1. Lutzan luʼ, banttzan que aj otak baj tyoʼlan kej yol luʼ, nxiʼ tqueʼyin Jesús juntl el cyiʼj xjal cyakil, bix nxiʼ tmaʼn cye: Lutzan luʼ, cyjaʼ ttzaj lakʼeʼ ntyempa.

2. Aj nxiʼ nqueʼyina xluʼchkaya, que nlay tzʼel cynicyʼa tiʼj cyakil nyola aj oʼ tzaj tsamaʼn Mambaj kina tiʼj tuʼn t-xiʼ ntxʼolbaʼna cyeya jaʼlixix.

3. Cyjaʼtzan jluʼ, cyxiʼya cyjaya, bix chi tenciya ximal cyiʼj cosas maʼ txiʼ nmaʼna cyeya, bix cykananxa te Mambaj tuj nbicyʼa tuʼn tel cynicyʼa tiʼj; bix bant ten cyuʼna te nchiʼj aj cela cynicyʼa tiʼj, bix chin nultzan juntl ela cyucʼala.

4. Per jaʼla matzan chinxa tucʼ Mambaj, bix ax ma chinxa yecʼal wiʼba cyucʼkaj jun cʼoloj xjal elna najka tiʼj Israel, tuʼnj nyaʼ elna najka tuj twitz Mambaj, pwes loʼn tuʼnkʼa jatuma oʼ cheʼx tiʼnkʼa.

5. Bix banttzan taj tbajlen yolan Jesús icyjo, nxiʼ tqueʼyin cyiʼjke xjal cyakil, bix til que nchi okʼ bix axax queʼyin ke, lonxa icytzan o cyajbe tuʼn t-xiʼ cykanan tuʼn ten mástl cyucʼal.

6. Tons nxi tmaʼn cye: lutzan luʼ, maʼ noj wanmiya tucʼ cyeʼyaxix wenn cyuʼcʼala.

7. ¿Kap ateʼke yab cyxola? cyiʼntzana tzaluʼ. ¿Kap ateʼke cox, bixmo moẍ, bixo xtunc, bixmo cox bixmo aj oʼ tzʼel jun piẍ t-xumlal, nchoc tzkij, bixmoke chcyin, bixmo alcyej juntl ikan jun tiʼx tkal yabil tuʼn? Cyiʼntza tzaluʼ jaʼca choc nkʼaʼnna, tuʼnj at ncʼuʼja cyiʼja; aj wanmiya maʼ noj tucʼ cyeʼyaxix wenn cyucʼala.

8. Pwes nnel nnicyʼa tiʼj que at cyajbila tiʼj tuʼn t-xiʼ nyecʼana cyeya aj oʼ bant wuʼna cyiʼj cyermaniya tuj Jerusalén tuʼnj nnel nnicyʼa tiʼj que nim cyocslabila tuʼn cykʼanata wuʼna.

9. Bix bajtzan que aj tbaj yolan cyjaʼw, cyakilka xjal, junxke cycyakil, nchoc lakʼeʼ, kʼiʼnke cyyab bixkej castiwa teʼ, ajke cox, moẍ, men, bix cyakilkaj nchi apanta tiʼj jun taʼw, bix ibantke cyakil tuʼn, según taj cyxiʼ kʼiʼn tucʼal.

10. Bix cyakilka, tzanxkaj otak chi kʼanat, tzanxkaj baʼnka, nchi cub mocʼeʼ twitz tkan nchoc ten nal Dios twitz; bixkej nicyʼpun tzaʼnx cyten xjal i oc lakʼeʼ, nnel cytzʼuban tkan, que o baj txʼajoʼn tiʼj tkan tuʼn tʼal cywitz.

11. Bix banttzan que xiʼ tmaʼn tuʼn ttzaj cyiʼn cycʼwaʼl nuch tucʼal.

12. Bix nxiʼtzan cyiʼn cycʼwaʼl nuch; ncheʼxtzan txʼolbaʼn twitz txʼotxʼ txlajkʼa, bix atzan Jesús cyajten tuj tmijal; bix nxiʼ cykʼoʼn xjal be tuʼn cypon baj cycyakil tucʼal.

