1 Oh ahnsouo pahn lelledo, me ma Mehn Liki kan pahn idawehn Sihmpwul en Kohto ni rahno me e pahn ketin kasalehiong irail pein ih sang ni sapwellime mahsen, oh pil sapwellime roson, oh pil wiwiah kan, pwehn ketikihsang mwohrail arail takain dipekelekel kan—

2 Oh dehr keptakaiala mohngiongarail kan mwohn Sihmpwul en Kohto, irail pahn iang wiahla kisehn en kadaudoken ahmw pahpao; iei, irail pahn iang wiahla peneinei en Israel; oh irail pahn wia aramas pai kei pohn sahpw en inouo kohkohlahte; irail sohte pahn pwurehng selidi; ohp eneinei en Israel sohla pahn namenekla.

3 Oh lapalahn pwoahro, me mwomwohdiso ndand oh suwedo weiradahng irail, iei mwomwohdisou me tepilo oh nah seri kan wiahdao, pwe en kak kahluwahdilahng aramas akan nan ehl—iei, lapalahn pwoahro me weiweida ong kamwomwalahn aramas pahn uhd audaudkihda irail akan me weiradao, ong kasohrala mehlel en pein irail, [nin duwen] Sihmpwul en Kohto eh mahsanih; kaidehn kasohralahn aramas, ahpw lekideklahng nan kisinieio me sohte imwi.

4 Pwe kilang, met iei duwen tepilo eh kin kalowehdi aramas, oh pil nin duwen sapwellimen Koht kopwung, [me pahn wiawi] ong irail kan me kinwia doadoahk en mwersuwed oh dipan mwohn silahngi.

5 Kedekedeo tohnlengo eri mahsanihong ngehi, Nihpai, ketihtihki: Ke kilangehr me ma Mehn Liki kan pahn koluhla e pahn mwahu ong irail; oh ke esehier duwen inou kan en Kauno ong peneinei en Israel; oh ke pil rongehr me mehmen me sohte pahn koluhla e uhdahn pahn mehla.

6 Eri, meid suwed ong Mehn Liki kan ma iei mohngiongarail kan pahn keptakaila mwohn Sihmpwul en Koht.

7 Sihmpwul en Koht mahsanih, ahnsouo kohkohdo me I pahn wiahda doadoahk kesempwal oh kapwuriamwei nan pwungen aramas akan; doadoahk ehu me pahn poatoapoat, ong pali koaros—pwehn kahreiraillahng popohl oh mour soutuk, de ong arail selidiong keptakain mohngiongirail kan oh rotalahn arail lamalam pwehki arail lohdieng nan kaludu, oh i hen kamwomwomwla, ni paliwar oh ni palingehn, nin duwen selidi en tepilo, nin duwen me I mahsaniher.

8 Kedekedeo ni ahnsou me tohnglengo mahsaniher mahsen pwukat, e ahpw mahsanihongie: Ke tamatamante sapwellimen Sahmo inou i hen peneinei en Israel? I ahpw sapeng patohwan, Ei maing.

9 Kedekedeo e ahpw mahsanihongie: Kilengla, oh kilang mwomwohdiso ndand oh suwedo, me iei nohnohn suwed akan koaruhsie, me tepilo wiahdahro.

10 Oh e mahsanihongie: Kilahng mwomwohdiso riaute me mie; ehu iei mwomwohdiso en Sihmpwul en Kohto, a mehteio iei mwomwohdiso en tepilo; eri, mehmen me sohte iang mwomwohdiso en Sihmpwul en Kohto kin iang towe mwomwohdiso suwedo, me iei nohnohn suwed koaros; oh ih me wia lih suwed en sampah unsek.

11 Kedekedeo I kilengla oh kilangada i hen netiki paliwar en sampah pwon, oh e mih pohn sehd tohto; oh e i hen wasa koaros pohn sampah, nan wehi koaros, keinek koaros, lokaia koaros, oh aramas koaros.

12 Kedekedeo I kilangada mwomwohdiso en Sihmpwul en Kohto, oh towe kan me malaulau, pwehki wiewia suwed akan en i hen netiki paliwere me mih pohn pihl akan; ahpw, I kilangada mwomwohdiso en Sihmpwulo, me iei souleng kei en Koht, arail pil iang mihseli pohn sampah; oh wasa me re i hen kan me tikitik, pwehki uwen mwersuwed en i hen netiki paliwar ndand me I kilangadao.

