« មើលទៅសិស្សតាមរបៀបដែលព្រះទតឃើញពួកគេ » ជំនាញការអភិវឌ្ឍគ្រូបង្រៀន ( ឆ្នាំ ២០២២ )
« មើលទៅសិស្សតាមរបៀបដែលព្រះទតឃើញពួកគេ » ជំនាញការអភិវឌ្ឍគ្រូបង្រៀន
ស្រឡាញ់អស់អ្នកដែលអ្នកបង្រៀន
មើលទៅសិស្សតាមរបៀបដែលព្រះទតឃើញពួកគេ ។
ជំនាញ ៖ ផ្អាក សញ្ជឹងគិត ហើយឆ្លើយសំណួរដែលយើងសួរខ្លួនឯង ដែលអញ្ជើញឲ្យមានស្មារតីនៃការញែកដឹង ស្រឡាញ់ និងសេចក្តីអាណិតអាសូរដូចព្រះគ្រីស្ទ នៅក្នុងទំនាក់ទំនងរបស់យើង ។
ការបំពាក់បំប៉ននេះបង្ហាញពីជំនាញទាក់ទងបីដំបូង ដែលជួយយើងឲ្យយល់ថា សិស្សអាចឃើញសេចក្តីពិតអស់កល្បជានិច្ច មកពីការសន្និដ្ឋានផ្សេងៗខុសពីយើង ។ នៅពេលយើងយល់កាន់តែច្បាស់ពីសិស្សរបស់យើង នោះយើងនឹងអាចឆ្លើយតបកាន់តែច្រើនចំពោះពួកគេដោយសេចក្តីស្រឡាញ់ និងក្តីអាណិតអាសូរ នៅពេលយើងជួយពួកគេស្ថាបនាសេចក្តីជំនឿលើព្រះយេស៊ូវគ្រីស្ទ ។
ការបំពាក់បំប៉នទាំងនេះរួមមាន ៖
-
ការស្វែងរកការសន្និដ្ឋានរបស់សិស្សដោយការផ្អាក សញ្ជឹងគិត និងឆ្លើយសំណួរនានាដែលយើងសួរខ្លួនឯងទាំងអំឡុងពេលរៀបចំមេរៀន និងនៅពេលយើងផ្តោតលើមតិ ឬសំណួររបស់សិស្សក្នុងថ្នាក់
-
ការព្យាយាមបញ្ជាក់ និងយល់អំពីចេតនាពិតនៃសំណួរ អារម្មណ៍ និងជំនឿរបស់សិស្ស ព្រមទាំង
-
ការជួយសិស្សពិនិត្យមើល ឬរៀបចំការសន្និដ្ឋានរបស់ពួកគេឡើងវិញជាមួយនឹងទស្សនវិស័យដ៏អស់កល្បជានិច្ច ។
*ការបំពាក់បំប៉នទីពីរ និងទីបីនឹងត្រូវបំពាក់បំប៉នបន្តបន្ទាប់គ្នា ។
ការបំពាក់បំប៉ននេះនឹងផ្ដោតលើជំនាញដូចតទៅនេះ ៖
-
ការស្វែងរកការសន្និដ្ឋានរបស់សិស្សដោយការផ្អាក សញ្ជឹងគិត និងឆ្លើយសំណួរនានា ដែលយើងសួរខ្លួនឯងទាំងអំឡុងពេលរៀបចំមេរៀន និងនៅពេលយើងផ្តោតលើមតិ ឬសំណួររបស់សិស្សក្នុងថ្នាក់ ។
និយមន័យ
