1. Ax toc, ax toc nxiʼ nmaʼna cyeya que wajbila tuʼn t-xiʼ cykʼoʼna mobil cye meba; bix cyewanx cyiba tuʼn min tbant cyuʼna cywitz xjal tuʼn mi chicyil xjal; tujwtla juntl tuʼmal, mijun ti tkaʼl tuʼn cycambiya tiʼj Mambaj aj at tuj cyaʼj.

2. Cyjaʼtzan jluʼ, aj oc tbant mobil cyuʼna, mi tzʼoc cykʼoʼna chun cywitz txkantl, icytzanj nbant cyuʼn xjal xmeletzʼ tuj sinagoga bix cyuj call, tuʼntzan tjaw nimsat cybi cyuʼn xjal. Ax toc nxiʼ nmaʼna que ya at chojbil cye.

3. Per aj oc tbant mobil cyuʼna ntiʼ loʼn tuʼn t-ẍnayja ti tkal nbant tuʼn tbankʼaja;

4. Tuʼntzan tbant mobitz tuj ewj; bix aj Kman ntil tuj ewj, oc cchjetal tuʼn, cywitz cyakil xjal.

5. Bix aj oc tnana Dios, mi tzʼoca icytzankaj xmeletzʼ, tuʼnj cyajbil tuʼn cynan Dios waʼlka tuj sinagoga bix cyuj cyscyinl call, tuʼntzan cyoc queʼyin cyuʼnke xjal. Ax toc cxel nmaʼna, ya at chojbil cyejo.

6. Atzan teʼ, oc tnana Dios, tocxa tuj tjaya, bix oc tetz tlamoʼn tjaya, nan Dios te tMana aj taʼ tuj ewj; bix aj tmana queʼyin tuj ewj, oc cchjetala tuʼn, cywitz cyakil xjal.

7. Oc cynana Dios miʼn cheʼx cykʼamaʼntla elaʼ elke ax yol, icytzankaj aj pon; tuʼnj ocslaʼn cyuʼn que tuʼn cyyolan nim octzan chi tzajal biʼn.

8. Miʼn choca, cyjaʼtzan jluʼ, icytzanj akajo; tuʼnj loʼn tuʼn Kman aj ti tkal cyajbila bix naʼxtak t-xiʼ cykaʼnna.

9. Atzan tuʼmal, pwes, cynaʼna Dios: Aya kMana taʼya tuj cyaʼj, cyʼiwlaʼnx teya tbi.

10. Bantx tajbila twitz txʼotxʼ icytzanj nbant tuj cyaʼj.

11. Bix najsama kcʼasbena tucʼala, icytzanj kecyʼ nko najsana cyiʼj cycʼasben kucʼala.

12. Bix miʼn koʼx ttzakpiʼna tuʼn kcub tzʼaka tuj il, nok kotcalomxa tiʼj tnachal.

13. Tuʼnj te teʼ aj etzbil reyno, bix aj ipamal, bix tzalajibil te junmajx. Icytzan tenjo.

14. Porque ka ma chi najsana cypaj xjal, ax cnajsal Kman tuj cyaʼj cyiʼja.

15. Bix ka ntiʼ ma najsana tiʼj cypaj xjal, bix ax nlay najsan Kman cyiʼj cypaja.

16. Ax icx, ka ma apana weʼyj, miʼn tzʼoca icytzankaj xmeletzʼ, bis cywitz, ntzacj cywitz tuʼntzan t-xiʼ cyyecʼan cye xjal que ax toc nchi apan weʼyj. Ax toc cxel nmaʼna que ya bann chojbil cye.

17. Atzan teʼ, oc taʼpana weʼyj, muʼnjax twiʼya bix txʼajoʼn el twitza;

18. Tuʼntzan micx queʼyina icytzankaj xjal oc cyaʼpan weʼyj, sino que icyxa icytzanj tMana tuj ewj taʼ; bix aj tMana nqueʼyin tuj ewj, oc ctzajal kʼoʼn chojbil tey cywitz cyakil xjal.