13 Kedekedeo I kilangada nohno ndand suwedo kihpenehr kidelepen aramas pohn sampah, nan wein Mehn Liki kan, pwe irail en pelian Sihmpwul en Kohto.

14 Kedekedeo Ngehi, Nihpai, kilangada manaman en Sihmpwul en Kohto, eh kohkohdi pohn souleng kan en mwomwohdiso en Sihmpwulo, oh pohn sapwellimen Kauno aramas en inou kan, me kamweremwerpeseng wasa koaros pohn sampah; oh irail tehtehki mour pwuhng oh manaman en Koht ni lingan kowahlap.

15 Kedekedeo I kilangadahr me engieng en Koht kipehdier mwomwohdiso ndand suwedo, kahredahr mahwin kan oh rohng en mahwin kan nan pwungen wehi kan koaros oh keinek kan en sampah.

16 Oh ni ahnsou me mahwin oh rohng en mahwin kan tepda wiewiawi nan pwungen wehi kan koaros me iangih nohno suwedo, tohnlengo eri mahsanihongie, ketihtihki: Kilang, engieng en Koht miher pohn nohnohn lih en netiki paliwar kan; oh kilang, ke kilangehr mepwukat koaruhsie—

17 Oh ni ahnsou me rahno pahn leledo me engieng en Koht pahn kipehdi nohnohn lih en netiki paliwar kan, me iei mwomwohdiso ndand suwedo en sampah pwon, me tepilo wiahdao, eri, ni rahno, sapwellimen Sahmo doadoahk pahn tepida, pwe en kaunopdahng ahlo ong pweidahn sapwellime inou kan, me e ketin wiahiongehr sapwellime aramas akan me iei peneinei en Israel.

18 Kedekedeo tohnlengo eri mahsanihong ie, ketihtihki: Kilahng!

19 Oh ngehi kilengla oh kilangada aramas emen, oh e likawih likou pwetepwet ehu.

20 Oh tohnlengo eri mahsanihongie: Kilang emen wahnpoaron ehk-riemen en Sihmpwulo.

21 Kilahng, e pahn kilahng oh ntingihda luhwen mepwukat; ei, oh pil soahng tohto me wiawiher.

22 Oh e pahn pil ntingihda duwen imwiseklahn sampah.

23 Eri, soahng kan me e pahn ntingihda e pwung oh mehlel; oh kilang e ntingdier nan pwuhk me ke kilangehro me kohsang nan ewen mehn Suhs; oh ni ahnsou me e kohsang nan ewen mehn Suhs, de, ni ahnsou me [mahsen en] pwuhko kohsang nan ewen mehn Suhs, soahng kan me ntingdier sansal oh unsek, oh keieu kesempwal oh mengei ong aramas koaros en kak wehwehki.

24 Oh kilang, soahng kan me wahnpoaron en Sihmpwul menet pahn ntingihdi iei soahng tohto me ke kilangehr; oh kilahng, luhwe kan me ke pahn kilang.

25 Ahpw soahng kan me ke pahn kilang sang met kohla ke sohte pahn ntingihdi; pwe Kauno Koht ketin kasarawialahr wahnpoaron en Sihmpwul en Kohto me ih me pahn ntingihdi.

26 Oh pil ekei me kohdo mahs, ong irail e ketin kasalehiengehr soahng koaros, oh irail ntingihdier; oh nting ko katengetengdier pwe re en kohdo ni unsek, nin duwen me mehlelo me mih rehn Sihmpwulo, ahnsou me Kauno pahn ketin koasoanehdi, ong peneinei en Israel.

27 Oh ngehi, Nihpai, rongehr oh kadehdehki, me eden wahnpoaron en Sihmpwulo iei Sohn, nin duwen me tohnlengo mahsanih.

28 Oh kilang, Ngehi, Nihpai, sohte mweimweieng I en ntingihdi luhwen soahng kan me I kilangehr oh rongehr; eri soahng kan me I ntingihdier I itariki; oh I ntingihdi ekiste duwen soahng kan me I kilangehr.

29 Oh I kadehdehki me I kilangehr soahng kan me ei pahpao kilangehr, oh tohnleng en Kauno me ketin kasalehiongie mepwukat.

30 Oh met I kaimwsakalahr ei koasoai me pid soahng kan me I kilangehr ni ahnsou me Ngehno waiehsangehr; oh ma soahng koaros me I kilangehr sohte ntingdi, a soahng kan me I ntingihdier pwung. Oh met mehlel. Ahmen.