្តតាមវិវរណៈផ្ទាល់ខ្លួន ។
ជំនាញ ៖ មុនពេលឆ្លើយនឹងសំណួរ ឬមតិរបស់សិស្ស សូមផ្អាក ហើយគិតសិន « តើខ្ញុំអាចសួរពួកគេអ្វីខ្លះ ? » ឬ « តើខ្ញុំអាចអញ្ជើញពួកគេឲ្យធ្វើអ្វីខ្លះ ? »
និយមន័យ
នៅពេលសិស្សបញ្ចេញមតិ ឬសួរសំណួរ អែលឌើរ ដាវីឌ អេ បែដណា ក្នុងកូរ៉ុមនៃពួកសាវកដប់ពីរនាក់បានបង្រៀន ៖ « ជំនួសឲ្យការគិតថា ‹ តើខ្ញុំនឹងប្រាប់ពួកគេអ្វីខ្លះ ? › សូមផ្ដោតលើ ‹ តើខ្ញុំនឹងសួរពួកគេអ្វីខ្លះ ? › ហើយមិនគ្រាន់តែសួរថា ‹ តើខ្ញុំនឹងសួរពួកគេអ្វីខ្លះនោះទេ ? › ប៉ុន្ដែថែមទាំងសួរថា ‹ តើខ្ញុំនឹងអញ្ជើញពួកគេឲ្យធ្វើអ្វី ? › ( « An Evening with Elder David A. Bednar » [ ជំនួបជាមួយនឹងអ្នកមានសិទ្ធិអំណាចទូទៅ ថ្ងៃទី ៧ ខែ កុម្ភៈ ឆ្នាំ ២០២០ ] broadcasts.ChurchofJesusChrist.org ) ។, នៅពេលគ្រូបង្រៀនសួរសំណួរថា « តើខ្ញុំអាចសួរពួកគេអ្វីខ្លះ ? » នោះគ្រូបង្រៀនអាចត្រូវបានដឹកនាំដោយព្រះវិញ្ញាណ ដើម្បីទទួលព័ត៌មានច្រើន ដើម្បីស្គាល់សិស្សកាន់តែច្បាស់ ឬដឹងពីរបៀបដើម្បីស្វែងរក និងធ្វើតាមវិវរណៈផ្ទាល់ខ្លួន ។
នៅពេលគ្រូបង្រៀនសួរសំណួរថា « តើខ្ញុំនឹងអញ្ជើញពួកគេឲ្យធ្វើអ្វីខ្លះ ? » នោះគ្រូបង្រៀនអាចភ្ជាប់ជាមួយព្រះវិញ្ញាណបរិសុទ្ធ ដើម្បីដឹងពីការអញ្ជើញអ្វីខ្លះដែលត្រូវអញ្ជើញ ហើយសិស្សអាចពិចារណាកាន់តែប្រសើរឡើង អំពីរបៀបធ្វើតាមវិវរណៈផ្ទាល់ខ្លួន ។
គំរូ
សូមរកមើលរបៀបដែលគ្រូបង្រៀនគិត មុនពេលឆ្លើយតប ។
-
ពេលបញ្ចប់ថ្នាក់ ម៉ារៀ ចាំសួរគ្រូពីរបៀបដែលនាងអាចដឹងពីភាពខុសគ្នារវាងគំនិតនាងផ្ទាល់ និងការបំផុសគំនិតមកពីព្រះវិញ្ញាណ ។
-
មុនពេលខ្ញុំឆ្លើយតប ខ្ញុំផ្អាក ហើយគិតសិន « តើខ្ញុំអាចសួរអ្វីខ្លះ ដែលអញ្ជើញនាងឲ្យស្វែងរកចម្លើយដោយខ្លួនឯងតាមរយៈវិវរណៈផ្ទាល់ខ្លួន ? » និង « តើខ្ញុំអាចអញ្ជើញនាងឲ្យធ្វើអ្វីខ្លះ ដើម្បីឲ្យនាងអាចរៀនរកចម្លើយសម្រាប់ខ្លួនឯង ? »
សូមចុចនៅត្រង់នេះដើម្បីមើលវីដេអូអំពីគំរូនេះ ។
អនុវត្ត
នៅក្នុងថ្នាក់ ចាហ្វារី សួរសំណួរដូចតទៅនេះ ៖ « តើខ្ញុំអាចប្រើដង្វាយធួនរបស់ព្រះយេស៊ូវគ្រីស្ទ ដើម្បីជួយខ្ញុំជាមួយរឿងផ្សេងទៀតក្រៅពីការអភ័យទោសដែរឬទេ ?
