१ अब मोसीयाहको व्यवस्थामा यो थियो कि कानुनको न्यायकर्ता भएका, अथवा न्यायकर्ताहरू हुन नियुक्त गरिएका, प्रत्येक मानिसले उनीहरूका अगाडि न्याय गरिन ल्याइएकाहरूको न्याय गर्न उनीहरूले परिश्रम गरेको समयअनुसार उनीहरूले ज्याला प्राप्त गर्नु पर्दछ।

२ अनि यदि एक मानिसले अर्कालाई तिर्नु छ भने र उसले तिर्नु पर्ने नतिरे, न्यायकर्तासामु उसको गुनासो गरिन्थ्यो; अनि न्यायकर्ताले अधिकारको अभ्यास गर्थे र अधिकारीहरूलाई पठाउँथे कि त्यो मानिसलाई उनका अगाडि ल्याइओस्, उनले त्यो मानिसलाई कानुन र उसका विरुद्धमा ल्याइएका प्रमाणहरूअनुसार न्याय गर्थे, यसरी त्यो मानिसलाई उसले तिर्नु पर्ने तिर्न बाध्य बनाइन्थ्यो, अथवा खोसिन्थ्यो, अथवा जनमाझबाट एक चोर र डाँकाको रुपमा निकाला गरिन्थ्यो।

३ अनि न्यायकर्ताहरूले उनीहरूको समयअनुसार ज्याला प्राप्त गर्थे—एक दिनका लागि एक सेनिन सुन, अथवा एक सेनम चाँदी, जुन एक सेनिन सुन बराबर छ; अनि यो दिइएको कानुनअनुसार छ।

४ अब उनीहरूका सुनका र चाँदीका टुक्राहरूका नाउँहरू, तिनीहरूका महत्वअनुसार, यी हुन्। अनि ती नाउँहरू नफीहरूले दिएका हुन्, किनकि उनीहरूले यरुशलेममा भएका यहुदीहरूका तरिकाले हरहिसाब गरेनन्; न त उनीहरूले यहुदीहरूका तरिकाले नापे; तर उनीहरूले उनीहरूको हरहिसाब र उनीहरूको नापलाई बदले, जनको सोचाइ र परिस्थितिहरूअनुसार, प्रत्येक पुस्तामा, न्यायकर्ताहरूको शासनसम्म, ती मोसीयाह राजाद्वारा स्थापित गरिएकाले।

५ अब हरहिसाब यसरी छ—एक सेनिन सुन, एक सीओन सुन, एक शुम सुन, एक लिम्नाह सुन।

६ एक सेनम चाँदी, एक अम्नोर चाँदी, एक एस्रोम चाँदी र एक ओन्टी चाँदी।

७ एक सेनम चाँदी एक सेनिन सुन बराबर थियो र या त जौ को एक नाप र हरेक प्रकारका अन्नको पनि एक नाप।

८ अब एक सिओन सुनको परिमाण एक सेनिनको मोलको दुई गुणा थियो।

९ अनि एक शुम सुन एक सिओनको मोलको दुई गुणा थियो।

१० अनि एक लिम्नाह सुन ती सबै बराबर थियो।

११ अनि एक अम्नोर चाँदी दुई सेनुम बराबर हुन्थ्यो।

१२ अनि एक एस्रोम चाँदी चार सेनुम बराबर हुन्थ्यो।

१३ अनि एक ओन्टी ती सबै बराबरको हुन्थ्यो।

१४ अब थोरै सङ्ख्याको गणनाको मोलको हरहिसाब यो हो—

१५ एक शिब्लोन एक सेनमको आधा हो; त्यसकारण, एक शिब्लोन जौको नापको आधाको निम्ति।

१६ अनि एक शिब्लुम एक शिब्लोनको आधा हो।

१७ अनि एक लेआ एक शिब्लुमको आधा हो।

१८ अब उनीहरूको हरहिसाबअनुसार, यो उनीहरूको गणना हो।

१९ अब एक अन्टीओन सुन तीन शिब्लोन बराबर छ।

२० अब, यो फाइदा प्राप्त गर्ने एक मात्र प्रयोजनका निम्ति थियो, किनभने उनीहरूले आफ्ना ज्याला उनीहरूको नोकरीअनुसार प्राप्त गर्थे, त्यसकारण, उनीहरूले जनलाई दङ्गा मच्चाउन र हरेक प्रकारका बिघ्नहरूमा र दुष्टताहरूमा भड़काउँथे, कि उनीहरूले अझ बढी नोकरी पाऊन्, कि उनीहरूले उनीहरूअगाडि ल्याइएका मुद्धाहरूअनुसार पैसा पाऊन्, त्यसकारण उनीहरूले जनलाई अल्मा र अमुलेकविरुद्ध भड़काए।

२१ अनि यो जीस्रोमले अमुलेकलाई प्रश्न गर्न थाल्यो, यसो भन्दै: के तिमीले मैले सोध्ने केही प्रश्नहरूको उत्तर दिन्छौ? अब जीस्रोम एक मानिस थियो जो सैतानको चर्तिकलामा सिपालु थियो, कि उसले असलको विनाश गर्न सकोस्; त्यसकारण, उसले अमुलेकसामु भन्यो: के तिमी मैले तिमीसामु राख्ने प्रश्नको उत्तर दिन्छौ?