សិស្សគ្រប់រូបមកថ្នាក់រៀនដោយមានបទពិសោធន៍ និងទំនាក់ទំនងក្នុងជីវិតខុសៗគ្នា ដែលរៀបចំរបៀបដែលពួកគេគិត និងទទួលអារម្មណ៍អំពីសេចក្តីពិតនៃដំណឹងល្អ ។ ទស្សនៈទាំងនេះបង្កើតចំណុចចាប់ផ្តើមមួយ ជារឿយៗត្រូវបានហៅថា ការសន្និដ្ឋាន សម្រាប់ការគិតរបស់បុគ្គលម្នាក់ៗ ។ ការស្វែងរកការសន្និដ្ឋានរបស់បុគ្គលម្នាក់ៗអាចជួយយើងបង្រៀនសេចក្តីពិតដោយក្តីអាណិតអាសូរ និងសេចក្តីស្រឡាញ់ ដូចព្រះគ្រីស្ទបានបង្រៀន ។ ការសន្និដ្ឋានផ្សេងៗមិនផ្លាស់ប្តូរគោលលទ្ធិទេ ផ្ទុយទៅវិញការសន្និដ្ឋានទាំងនោះអនុញ្ញាតឲ្យយើងឃើញទស្សនវិស័យរបស់បុគ្គលម្នាក់ផ្សេងទៀត ក្នុងរបៀបមួយដែលជួយបង្កើនការយល់ដឹងរបស់យើង អំពីតម្រូវការរបស់សិស្សម្នាក់ៗ ដែលជាលទ្ធផលដើម្បីបង្កើនសេចក្តីជំនឿលើព្រះយេស៊ូវគ្រីស្ទ ។
អំឡុងពេលរៀបចំមេរៀន គ្រូបង្រៀនអាចពិចារណាអំពីសេចក្តីពិតដ៏អស់កល្ប នៅពេលអ្នកផ្អាក សញ្ជឹងគិត និងឆ្លើយសំណួរខាងក្រោមនេះ ៖
-
តើបទពិសោធន៍ និងទំនាក់ទំនងរបស់សិស្សខ្ញុំអាចរៀបចំផ្លូវដែលពួកគេគិត ទទួលអារម្មណ៍ និងរស់នៅតាមសេចក្តីពិតទាំងនេះដោយរបៀបណា ?
-
នៅពេលយើងសិក្សាសេចក្តីពិតនេះ តើសិស្សរបស់ខ្ញុំណាខ្លះអាចមានអារម្មណ៍ថា មិនចុះចំណោមគេ អំពល់ចិត្ត ឬឈឺចាប់ដោយសារតែកាលៈកាសៈរបស់ពួកគេដែរឬទេ ?
ខណៈផ្តោតលើមតិ ឬសំណួររបស់សិស្សអំឡុងពេលបង្រៀន ឬនៅក្នុងការសន្ទនា គ្រូបង្រៀនអាចសួរខ្លួនឯងដូចជា ៖
-
« តើបទពិសោធន៍ និងទំនាក់ទំនងអ្វីខ្លះដែលសិស្សនេះអាចមាន ដែលនឹងបណ្តាលឲ្យគាត់គិតផ្សេងពីអ្វីដែលខ្ញុំគិត ? »
-
« តើមានអ្វីទៀតដែលខ្ញុំត្រូវដឹង ដើម្បីយល់កាន់តែច្បាស់អំពីកម្រិតយល់ដឹងដែលគាត់មាន ? »
សំណួរទាំងនេះអាចយាងអញ្ជើញព្រះវិញ្ញាណបរិសុទ្ធ ហើយអញ្ជើញឲ្យមានស្មារតីនៃការញែកដឹង ស្រឡាញ់ និងសេចក្តីអាណិតអាសូរដូចព្រះគ្រីស្ទ នៅក្នុងទំនាក់ទំនងរបស់យើង ។ សំណួរទាំងនេះក៏អាចជួយយើងឲ្យចៀសវាងពីការបែរចេញ ការវិនិច្ឆ័យ ឬវិធីការពារចំពោះសិស្សផងដែរ ។ សំណួរទាំងនេះអាចជួយយើងបង្រៀនសេចក្តីពិតតាមរបៀបមួយដែលអាចផ្តល់ពរដល់ថ្នាក់រៀន និងជួយមនុស្សដទៃឲ្យស្ថាបនាសេចក្ដីជំនឿលើព្រះយេស៊ូវគ្រីស្ទ ។
គំរូ ( អំឡុងពេលរៀបចំមេរៀន )
