1. Bix lutzan luʼ, aj jaʼla cxel nkʼamaʼna cyeya tuʼnxax tbaj cyxnakʼtzana wena cyiʼj cosas luʼ. Icytzanjo, cxel nkʼoʼna mandamyenta cyeya tuʼn tbaj cyxnaʼkʼtzaʼna wena cyiʼj cosas ax toc baʼnka, tuʼnj matijka tyol Isaías wena.

2. Tuʼnj ax toc oyolankʼa cyiʼj cosas tiʼj ntanmya aj toc tiʼj ja te Israel; cyjaʼtzan jluʼ, ax il tiʼj tuʼn tyolankʼa cye xjal miyaʼ te tuj ja te Israel.

3. Bix cyakilkaj cosas aj otyoʼla oʼ chel twitz, bix oc chelal twitzl, icxtzan ajke yol oʼchi tkʼamanta.

4. Cyjaʼtzan jluʼ, cybinx nyola; cytzʼiban cuba ajke cosas maʼ cheʼx nkʼamaʼna; bix seguntzan tyemp bix tzaʼn tajbil Mambaj, oc chi xel cyiʼj xjal miyaʼ teʼ tuj ja te Israel.

5. Bix alcyekaj ma txiʼ cybiʼn nyola, bix ma tzʼajs tiʼj cyanma tiʼj tnachal bix ma chi biyan, oc chi cletal. Chi xnaʼkʼtzana cyiʼj profetas wena, tuʼnj nimke ncymaʼn ax toc cyiʼj cosas luʼ.

6. Bix banttzan que taj tbaj tkʼamaʼn Jesús ajke yol ajo, nxiʼ tkʼamaʼn juntl el cye, despwés aj otak baj ttxʼolbaʼn cyakilca cyiʼj tuʼjal otak cyin bix nxiʼ tmaʼn cye: Lutzan luʼ, wajbila tuʼn tcub cytzʼibana txkantl tuʼjal aj ntiʼ cyucʼala.

7. Bix banttzan que nxiʼ tmaʼn te Nefi: Kʼintza ajke storya oʼ cheʼx tcʼuʼna.

8. Bix aj cyxiʼ tiʼn Nefi ajke storya tuʼcal, nchi cub tkʼoʼn twitzkʼa nchi baj tqueʼyin Jesús wena bix nxiʼ tmaʼn:

9. Ax toc cxel nmaʼna cyeya que tzaj nsamaʼn nmajana, aj Samuel aj Lamanita, tuʼn tkʼon ax toc tiʼj tnam luʼ, aj alcye kʼij tuʼn tjaw tbi Mambaj twitz cyaʼj wiʼja, nimke sant chi jawal weʼ cyxol cyimna, bix cbel cyyecʼan cyib cywitz nimke, bix oc chi xel cykʼolbeʼn. Bix nxiʼ tkaʼnan cye: ¿Miyaʼpala icy teʼnjo?

10. Bix ajke txnaʼkʼtzben ajtz cytzakʼweʼn, bix nxiʼ cymaʼn: Icytzanjo, Tat, o tkʼamanta Samuel juntyempca ajke tyola, bix cyakilkajo maʼ chel twitz.

11. ¿Bix nxiʼ tmaʼn Jesús cye: Tzaʼn ten ntiʼ cub cytzʼibana j-ajo, que nimke sant ijaw weʼ, bix jaw cyyecʼan cyib cywitz nimke, bix eʼx kʼolbeʼn?

12. Bix bajtzan que npon tiʼj tcʼuʼj Nefi que aj ajo ntiʼ otak cub tzʼibat.

13. Bix banttzan que nxiʼ tmaʼn Jesús tuʼn tcub tzʼibat; bix ncubtzan tzʼiban, tzaʼnx aj tmandamyent.

14. Bix tons nbanttzan que matak tbaj ttxʼolbaʼn Jesús tuj junx cyakilka tuʼjal otak chi cub tzʼibat, xiʼ tkʼamaʼn cye tuʼn tcub cyyecʼan cyakilkaj cosas otak txiʼ baj ttxʼolbaʼn.