२२ अनि अमुलेकले उससामु भने: हो, यदि यो, ममा भएको परमप्रभुको आत्माअनुसार भए, किनकि म परमप्रभुको आत्मा विपरित केही पनि भन्दिनँ। अनि जीस्रोमले उनीसामु भन्यो: हेर, यहाँ छ ओन्टी चाँदी छ, अनि यी सबै म तिमीलाई दिनेछु यदि त्यो महान् व्यक्तिको अस्तित्वलाई तिमी अस्वीकार गर्दछौ भने।

२३ अब अमुलेकले भने: हे नरकको सन्तान, किन तँ मलाई लोभ्याँउछस्? के तँलाई थाहा छैन कि धर्मी त्यस्ता प्रलोभनमा फस्दैनन्?

२४ के तँ विश्वास गर्छस् कि परमेश्वर हुनुहुन्न? म तेरासामु भन्दछु, होइन, तँलाई थाहा छ कि परमेश्वर हुनुहुन्छ, तर त्यो नाफालाई तँ उहाँलाई भन्दा बढी माया गर्छस्।

२५ अनि अब तैँले परमेश्वरअगाडि मसामु ढाँटेको छस्। तँ मसामु भन्दछस्—हेर यी छ ओन्टी, जुन ठूलो मूल्यका छन्, म तिमीलाई दिन्छु—जब कि तैँले तेरो हृदयमा मलाई नदिने सोचेको थिइस्; अनि यो तेरो चाहाना मात्र हो कि मैले साँचो र जीवित परमेश्वरलाई अस्वीकार गरूँ, कि तसँग मलाई विनाश गर्ने कारण होओस्। अनि अब हेर्, किनकि यो महान् दुष्टताको लागि तेरो इनाम तैँले पाउनेछस्।

२६ अनि जीस्रोमले उससामु भने: के तिमी भन्दछौ एक साँचो र जीवित परमेश्वर हुनुहुन्छ?

२७ अनि अमुलेकले भने: हो, एक साँचो र जीवित परमेश्वर हुनुहुन्छ।

२८ अब जीस्रोमले भन्यो: के त्यहाँ एकभन्दा बढी परमेश्वर हुनुहुन्छ?

२९ अनि उनले उत्तर दिए: हुनुहुन्न।

३० अब जीस्रोमले उनलाई पुन: भन्यो: तिमीलाई यी कुराहरू कसरी थाहा छ?

३१ अनि उनले भने: एक स्वर्गदूतले मलाई ती अवगत गराएका हुन्।

३२ अनि जीस्रोमले पुन: भन्यो: आउनुहुने उहाँ को हुनुहुन्छ? के उहाँ परमेश्वरका पुत्र हुनुहुन्छ?

३३ अनि उनले उसलाई भने, हो।

३४ अनि जीस्रोमले पुन: भन्यो: के उहाँले उहाँका जनलाई उनीहरूका पापहरूमा बचाउनु हुनेछ? अनि अमुलेकले उत्तर दिए र उसलाई भने: म तेरासामु भन्दछु उहाँले बचाउनु हुनेछैन, किनकि उहाँका वचन अस्वीकार गर्न उहाँलाई असम्भव छ।

३५ अब जीस्रोमले मानिसहरूलाई भन्यो: हेर कि तिमीहरूले यी कुराहरू सम्झन्छौ; किनकि उसले भन्यो कि त्यहाँ एक मात्र परमेश्वर हुनुहुन्छ; अझ उसले भन्दछ कि परमेश्वरका पुत्र आउनुहुनेछ, तर उहाँले उहाँका जनलाई बचाउनु हुनेछैन—उससँग परमेश्वरलाई आज्ञा दिने अधिकार भएजस्तै गरी।

३६ अब अमुलेकले उससामु पुन: भन्दछन्: हेर् तँ झुटो बोल्दछस्; किनकि तँ भन्दछस् कि मैले परमेश्वरलाई आज्ञा दिने अधिकार भएजस्तै गरी बोल्दछु किनभने मैले भनेँ उहाँले उहाँका जनलाई उनीहरूका पापहरूमा बचाउनु हुनेछैन।