ពីមុនឆ្លើយតបចម្លើយរបស់អ្នក សូមផ្អាក ហើយគិតសិនថា « តើខ្ញុំអាច … »
ចំណាំ ៖ ការអនុវត្តគឺកុំសួរសំណូរ ឬផ្តល់ការអញ្ជើញ ។ វាជាការសូមឲ្យអ្នកផ្អាក ហើយគិតសិន « តើខ្ញុំអាចសួរគាត់ ឬអញ្ជើញគាត់ឲ្យធ្វើអ្វីខ្លះ ដើម្បីគាត់អាចភ្ជាប់ជាមួយព្រះវិញ្ញាណបរិសុទ្ធ ហើយរៀនរកចម្លើយសម្រាប់ខ្លួនគាត់ ? »
អានីនិយាយថា « ខ្ញុំមិនធ្លាប់រៀបការទេ ។ សមាជិកក្នុងគ្រួសារខ្ញុំច្រើននាក់ហើយដែលបានលះលែងគ្នា ដូច្នេះមិនគួរនឹងរៀបការទេ ។
ពីមុនឆ្លើយតបចម្លើយរបស់អ្នក សូមផ្អាក ហើយគិតសិនថា « តើខ្ញុំអាច … »
នីកសួរថា « តើអ្វីជាកិច្ចការដ៏ល្អបំផុតដែលខ្ញុំអាចធ្វើបានដើម្បីរៀបចំសម្រាប់បេសកកម្ម ? »
ពីមុនឆ្លើយតបចម្លើយរបស់អ្នក សូមផ្អាក ហើយគិតសិនថា « តើខ្ញុំអាច … »
ពិភាក្សា ឬពិចារណា
-
ជាទូទៅតើអ្នកឆ្លើយតបដូចម្តេច បន្ទាប់ពីបុគ្គលម្នាក់សួរសំណួរអ្នក ?
-
តើអ្នកបានរៀនអ្វីខ្លះអំពីការណែនាំសិស្សឲ្យស្វែងរក និងធ្វើតាមវិវរណៈផ្ទាល់ខ្លួន ?
រួមបញ្ចូល
ជារៀងរាល់ថ្ងៃនាសប្តាហ៍នេះ សូមស្រមៃគិតអំពីសិស្សម្នាក់ដែលសួរសំណួរអ្នក ។ ពីមុនអ្នកឆ្លើយតប សូមនិយាយស្ងាត់ៗក្នុងចិត្តអ្នកថា « តើខ្ញុំអាចសួរ ឬអញ្ជើញពួកគេឲ្យធ្វើអ្វីខ្លះ ដែលនឹងភ្ជាប់ពួកគេជាមួយព្រះវិញ្ញាណបរិសុទ្ធ ដើម្បីរៀនរកចម្លើយសម្រាប់ខ្លួនពួកគេ ? » បន្ទាប់មក ពេញមួយសប្តាហ៍តែម្តង នៅពេលសិស្សសួរសំណួរអ្នក ឬបញ្ចេញមតិសូមផ្អាក ហើយគិតសិនអំពីសំណួរ ឬការអញ្ជើញអ្វីខ្លះដែលអ្នកអាចសួរពួកគេ ជាជាងអ្វីដែលអ្នកនឹងប្រាប់ពួកគេ ។
តើចង់បានបន្ថែមទៀតទេ ?
-
ដាវីឌ អេ បែដណា« An Evening with Elder David A. Bednar » ( ជំនួបជាមួយនឹងអ្នកមានសិទ្ធិអំណាចទូទៅ ថ្ងៃទី ៧ ខែ កុម្ភៈ ឆ្នាំ ២០២០ ) broadcasts.ChurchofJesusChrist.org