1. Bix jaʼlatzan, luluʼ cxel nmaʼna aj oc t-xtisan Kajaw tuj yol aj nim baʼn tuʼn bix tuʼn cycanankej yol ajo cyucʼ xjal miyaʼ teʼ tuj ja te Israel, según aj ttziybil, tons quelaltzan cynicyʼa tiʼj ckebil tuʼn tel twitz aj bant tiʼj tuʼn Mambaj cyucʼ ke tcʼwaʼl Israel, tiʼj aj tuʼn cyajtz te acʼaj tuj txʼotxʼ cy-erens.

2. Bix loʼntzan cyuʼna que ajke tyol Kajaw, aj oʼ chikʼamanta jun tyempca ajke profetas sant, oc chelal baj twitz cyakil; bix miʼn txiʼ cymaʼna que oc cwebil aj tulal Kajaw cyucʼ tcʼwaʼl Israel.

3. Bix miʼn txiʼ cynaʼna tiʼj tuj cyanmiya que nok tenke yol aj oʼ cheʼx kʼamet, pwes lutzan luʼ, oc cxel tcʼujlaʼcj Kajaw aj oʼbant tiʼj tuʼn tucʼ tnam te ja te Israel.

4. Bix aj oc toc cyqueʼyina oc cyjaw canetke yol ajo cyxola, mitiʼ tuʼmal il tiʼj tuʼn tel cyicʼana tuj más tyemp ajke tbinchben Kajaw, tuʼnj aj tspada te t-xtisibil taʼ tuj tbankʼaj; bix lutzan luʼ, ka ma tzʼel cyicʼana tbinchben tuj kʼij ajo, cbantel tuʼn tcub naj cyiʼja tuʼn.

5. ¡Becyʼbil twitz aj quelal ticʼan te tbinchben Kajaw; icytzanjo, becyʼbil twitz aj miʼn tkiy Cristo bix ajke tbinchben!

6. Icytzanjo, ¡Becyʼbil twitz aj miʼn cub tuj twitz cyiʼj ajke tuj ewaj nchi kʼunj tuʼn Kajaw; bix aj nkʼaman tiʼj que aj Kajaw nyaʼ tuʼn yecʼbil nnakʼnan mix tuʼnj jun tyemp nkʼunj, mix cyuʼn oyaj, mix cyuʼn yolbil, mix tuʼn kʼanbil mix tuʼn tipamal Xewbaj Sant!

7. Icytzanjo, ¡Becyʼbil twitz aj tuj kʼij ajo ma txiʼ tmaʼn, chila ka baʼn que milay bant binchben nim tipamal tuʼn Jesucristo! Tuʼnj alcyej ma kʼaman tiʼj icyjo, atzanjo icytzan cʼwaʼlbaj te najleʼn, que mintiʼ xtalbil tucʼal; ictzan tyol Cristo.

8. Icytzanjo, ya miʼn chi xmucchana, mix tuʼn tel cyicʼana ajke judíos mix tuʼn cyjaw tzena cyiʼj, mix tiʼj mijuntl tuj ja te Israel; lutzan luʼ, cʼujlaʼnx tuʼn Kajaw aj bant tiʼj tuʼn cyucʼal, bix cbantel tuʼn cyiʼj aj oʼ txiʼ ttziʼyan.

9. Cyjaʼtzan jluʼ, miʼn txiʼ cyxiʼmana tiʼj que jaʼca bant tuʼn taʼjal maktzʼaj tbankʼaj Kajaw tuj t-ẍnayj, tuʼntzan mi tbant tjwisyo asta oc tel twitz aj bant tiʼj tuʼn tucʼ ja te Israel.