३७ अनि म तँलाई पुन: भन्दछु कि उहाँले उनीहरूलाई उनीहरूका आफ्ना पापहरूमा बचाउन सक्नुहुन्न; किनकि मैले उहाँका वचनलाई अस्वीकार गर्न सक्दिनँ र उहाँले भन्नुभएको छ कि कुनै पनि अशुद्ध कुराले स्वर्गको अधिराज्य रिक्थमा लिन सक्दैन, त्यसकारण, स्वर्गको अधिराज्य रिक्थमा प्राप्त नगरे तिमीहरू कसरी मुक्त हुन सक्छौ? त्यसकारण, तिमीहरू आफ्ना पापहरूमा मुक्त हुन सक्दैनौ।

३८ अब जीस्रोमले पुन: उनलाई भन्यो: के परमेश्वरका पुत्र स्वयम् अनन्त पिता हुनुहुन्छ?

३९ अनि अमुलेकले उससामु भने: हो, उहाँ स्वर्गका र पृथ्वीका र त्यहाँ भएका सबै कुराहरूका अनन्त पिता सोही हुनुहुन्छ; उहाँ प्रारम्भ र अन्त्य, पहिलो र अन्तिम हुनुहुन्छ।

४० अनि उहाँ आफ्ना जनको उद्धार गर्न यो संसारमा आउनुहुनेछ; र उहाँले आफ्नो नाउँमा विश्वास गर्नेको उल्लङ्घनहरू आफूमा लिनुहुनेछ; अनि अनन्त जीवन प्राप्त गर्ने यिनै हुन् र मुक्ति अरु कसैलाई प्राप्त हुनेछैन।

४१ त्यसकारण यदि मृत्युका बन्धनहरू नफुकाए, दुष्ट कुनै उद्धार नगरिए जस्तै गरी रहन्छन्; किनकि हेर, त्यो दिन आउनेछ कि सबै मृत्युबाट उठ्ने छन् र परमेश्वरअगाडि खडा हुनेछन् र उनीहरूका कार्यहरूअनुसार न्याय गरिनेछन्।

४२ अब, एक मृत्यु छ जसलाई लौकिक मृत्यु भनिन्छ; र ख्रीष्टको मृत्युले यो लौकिक मृत्युका बन्धनहरूलाई फुकाउँछ, कि सबैलाई यो लौकिक मृत्युबाट उठाइनेछ।

४३ आत्मा र शरीरलाई परिपूर्ण स्वरूपमा फेरि एकीकृत गरिनेछ; हातखुट्टा र जोर्नी दुबै लाई यसको उचित आकारमा पुनर्स्थापित गरिनेछ, अब अहिले हामी यस समयमा भएजस्तै समेत; र हामीलाई परमेश्वरअगाडि खडा हुन लगिनेछ, हामीलाई अहिले भएको ज्ञानका साथ समेत र हाम्रा सबै दोषहरू गाढा सम्झना हुनेछ।

४४ अब, यो पुनर्स्थापना सबैप्रति, बृद्ध र तरुण दुबैप्रति, दास र स्वतन्त्र दुबै प्रति, महिला र पुरुष दुबैप्रति, दुष्ट र धर्मी दुबै प्रति आउनेछ; र उनीहरूका शिरको एउटा कपालसमेत पनि गुम्नेछैन; तर प्रत्येक कुरा यसको परिपूर्ण आकारमा, अहिले भएजस्तै, अथवा शरीरमा पुनर्स्थापित गरिनेछ र पुत्र ख्रीष्ट र पिता परमेश्वर र पवित्र आत्मा, जो एक अनन्त परमेश्वर हुनुहुन्छ, उहाँको न्यायालयअगाडि उनीहरूका कार्यहरूअनुसार न्याय गर्न, ती असल भए पनि अथवा ती दुष्ट भए पनि, ल्याइनेछ र आरोप लगाइनेछ।

४५ अब, हेर, मैले मरणशील शरीरको मृत्युका बारेमा र मरणशील शरीरको पुनरुत्थानका बारेमा पनि, तेरासामु बोलेकोछु। म तँलाई भन्दछु कि यो मरणशील शरीर अमर शरीरमा उठाइनेछ, कि मृत्युबाट हो, जीवनमा पहिलो मृत्युबाट समेत, कि उनीहरू अरु मर्न सक्दैनन्; उनीहरूका आत्माहरू उनीहरूका शरीरसँग जोड्दै, कहिले पनि नछुट्टिने गरी, यसरी यो सिङ्गै आत्मिक र अमर बन्दै, कि उनीहरूले अपभ्रंस अरु देख्न नपरोस्।

४६ अब, जब अमुलेकले यी वचनहरू समाप्त गरेका थिए जन फेरि आश्चर्य चकित हुन थाले र जीस्रोम पनि काम्न थाल्यो। अनि यसरी अमुलेकका वचनहरूको अन्त्य भए, अथवा मैले लेखेको यति सबै हो।