1 И сега јас, Морони, продолжувам да давам извештај за Јаред и неговиот брат.

2 Зашто се случи дека откако Господ ги беше подготвил камењата кои братот на Јаред ги беше носел горе на планината, братот на Јаред се симна од планината, и ги стави камењата во бродовите кои беа подготвени, еден во секој крај; и ете, ги осветлија бродовите.

3 И така Господ направи камењата да светат во темнината, да им дадат светлина на мажите, жените, и децата, за да не ги преминат големите води во темнина.

4 И се случи кога беа подготвиле секаков вид на храна, за така да можат да преживеат врз водата, и исто така храна за нивните стада и крда, и било како ѕвер или животно или птица што би носеле со нив—и се случи кога ги беа направиле сите овие нешта се качија на нивните бродови односно барки, и се упатија кон морето, доверувајќи се кај Господ нивниот Бог.

5 И се случи дека Господ Бог предизвика да има бурен ветер врз лицето на водите, кон ветената земја; и така беа фрлени врз морските бранови пред ветрот.

6 И се случи многу пати да бидат закопани во длабочините на морето, поради планинските бранови кои се спуштија на нив, и исто големите и ужасни невремиња кои беа предизвикани од жестокоста на ветрот.

7 И се случи кога беа закопани во длабочината немаше вода што можеше да ги повреди, нивните бродови беа непробојни како сад, и исто така беа непробојни како арката на Ное; затоа кога беа опколени од многу води Го довикаа Господ, и Тој повторно ги доведе врз врвот на водите.

8 И се случи ветрот никогаш да не престане да дува кон ветената земја додека беа на водите; и така беа протерани пред ветрот.

9 И тие Му пееја пофалби на Господ; да, братот на Јаред Му пееше пофалби на Господ, и Му се заблагодаруваше и Го славеше Господ цел ден; и кога дојде ноќта, не престанаа да Го слават Господ.

10 И така беа водени напред; и ниту едно морско чудовиште не можеше да ги скрши, ниту кит не можеше да ги оштети; и постојано имаа светлина, било да беше над водата или под водата.

11 И така беа протерани напред, триста и четириесет и четири дена врз водата.

12 И пристигнаа на брегот во ветената земја. И кога зачекорија на брегот на ветената земја се поклонија на лицето на земјата, и се понизија пред Господ, и пролеаја солзи од радост пред Господ, поради мноштвото на Неговите нежни милости над нив.

13 И се случи да тргнат на лицето на земјата, и започнаа да ја обработуваат земјата.

14 А Јаред имаше четири сина; и се викаа Јаком, и Гилга, и Маха, и Ориха.

15 И братот на Јаред исто имаше синови и ќерки.

16 И пријателите на Јаред и неговиот брат беа на број околу дваесет и две души; и тие исто така имаа синови и ќерки пред да дојдат во ветената земја; и затоа почнаа да бидат многу.

17 И беа поучени да чекорат понизно пред Господ; и исто така беа поучувани од високо.

18 И започнаа да се шират врз лицето на земјата, и да се размножуваат и да ја обработуваат земјата; и се зацврстија во земјата.

19 И братот на Јаред започна да старее, и виде дека наскоро мора да умре; заради што му кажа на Јаред: Да го собереме заедно нашиот народ за да ги изброиме, за да дознаеме од нив што би посакале од нас пред да умреме.

20 И поради тоа се собра заедно народот. Сега бројот на синовите и ќерките на братот на Јаред беше дваесет и две души; и бројот на синови и ќерки на Јаред беше дванаесет, тој имајќи четворица синови.

21 И се случи да го избројат нивниот народ; и откако ги беа изброиле, ги распрашуваа за нештата кои би сакале да направат пред да се спуштат во гробовите.

22 И се случи народот да посакува од нив да помазаат еден од нивните синови да биде цар врз нив.

23 И сега ете, ова беше жално за нив. И братот на Јаред им кажа: Сигурно ова нешто води до заробеништво.

24 Но Јаред му кажа на братот: Дозволете им да имаат цар. И затоа им кажа: Одберете од нашите синови еден цар, и тоа кого сакате.

25 И се случи да го одберат и првородениот од братот на Јаред; и неговото име беше Пагаг. И се случи тој да одбие и да не им биде цар. А народот сакаше татко му да го присили, но неговиот татко не го стори тоа; и им заповеда да не присилуваат ниту еден човек да им биде цар.

26 И се случи да ги одберат сите браќа на Пагаг, а тие не сакаа.

27 И се случи ниту еден од синовите на Јаред да не сака, дури сите освен еден; и Ориха беше помазан да биде цар врз народот.

28 И започна да владее, и народот започна да напредува; и стана прекумерно богат.

29 И се случи Јаред да умре, и неговиот брат исто така.

30 И се случи дека Ориха чекореше понизно пред Господ, и се сети колку големи нешта направи Господ за неговиот татко, и исто го поучи неговиот народ колку големи нешта Господ беше направил за нивните татковци.