ខណៈរៀបចំមេរៀនស្តីពីការធ្វើតាមការបំផុសគំនិតពីព្រះវិញ្ញាណបរិសុទ្ធ នោះខ្ញុំសញ្ជឹងគិតអំពីសំណួរដូចតទៅនេះ ៖ « តើបទពិសោធន៍ និងទំនាក់ទំនងរបស់សិស្សខ្ញុំអាចរៀបចំរបៀបដែលពួកគេគិត ទទួលអារម្មណ៍ និងរស់នៅតាមសេចក្តីពិតទាំងនេះដោយរបៀបណា ? » និង « នៅពេលយើងសិក្សាសេចក្តីពិតនេះ តើសិស្សណាខ្លះរបស់ខ្ញុំដែលពិបាក ឬទទួលអារម្មណ៍ថា មិនចុះចំណោម អំពល់ចិត្ត ឬឈឺចាប់ដោយសារកាលៈទេសៈរបស់ពួកគេមិនល្អដូចការរំពឹងទុក ដែលទាក់ទងនឹងគោលលទ្ធិនេះ ? »
នោះខ្ញុំឆ្លើយថា ៖ « ខ្ញុំប្រហែលជាមានសិស្សដែលទទួលអារម្មណ៍ថា ពួកគេមិនធ្លាប់ទទួលបានការបំផុសគំនិតពីមុន ឬពួកគេមិនទទួលអារម្មណ៍ថា ព្រះវិញ្ញាណបរិសុទ្ធមានបន្ទូលទៅកាន់ពួកគេទេ ។ ខ្ញុំប្រហែលជាមានសិស្សមួយចំនួនដែលទទួលអារម្មណ៍ថា ពួកគេមិនស័ក្តិសម ។ ប្រហែលជាមានគ្រានានាដែលសិស្សខ្ញុំមិនប្រាកដចិត្តថា តើការបំផុសគំនិតកើតមកពីព្រះវិញ្ញាណបរិសុទ្ធដែរឬទេ ។ ប្រហែលជាមានសិស្សជាច្រើនដែលធុញទ្រាន់នឹងស្តាប់ដំណើររឿងនានាពីអ្នកដទៃប្រាប់ពីការធ្វើតាមព្រះវិញ្ញាណ ដោយសាររឿងទាំងនោះហាក់ដូចជាអព្តូហេតុជានិច្ច ហើយរឿងទាំងនោះមិនធ្លាប់កើតឡើងចំពោះពួកគេទេ » ។
អនុវត្ត ( អំឡុងពេលរៀបចំមេរៀន )
ខណៈរៀបចំមេរៀនស្តីពី នីហ្វៃទី១ ៣:៧ « ខ្ញុំនឹងទៅ ហើយធ្វើនូវអ្វីៗដែលព្រះអម្ចាស់ទ្រង់បានបញ្ជា » ៖
-
សូមសញ្ជឹងគិត និងឆ្លើយសំណួរ ៖ « តើបទពិសោធន៍ និងទំនាក់ទំនងរបស់សិស្សខ្ញុំអាចដុះខាត់របៀបដែលពួកគេគិត ទទួលអារម្មណ៍ និងរស់នៅតាមសេចក្តីពិតទាំងនេះដោយរបៀបណា ? » និង « នៅពេលយើងសិក្សាសេចក្តីពិតនេះ តើសិស្សណាខ្លះរបស់ខ្ញុំដែលពិបាក ឬទទួលអារម្មណ៍ថា មិនចុះចំណោម អំពល់ចិត្ត ឬឈឺចាប់ដោយសារកាលៈទេសៈរបស់ពួកគេមិនល្អដូចការរំពឹងទុក ដែលទាក់ទងនឹងគោលលទ្ធិនេះ ? »
ខណៈរៀបចំមេរៀនស្តីពីភេទជាបុគ្គលិកលក្ខណៈចាំបាច់នៃអត្តសញ្ញាណ និងគោលបំណងដ៏អស់កល្បជានិច្ចរបស់យើង នៅក្នុងមេរៀនដែលមានចំណងជើងថា « ភេទ និងអត្តសញ្ញាណអស់កល្បជានិច្ច » ៖
-