13. Bix banttzan que taj cypon baj kʼiʼn cyakil, bix ncyajtzan Jesús tuj tmijal, nxiʼ tmaʼn cye tzaʼnx cytenca xjal tuʼn cycub ẍmejeʼ twitz txʼotxʼ.

14. Bix banttzan que taj cycub ẍmejeʼ twitz txʼotxʼ, njaw okʼ Jesús tuj tanma, bix nxiʼ tmaʼn: Tat, bis tina tuʼn tlaj aj tnachal te tnam tej ja te Israel.

15. Bix aj tjatz tkʼamaʼn kej yol ajo, ax ncub ẍmejeʼ twitz txʼotxʼ; bix lutzan luʼ, nnan Dios twitz Mambaj, bix ajke cosas xiʼ tmaʼn tuj t-orasyon milay chi bant tuʼn cycub tzʼibat, bix ajke tzanx cytenca xjal o cybinta, bix o cyma aj ax toc tiʼj ajo.

16. Bix atzan tuʼmal ncymaʼn aj ax toc tiʼj: Mi jtoja oʼ til tbakʼ witzbaj bixmo oʼ tbinta ẍcyimbaj maxatzun jaʼla, ke cosas matij bix cyeʼyaxka icytzankaj maʼ chi kila bix ma chi kbintaya aj xiʼ tmaʼn Jesús te Mambaj.

17. Bix mitiʼ akbaj jaʼca bant tuʼn t-xiʼ tmaʼn, mix xinak jaʼca bant tuʼn tcub ttzʼiban, mix tanma xjal jaʼca bant tuʼn tel tnicyʼ tiʼjkej matij bix cyeʼyax cosas icytzankaj maʼ chi kila bix maʼ kbintaya aj xtyolan Jesús; bix mijun jaʼca txiʼ t-xiʼman tiʼj tchi-al aj maʼ noj kanmiya tuʼn aj ẍkbintiya xiʼ tkaʼnan kiʼja te Mambaj.

18. Bix banttzan taj tbaj nan Jesús twitz Mambaj, njaw weʼ; per matijtak tchi-al cye xjal cyakil, que cyeʼyax o cynaʼnta.

19. Bix banttzan que nxiʼ tmaʼn Jesús cye, tuʼn cyjaw weʼ.

20. Bix nchi jawtzan weʼ twitz txʼotxʼ, tons nxiʼ tmaʼn cye: Cyeʼyaxkaya tuʼn tlaj cyocslabila. Lutzan luʼ, ya jaʼla at cyakil ntzalajibila.

21. Bix cwandatzan tbaj tkʼamaʼnkej yol luʼ, njaw okʼ, bix ajke tzaʼnx cytenca xjal nxiʼ cykʼoʼn ax toc tiʼj ajo; bix nchi tzyettzan juʼn cycʼwaʼl nuch tuʼn, juʼn bix juʼn, bix nbaj tcyʼiwlaʼn, bix nxiʼ tkaʼnan te Mambaj cyiʼj.

22. Bix cwandatzan tbant tuʼn j-ajo, njaw okʼ juntl el.

23. Bix nyolantzan cyucʼ xjal cyakilxa nxiʼ tmaʼn cyjaʼw: cyqueʼyinoca cycʼwaʼla.

24. Bix lutzan luʼ, aj tjaw tkʼoʼn twitz twitz cyaʼj, nxiʼ cyqueʼyin tuj cyaʼj, bix cyil que i jaket cyaʼj, bix que i etz angel, lonxa icytzan tuj tmij kʼakʼ; bix nnoc cyjapuʼn cyiʼj cʼwal, bix i cyaj japuʼn tuʼn kʼakʼ, bix bant cyuʼn angel cyakʼan cyiʼjke.

25. Bix cyil xjal cyakil, cybinta bix xiʼ cymaʼn ax toc tiʼj; bix loʼn cyuʼn que aj ax toc oʼ txiʼ kʼoʼn ax tocjo, tuʼnj teylax te juʼn o til bix tbinta tilx tib; bix japan cyajlal te cab mil tucʼ jweʼ syent anma, bix cysamontzan cyib xinak, xuʼj bix cʼwal.