1 Kedekedeo mwurin aht pwuredihdo rehn aht pahpao nan sapwtehno, kilang, e direkihla peren, oh pil ei nohno, Seraia, perenda mehlel, pwe e wie mwahmwahieikin kiht.

2 Pwe e lemehieng me se mehlahr nan sapwtehno; oh e pil kaulimkihong ei pahpao, ndaiong me ih ohl en kaudiahl men; ndinda: Kilang ke kahreikitail sang nan sapwetail sahpwen sohso, oh solahr nei pwutak ko, oh kitail pahn mehla nan sapwtehne.

3 Oh iei koasoai wet me ei nohno kaulimkihong ei pahpao.

4 Kedekedeo ei pahpao eri koasoaiahong, patohwan: I ese me ngehi emen ohl en kaudiahl; pwe ma I sohte kin kilang soahng kan me pid duwen Koht nan kaudiahl I sohte pahn ese kalahngan en Koht, ahpw I pahn mihmihte nan Serusalem, oh iang rieiko kamakamala.

5 Ahpw kilang, I aledier ehu sahpw en inou, me kapereniehda; ei, oh I ese me Kauno pahn ketin doarehla nei pwutak kan sang nan pehn Leipen, oh pwurehng kapwureiraildihdo rehta nan sapwtehne.

6 Oh ih mwomwen lokaia me ei pahpa, Lihai, koaloalamwahuieki ei nohno, Saraia, me pid duwen kiht, ni ahnsou me se seiseiloak kohdalahng nan sahpw en Serusalem, pwe sen alehdi poadoapoad en mehn Suhs akan.

7 Oh ahnsou me se pwurodohr ni imwen ei pahpao impwalo, kilang irail perenda mehlel, oh ei nohno pil nsenamwahula.

8 Oh e koasoaia: Met I esehier ni mehlel me Kauno me ketin mahsaniheng ei pwoudo en kohdo nan sapwtehn; ei, oh I pil esehier ni mehlel me Kauno me ketin sinsile nei pwutak kan, oh doareirailsang nan pehn Leipen, oh ketikiheng irail manaman en kak kapwaiada dahme Kauno ketin pahngokihong irail. Oh met iei duwen lokaia me e koasoaia.

9 Kedekedeo irail eri perenda mehlel, oh wia meirong oh meirong isihs ong Kauno; oh irail eri kapingkihong Koht en Israel.

10 Oh mwurin arail kaping kalahnganongehr Koht en Israel, ei pahpao, Lihai, eri ale poadoapoad kan me ntingdier pohn pileit pirahs kan, oh wadeksang ni tapio.

11 Oh e kilangada me re audaudkihda pwuhk limau en Moses, me koasoaiahda duwen kepikipikdahn sampah, oh pil duwen Adam oh Ihp, me wia tepin atail pahpa oh nohno;

12 Oh pil poadoapoad en mehn Suhs akan sangete ni tapio, lelledo ni tepidahn mwein Sedekaia, nahnmwarki en Suda;

13 Oh pil kokohp kan en soukohp sarawi kan, sangete ni tapio, leledo ni tepidahn mwein Sedekaia; oh pil kokohp tohto me Seremaia kohpadahr.

14 Kedekedeo ei pahpao, Lihai, pil diarada nan pileit pirahs ko kadaudok en ah pahpa kahlap oko; ih eri esehda me e wia kisehn kodoudok en Sosep; iei, ih Sosep me wia nein Seikop pwutak, me netila pwe en wisiklahng Isip, oh mepoadoandoarla ni limen Kauno, pwe en kak doarehla ah pahpao, Seikop, oh ah peneinei koaros pwe re en pitisang mehkihla lehk.

15 Oh irail pil pitsang selidi oh kohkohsang nan sapwen mehn Isip kan, ih Kohtohte me pil doareiraila.

16 Oh iei me ei pahpao, Lihai, diaradahr nan ntingdi en kadaudok en ah pahpa kahlap ko. Oh Leipen pil iang wia kadaudok en Sosep, eri ih oh ah pahpa kahlap ko kolokol poadoapoad kan.

17 Oh met ahnsou me ei pahpao kilangehr mepwukat koaros, e direkihla Ngehno, oh tepda kohpada duwen kadaudoke kan—

18 Me pileit pirahs pwukat uhdahn pahn kowohng wehi koaros, keinek koaros, lokaia koaros, oh aramas akan me wia kadaudoke.

19 Eri, e koasoaia me pileit pirahs pwukat sohte pahn ohla; oh me re sohte pahn sohrala mwurin ahnsou. E pil kohpada soahng tohto me pid kadaudoke kan.

20 Kedekedeo ahnsouo ngehi oh ei pahpao eri kapwaiadahr kosonned akan me Kauno pahngokihong kiht.

21 Oh se alehdier poadoapoad kan me Kauno ketin pahngokihong kiht, oh se rapahkier nan kosonned pwukat oh diarada me re kesempwal; mehlel, kesempwal ong kiht, ihme kahrehda se kak kadakadaurekihdo kosonned akan en Kauno ong nait seri kan.

22 Eri, e wia erepit en Kauno me se uhdahn pahn weuwa, ni aht pahn seiseiloak nan sapwtehno kohkolahng nan sahpw en inouo.