1. Baʼn jaʼla, icyxtzan kstorya, bix loʼn kuʼn que ax toc, tuʼnj lutzan luʼ, cʼunke tuʼn jun xjal tuj xtis taʼ, tuʼnj ax toc bant nim tbinchben tipamal tuj tbi Jesús, bix ntiʼtak jun alcye tuʼn tbant binchben nim tipamal tuj tbi Jesús, oʼcxtzla ka ax tuj sakxax taʼ cyakil tiʼjke te tnachal.

2. O bant, pwes, ka ntiʼ oc tzacj aj xinak luʼ tiʼj aj xiʼ ttantyaʼran tuj tyemp, aj abkʼi treinta y tres otak tzʼel baj;

3. Bix aj tnam nkeʼ tuʼn cy-ayon tuʼn cyakil cyipamal cyiʼj techaklil aj otak tkʼamanta profeta Samuel aj Lamanita, icytzanjo, aj tyemp tuʼn tentak ox kʼij klolj twitz txʼotx.

4. Bix nkeʼ tuʼn ten jun cyiw nabil tuʼn tbaj cycʼuʼj bix nchi cyitxpaj cyxolx cyib, bix otakxa chi yecʼat techaklil.

5. Bix banttzan que tuj abkʼi treinta y cuatro, aj tcyajan kʼij te tnejal xjaw, o icyʼ jun tnachal matij que mi jtojatak otak ilwaj tuj cyakil nimak tnam.

6. Bix o icyʼtl jun matij bix nach kʼakab; bixke kʼancyok junmajx nach que o baj cychitoʼn cyakil txʼotxʼ lonxaj icytzan chʼix mi cub tmij.

7. Bix o ten xlekʼlaj cyaʼj junmajx nkopan wena, que mijtojatak ilwaj tuj cyakil nimak tnam.

8. Bix oc tkʼakʼal tnam Zarahemla.

9. Bix ajca tnam te Moroni cub baj max t-xeʼpan mar, bixkej xjal tuj i cyim tej tjaw aʼ tuj cywiʼ.

10. Bix aj tnam te Moroníah o cyaj mukl tjakʼ txʼotxʼ, que jun matij witz jawlet t-xel tnam.

11. Bix icyʼ jun matij kʼuchbil bix tnachil tuj nimak tnam ttxlaj kʼij te cubna.

12. Per luʼtzan luʼ, matijxax bix jun maj nachxax jun kʼuchbil baj tuj nimak tnam te ttxlaj kʼij te jawna; bix lutzan luʼ, cyakilca twitz txʼotxʼ baj meltzʼaj tuʼn kʼakab, ke xcyaklan paẍ, kʼancyok, xlekʼlaj cyaʼj bixke cykʼikʼ bix cyaknab te cyakil txʼotxʼ;

13. Bix i kʼuchj nim be, bix i tzacj be, bix nim txʼotxʼ chkʼalaj i cyaj tucʼ nim xak.

14. Bix i ajca mulkʼaj nimke matij bix kʼinchaʼl tnam, bix nimke oc cykʼakʼal, bix nimke i cub mutzkʼaj, bix i cyimke xjal tuj, bixke ligar junmajx i cyaj kʼuchj.

15. Bix atka juʼn tnam i cyaj ten; per baj cyapaʼn nim tnachil, bix nimke xjal o chi cyim.

16. Bix atke juʼn i eʼx ikan tuʼn xcyaklan paẍ matij; bix mijun loʼn jatuma ipoʼna; oʼcx loʼn que i cub naj.

17. Cyjaʼtzan cyaj tuj nimak tnam junmax ntiʼ tiblal tuʼn kʼakab, kʼancyok, xlekʼlaj cyaʼj bixke cyaknab te tuj txʼotxʼ.

18. Bix lutzan luʼ, maʼ chel te cabke akaj xak; bix maʼ chi baj bachuʼnke twitz txʼotxʼ cyakil, que atzan tuʼmal cocʼ piẍ, cocʼ paʼxke tuj cyakil twitz tnam.

19. Bix banttzan tej cynaj kʼancyok, xlekʼlaj cyaʼj, bix aj tnachal junmajx, bix aj kʼakab, cyaknab — tuʼntzanj luʼluʼ, i ten icytzan ox hora; bix txkantltzan i kʼaman tiʼj que nimtl i ten; miyaʼ oʼcxjo, tzaʼnx cytencakej matij bix nach cosas i bant bala tuj ox hora — lutzan luʼ, tons ten klolj twitz txʼotxʼ tuj nimak tnam.

20. Bix o bant que o ten jun nim klolj twitz txʼotxʼ tuj nimak tnam, que aj tuʼmal cyiʼjke xjal naʼxtak cycub tzʼak jaca bant tuʼn t-xi cymacoʼn tuj tkloljal;

21. Bix ntiʼ ten spicyʼan tuʼn tlaj nim klolj, mix candel, mix tkan kʼakʼ; mix tuʼn tcʼant kʼakʼ tuʼn siʼ nuch bix tzkij wena, cyjaʼtzan ntiʼ ten spicyʼan.

22. Bix ntiʼ kʼinchal mijun spicyʼan, mix kʼakʼ, mix spicyʼan nkopan tiʼj jun ti tkal, mix kʼij, mix xjaw, mixke cheʼw, tuʼnj nimtak klolj tcub twitz txʼotxʼ.

23. Bix atzanj baj tuj ox kʼij ntiʼ ilwaj mi jun spicyʼan; bix o ten matij okʼel, bixkej nchi schʼin ntiʼ xiʼ cycoʼlan tuj cyakil tnam; icytzanjo, matijke okʼel te tnam nok tuʼn klolj bix aj kʼuchbil otak tzaj cyibaj.

24. Bix tuj jun ligar kit tbinjtz que tuj tzaj taʼw cyiʼj: ¡Ay, nokat otak tzʼajtz tiʼj kanma tej naʼxtak tul aj matij bix nach kʼij luʼ; tons owla chi colet kermano, bix miwtla tiʼ ẍi tzeʼy tuj aj tnam matij te Zarahemla!

25. Bix tuj juntl ligar kit tbinjtz nchi woyan, bix tuj tzaj taʼw cyiʼj, oc t-xiʼ cymaʼn cyjaʼw: ¡Nokat otak tzʼajtz tiʼj kanma tej naʼxtak tul aj matij bix nach kʼij! ¡Ay, nokat ntiʼwt i oc kxoʼn tuʼn xak, miwt el kiʼn cywiʼ bix i el kicʼanke profetas; tons ajke ktxuʼ, ke kmeʼjal cyeʼyax bix kẍlakʼ owla i cʼuʼt, bix nyaʼwlax i cyaj mukl tuj tnam matij te Moroníah! Bix cyjaʼtzan, matijke bix nach okʼel cyuʼn tnam.