19. Miʼn txiʼ cycʼuʼna kʼinamabil tzaluʼ twitz txʼotxʼ, jatuma ajke puʼt bix sbacba cbajal cykʼuchan, bixkej alekʼ chocax bix cxel cyiʼn;

20. Cycʼuʼnxa, más ban, aj kʼinamabil tuj cyaʼj, jatuma mix puʼt mix sbacba miʼn kʼuchj cyuʼn, bix jatuma miʼn chocx alekʼ bix milay txiʼ cyiʼn.

21. Porque jatuma at cykʼinamabila, ax atzan ctel cyanmiya.

22. Aj spicyʼan xumlalbaj atzan tbakʼ witzbajjo; cyjaʼtzan jluʼ, ka banxix tbakʼ twitza, tzaʼnx t-xumlala nojna ctel tuʼn spicyʼan.

23. Per ka nach tbakʼ twitza, cyakil t-xumlala pur klolj tuj. Cyjaʼtzan jluʼ, ka aj spicyʼan at tiʼja pur klolj, ¡purala matijka!

24. Mijun xjal jaʼca tzʼakʼnan cyucʼ caba patrón, tuʼntzanj cocal tkʼojleʼn jun bixmo cocal tcʼujlaʼn juntl, bixmo cocal lakʼeʼ tiʼj juntl bixmo celal ticʼan juntl. Milay tzʼajbena te Dios bix cye kʼinamabil.

25. Bix banttzan que tajtzan otak chi jatz tkʼamaʼn Jesús yol ajo, nxiʼ tqueʼyin cyiʼj cab laj aj otak chi jaw tsicʼoʼn bix xiʼ tmaʼn cye: Cycʼujlama kej nyola ma chi baj nmaʼna. Tuʼnj lutzan luʼ, akatzana aj maʼ chi jaw nsicʼoʼna tuʼn cyakʼnana cyxol tnam. Cxel nmaʼna cyeya, pwes: Miʼn baj cycʼuʼja tiʼj cyankʼbila, tiʼj aj ti tkal tuʼn t-xiʼ cywaʼna bixmo aj ti tkal tuʼn t-xi cycʼaʼna; mix tiʼj cyxumlala, tiʼj aj ti tkal cocal cyxbalamaʼna. ¿Miyaʼpala a ankʼbil más twitz waʼj, bix xumlalbaj twitzj xbalan?

26. Cyqueʼyinxa ajke chʼit twitz cyaʼj, que mix nchi awan, mix nchi txʼeman, mix tuʼn tjaw cysicʼoʼn cybakʼ awal, tzintzan, ntakʼ Kman tuj cyaʼj aj cysicʼ. ¿Mi pala yaʼ más tbanalkeya cywitz chʼit?

27. ¿Alcye jun keʼ, oc tcub t-xiʼman tiʼj, jaʼca tzʼoc tloʼtzan chʼintl tcʼoʼl?

28. Bix tiʼj xbalan, ¿Ti til nxiʼ cyxiʼmana? Cyqueʼyinoca ajke jun wik bech lirio cybi tzaʼn nchi chʼiy tjakʼ cʼul: ntiʼ nchi akʼnan, mix nchi chmon;

29. Mas nxiʼ nmaʼna cyeya, que mix Salomón, tuj cyakil tkʼinamabil, ntiʼ o xbalaman icytzan jun cye.

30. Cyjaʼtzan jluʼ ka icy xbalaman Diosjo cyiʼj cʼul tuj campo, que icyjo jaʼla, bix nchiʼj tzʼocx tuj jorna, cyjaʼtzan chi xbalamijsa tuʼn, ka miyaʼ chʼin cyocslabila.

31. Miʼn baj cycʼuja tiʼj, pwes, cyjaʼw: ¿Ti tkal cxel kwaʼna bix ti tkal xel kcʼaʼna, bix ti tkal cajblal kuʼn tuʼn kxbalaman?

32. Tuʼntzanj loʼn tuʼn Kman tuj Cyaʼj que il cyiʼj cyakil cosas ajo.

33. Bix tnejal cyjayonxa etzbil tuʼcʼ Dios bix t-xtis, bix tzaʼnx cytenca cosas ajo oc chocal junsaʼn cyiʼja.

34. Cyjaʼtzan jluʼ, miʼn baj cycʼuʼja tiʼj kʼij nchiʼj; tuʼntzan aj kʼij te nchiʼj oc chocal tcwentan tiʼjx tib te tex tnachal.