1. Tons, nbanttzan, que cwando otak txiʼ baj ttxʼolbaʼn Jesús kej cosas luʼ, nxiʼ ttxʼolbaʼn cye ke xjal cyakil; bix xiʼ ttxʼolbaʼn cyakil ke cosas matij bix tzanx ke nuch.

2. Bix xiʼ tmaʼn cyjaʼw: Ajke tuʼjal luʼ aj naʼx ten cyucʼala, oʼ tzaj tmaʼn Mambaj tuʼn t-xiʼ nkʼona cyeya; tuʼnj tuj aj te nim baʼn tuʼn xiʼ tkʼoʼn tun t-xiʼ kʼamet cyekaj ankʼbil cyjaʼ cytzaj.

3. Bix ttxʼolbaʼn cyakilke cosas cye, icytzanjo, atxax aj ttzajlen keʼ asta tuj tyemp oc tul tuj tchi-al; icytzanjo, cyakilx cosas tuʼn cybant twitz txʼotxʼ cyakil, asta oc cyel baj txʼitl tzaʼnx cytenca ttxʼotxʼal tuʼn taʼw cyak, bix tuʼn toc tbalkʼin tib txʼotxʼ icytzan jun tiʼ tkal tolan tiʼj, bix tuʼn cycub naj cyaʼj bix txʼotxʼ.

4. Bix aj matij bix twiʼpan kʼij jatuma tzaʼnx cytenca tnam, familyas, nasyon bixke yolbil oc chi webil twitz Dios tuʼntzan cyoc tuj xtis según tzaʼn cybinchben, banwtla tbanal bixmo nach.

5. Ka baʼnka, tujtzan itzʼbil tej ankʼbil te jumajx; bix ka nachka, tujtzan itzʼbil jatum at sentens; bix nbanttzan txan waʼl parej cyxol, txkan tuj jun plaj bix txkantl tuj juntl plaj, según aj xtalbil, xtis, bix tbanal aj at tiʼj Cristo, que attak atxax tcub keʼ twitz txʼotxʼ.

6. Bix nlay bant ttzʼibj tuj uʼj luʼ aj jun piẍ te siént piẍ cyiʼj cosas ax toc cub tyecʼan Jesús cye tnam;

7. Per lutzan luʼ, ajke sleʼw cʼuxbil te Nefi at cyuj aj tnimal part cyiʼj cosas cub tyecʼan.

8. Bix oʼchi cub ntzʼibana kej cosas luʼ, que aje aj chʼin ni part tiʼj cub tyecʼan cye tnam, bix o chi cub ntzʼibana tuʼntzan cytzaj kʼit juntl el tuj tnam luʼ, tzajna cyiʼj xjal miyaʼ teʼ tuj ja te Israel, según ajke yol oʼ tzaj ttxʼolbaʼn Jesús.

9. Octzan cycʼam kej cosas ajo, baʼn tuʼn tel cynicyʼ tiʼj tnejal tuʼntzan cyoc tuj preba cyocslabil, ka ma txiʼ cyocslaʼn, tons chi xeltzan yecʼat cye ajke cosas matij.

10. Bix ka mi ma cyajbeʼ tuʼn tocx cyocslaʼn kej cosas ajo, tons miʼntzan cheʼx kʼot kaj cosas matij cye, tetzan cysentens.

11. Lutzan luʼ, banatak nten tuʼn cycub tzʼibat, ajke cycub cywitzke sleʼw cʼuxbil te Nefi, pero inoʼc tmayoʼn Kajaw tiʼj, aj t-xiʼ tmaʼn cyjaʼw: Cbel nkʼoʼna tuj preba aj tocslabil ntanmya.

12. Cyjaʼtzan jluʼ, akina, Mormón, ncub ntzʼibana kej cosas ntzaj tmaʼn Kajaw wecyʼ. Bix cbajeltzan baj nyola jaʼla, bix cucx cxel wiʼn wecyʼ ajke cosas oʼ tzaj kʼamaʼn wecyʼ.

13. Cyjaʼtzan jluʼ, wajbila tuʼn tel cynicyʼa tiʼj que o xnakʼtzan Kajaw tiʼj tnam tuj ox kʼij; bix tiʼjxatzan j-ajo, cub tyecʼan tib cocʼxi, bix cocʼxiʼ cub tiʼn tmij pan, bix baj tcyʼiwlaʼn, bix nxiʼtzan tkʼoʼn.

14. Bix banttzan que cub tyecʼan cye cʼwal cyiʼj xjal cyakil aj oc tyolj, bix banttzan takʼan te baʼn cye; bix xiʼ ttzakpiʼn cyakʼ, bix xiʼ cytxʼolbaʼnke te cyman ajke cosas matij bix cyeʼyaxka, kaj cosas matij aj otak jax tpocbal tuʼn cye tnam; bix xiʼ ttzakpiʼn cyakʼ tuʼntzan tbant cyyolan.

15. Bix banttzan aj tjaxlenxa tuj cyaʼjtcaban el tcub tyecʼan tib cywitz, bix otak tzʼaʼjal tucʼ Mambaj, despwés otak chi baj tkʼaʼnan ke yab cyakilxa bix ke cox, bix queʼyin cywitz moẍ tuʼn, bix jaket tocyʼ cyẍcyin xon tuʼn, bix bant nicyʼca wik kʼanbil cyxolke, bix aj tjaw weʼ jun xinak cyxolke cyimna, bix despwés aj t-xiʼlen tyecʼan tipamal, bix njaxtzan tucʼ Mambaj,

16. Lutzan luʼ, banttzan tuj juntl kʼij nnoc cychmon cyib xjal tzaʼnx cytenca, bix otbinta bix itilkej cʼwal ajo; bix tzanx ni nuchxax o jaket cytziʼ bix iyolan cyiʼj cosas cyeʼyaxka; bix ajke cosas xiʼ cytxʼolbaʼn, mijun tzakpiʼn tiʼj tuʼn tcub ttzʼiban.

17. Bix banttzan que ajke txnaʼkʼtzben Jesús otak chi jaw tsicʼoʼn tons nkeʼtzan tuʼn cybiyan bix tuʼn cyxnakʼtzet cyakilkaj aj nchuʼlaxa cyiʼj; bix nicyʼpunj ibiyan tuj tbi Jesús inoj tuʼn Xewbaj Sant.

18. Bix nimke o cyil bix o cybinta cyej cosas milay bant tuʼn cyxiʼ kʼametl, que miyaʼ wen cytzʼibjs.

19. Bix cub cyyecʼan bix bant cyakʼan te baʼn tiʼj jun bix juntl; bix attak cyakil cycosa mojan tiʼj bix bant cybinchben tuj xtis cyiʼj txkan bix txkantl.

20. Bix bant que ibant cyakil ke cosas, icytzaʼnj otj tkʼamanta Jesús cye.

21. Bix ajke biyan tuj tbi Jesús, atzan cybi oc aj Glesya te Cristo.