សូមសញ្ជឹងគិត និងឆ្លើយសំណួរ ៖ « តើបទពិសោធន៍ និងទំនាក់ទំនងរបស់សិស្សខ្ញុំអាចដុះខាត់របៀបដែលពួកគេគិត ទទួលអារម្មណ៍ និងរស់នៅតាមសេចក្តីពិតទាំងនេះដោយរបៀបណា ? » និង « នៅពេលយើងសិក្សាសេចក្តីពិតនេះ តើសិស្សណាខ្លះរបស់ខ្ញុំដែលពិបាក ឬទទួលអារម្មណ៍ថា មិនចុះចំណោម អំពល់ចិត្ត ឬឈឺចាប់ដោយសារកាលៈទេសៈរបស់ពួកគេមិនល្អដូចការរំពឹងទុក ដែលទាក់ទងនឹងគោលលទ្ធិនេះ ? »
គំរូ ( អំឡុងពេលបង្រៀន )
នៅពេលពិភាក្សាគោលលទ្ធិអំពីថ្ងៃឈប់សម្រាក សិស្សម្នាក់បញ្ចេញមតិថា « គ្រួសារខ្ញុំចូលចិត្តមើលព្រឹត្តិការណ៍កីឡានៅថ្ងៃអាទិត្យ » ។ នៅពេលអ្នកផ្តោតលើមតិរបស់សិស្សអ្នក នោះអ្នកគិតថា « តើបទពិសោធន៍ និងទំនាក់ទំនងអ្វីខ្លះដែលសិស្សនេះអាចមាន ដែលនឹងបណ្តាលឲ្យគាត់គិតខុសពីអ្វីដែលខ្ញុំគិត ? » ឬ « តើមានអ្វីទៀតដែលខ្ញុំត្រូវដឹងដើម្បីយល់កាន់តែច្បាស់អំពីកម្រិតយល់ដឹងដែលគាត់មាន ? »
អនុវត្ត ( អំឡុងពេលបង្រៀន )
ពេលពិភាក្សាអំពីកិច្ចការអ្នកផ្សព្វផ្សាយសាសនា សិស្សម្នាក់សួរថា « តើវាសំខាន់ខ្លាំងប៉ុនណាដែលយុវជនគ្រប់រូបត្រូវបម្រើបេសកកម្ម ? »
-
សូមគិតក្នុងចិត្តថា « តើបទពិសោធន៍ និងទំនាក់ទំនងអ្វីខ្លះដែលសិស្សនេះអាចមាន ដែលនឹងបណ្តាលឲ្យគាត់គិតខុសពីអ្វីដែលខ្ញុំគិត ? » និង « តើមានអ្វីទៀតដែលខ្ញុំត្រូវដឹងដើម្បីយល់កាន់តែច្បាស់អំពីកម្រិតយល់ដឹងដែលគាត់មាន ? »
នៅក្នុងការពិភាក្សាអំពីព្យាការី និងវិវរណៈ សិស្សម្នាក់សួរថា « តើនៅពេលណាដែលសាសនាចក្រនឹងប្តូរគោលនយោបាយទៅតាមពិភពលោកទាំងមូលវិញ ? »
-
សូមគិតក្នុងចិត្តថា « តើបទពិសោធន៍ និងទំនាក់ទំនងអ្វីខ្លះដែលសិស្សនេះអាចមាន ដែលនឹងបណ្តាលឲ្យគាត់គិតខុសពីអ្វីដែលខ្ញុំគិត ? » និង « តើមានអ្វីទៀតដែលខ្ញុំត្រូវដឹងដើម្បីយល់កាន់តែច្បាស់អំពីកម្រិតយល់ដឹងដែលគាត់មាន ? »
សូមចុចនៅត្រង់នេះដើម្បីមើលវីដេអូអំពីគំរូនេះ ។
ពិភាក្សា ឬពិចារណា
-
តើអ្នកកំពុងរៀនអ្វីខ្លះអំពីការបង្រៀនសេចក្តីពិតនេះដោយសេចក្តីអាណិតអាសូរ នៅពេលអ្នកអនុវត្តស្វែងរកការសន្និដ្ឋានរបស់សិស្សពីមុន និងអំឡុងពេលបង្រៀន ?
-
តើការអនុវត្តនេះអាចជួយអ្នកឲ្យបង្រៀនកាន់តែដូចព្រះយេស៊ូវគ្រីស្ទយ៉ាងដូចម្ដេច ?
រួមបញ្ចូល
សូមជ្រើសរើសការអនុវត្តមួយខាងលើ ដើម្បីផ្តោតយកចិត្តទុកដាក់លើវារយៈពេលពីរសប្តាហ៍បន្ទាប់ទៀត ។ សូមរៀបចំផែនការពីរបៀបដែលអ្នកនឹងអនុវត្តជំនាញទាំងនេះ ។ ឧទាហរណ៍ ៖
-
ជាមួយសេចក្តីពិតដែលអ្នករៀបចំ នោះអ្នកអាចជ្រើសរើសចំណាយពេលប្រាំនាទីដើម្បីផ្អាក សញ្ជឹងគិត និងឆ្លើយសំណួរដែលជួយអ្នករកឃើញការសន្និដ្ឋានរបស់សិស្ស ។
-
ពីមុនបង្រៀន សូមស្វែងរកសិស្សម្នាក់ ហើយគិតអំពីមតិ ឬសំណួរដែលគាត់អាចមានអំពីសេចក្តីពិតនីមួយៗ ។ បន្ទាប់មកសូមគិតក្នុងចិត្តថា « តើបទពិសោធន៍ និងទំនាក់ទំនងអ្វីខ្លះដែលសិស្សនេះអាចមាន ដែលនឹងបណ្តាលឲ្យគាត់គិតខុសពីអ្វីដែលខ្ញុំគិត ? » និង « តើមានអ្វីទៀតដែលខ្ញុំត្រូវដឹងដើម្បីយល់កាន់តែច្បាស់អំពីកម្រិតយល់ដឹងដែលគាត់មាន ? » ការណ៍នេះនឹងរៀបចំអ្នកឲ្យធ្វើកិច្ចការនេះអំឡុងពេលបង្រៀន នៅពេលអ្នកផ្តោតលើមតិ និងសំណួររបស់សិស្ស ។
តើចង់បានបន្ថែមទៀតទេ ?
-
ឆាដ អេច វិប « Empathy » ( ការចាក់ផ្សាយអំពីការបំពាក់បំប៉នរបស់ ស.&វ. ប្រចាំឆ្នាំ នៅថ្ងៃទី ២៦ ខែ មករា ឆ្នាំ ២០២១ ) broadcasts.ChurchofJesusChrist.org
-
ជីន ប៊ី ប៊ីងហាំ « Teaching Truth in the Language of Love » ( ការរចាក់ផ្សាយអំពីការបំពាក់បំប៉នរបស់ ស.&វ. ប្រចាំឆ្នាំ នៅថ្ងៃទី ១៩ ខែ មករា ឆ្នាំ ២០២១ ) broadcasts.ChurchofJesusChrist.org