Ilemen

Pwuhk Sarawih kan

Pwuhk en Mormon

Audepe kan
Mehn Kapehse oh Kadehde kan
1 Nihpai
2 Nihpai
Seikop
Inos
Serom
Omnai
Mahsen kan en Mormon
Mosaia
Alma
Ilemen
3 Nihpai
4 Nihpai
Mormon
Ihder
Moronai
Mehn Kaweid Pisetik ong Pwuhk en Mormon

Ilemen

Iralaud 1
Keriau en Paoran wiahla sounkopwung lapalap oh Kiskumen kemehla—Pakumenai wiliandi nan sehr en sounkopwungo—Koriandumer kaunda nein Mehn Leimen sounpei kan, kalowehdi Saraemla, oh kemehla Pakumenai—Moronaia kalowehdi Mehn Leimen kan oh kapwurehsang Saraemla, oh kemehla Koriandumer. Ele Sounpar 52–50 Mwohn Krais.
Iralaud 2
Ilemen, nein Ilemen pwutako, wiahla sounkopwung lapalap—Kadiendon kaunda pwihn en Kiskumen—Nein Ilemen laduo kemehla Kiskumen, oh pwihn en Kadiendon ko tang kohla nan sapwtehno. Ele Sounpar 50–49 Mwohn Krais.
Iralaud 3
Dir en Mehn Nihpai kan keseula nan sahpw en paliepeng—Re wiahda ihmw me wiawihkihda siment oh wiahda poadoapoad tohto—Aramas kide kei wiliakapwala oh papidaisla—Mahsen en Koht kin kahluwahieng aramas re en komourla—Nihpai nein Ilemen pwutak wiliandi nan sehr en sounkopwung. Ele Sounpar 49–39 Mwohn Krais.
Iralaud 4
Mehn Nihpai me pwupwidi kan oh Mehn Leimen kan patpene oh kihsang sahpw en Saraemla—Mehn Nihpai kan ar lohdi kohdo sang ni ar wiewia suwed kan—Mwomwohdiso pweiek, oh aramas kan luwetala duwehte Mehn Leimen kan. Ele Sounpar 38–30 Mwohn Krais.
Iralaud 5
Nihpai oh Lihai loaloapwoatieng kalkalohk—Edera kan lukehiong ira en kapahrekihong ara mour duwehteara pahpa kahlapoko—Krais kin ketin komourala me kin koluhla kan—Nihpai oh Lihai wikidala aramas tohto oh selidi, oh kisiniei kapilirahdi—depwek rotorot ehu perehla aramas silipwiki—Sampah rerrer, oh kepitie ieu mahsanih aramas kan en koluhla—Nihpai oh Lihai koasoaiong tohnleng kan, oh kisiniei ahpw kapilpene pokono. Ele Sounpar 30 Mwohn Krais.
Iralaud 6
Mehn Leimen me mwahu kan kalohk ong Mehn Nihpai me suwed kan—Irail koaros pweida nan mwehin popohl oh tohto dipwisou—Lusiper, sounwiahda dihp, kamwakidada mohngiong en me suwed kan oh pwihn en Kadiendon lipirapko re en kam aramas oh wia tiahk suwed kan—Lipirapko kalowehdi koapworment en Mehn Nihpai kan. Ele Sounpar 29–23 Mwohn Krais.
Iralaud 7
Nihpai lekidekla nan paliepeng oh pwurala Saraemla—E kapakap nan doulik en ah mwetuwelo oh likuweriong aramas akan re en koluhla de mehla. Ele Sounpar 23–21 Mwohn Krais.
Iralaud 8
Sounkopwung likamw kan song kapingada aramas kan re en uhwong Nihpai—Eipraam, Moses, Sihnos, Sihnok, Isaias, Aiseia, Seremaia, Lihai, oh Nihpai irail koaros kadehdehki Krais—Sang ni kamarain me Nihpai alehdi, e pakairki kamakamlahn sounkopwung lapalapo. Ele Sounpar 23–21 Mwohn Krais.
Iralaud 9
Meninkeder kan diarada me sounkopwungo mehla ni sehr en sounkopwungo—Re selidi oh mwuri kasaledekla—Sang ni kamarain Nihpai kasalehda Siendum me wia kamaramaso—Ekei kamehlelehda me Nihpai wia soukohp. Ele Sounpar 23–21 Mwohn Krais.
Iralaud 10
Kauno ketikihong Nihpai manaman en katengetehng—E alehdi manaman en keinapwihdi oh mweidada pohn sampah oh nanleng—E mahsanihong aramas akan en koluhla de mehla—Ngehno ketikihda ih sang ehu pokon kohlahng ehu pokon. Ele Sounpar 21–20 Mwohn Krais.
Iralaud 11
Nihpai peki rehn Kauno en ketin wiliankihdi lehk arail mahwin kan—Aramas tohto mehla—Irail koluhla, oh Nihpai ahpw peki ni ngidingid rehn Kauno en ketikihdo keteu—Nihpai oh Lihai alehdi kaudiahl tohto—Pwihn lipirap en Kadienden ko koasoneiraildier nan sahpwo. Ele Sounpar 20–6 Mwohn Krais.
Iralaud 12
Aramas kin koweikohdo oh pweipwei oh kin mwadangete wiewia suwed—Kauno kin ketin kaloke Sapwellime aramas pwe re en mwahula—Ahn aramas akan ar sohte karasarasiong manaman en Koht—Nan rahn en kadeiko, aramas pahn alehdi mour poatoapoat de kamwomwala poatoapoat. Ele Sounpar 6 Mwohn Krais.
Iralaud 13
Samuel Mehn Leimen kohpada kamwomwalahn Mehn Nihpai kan ma re sohte pahn koluhla—Irail oh arail dipwisou kepwehpweh kan riahla—Irail soikala oh katehki takai soukohp kan, tepil kan kapiliraildi, oh irail kin rapahki peren nan wiewia suwed. Ele Sounpar 6 Mwohn Krais.
Iralaud 14
Samuel kohpada me pwohng me Krais pahn ketin ipwidi marain oh usu kapw ehu pahn pwarada—Krais pahn doarehla aramas kan sang mehlahn paliwar oh palingehn—Kilel en Sapwellime pwoulao iangahki erein rahn siluh e pahn rotorot, pwalpeseng en paip akan, oh mwekid kamasepwehk lap pahn wiawi. Ele Sounpar 6 Mwohn Krais.
Iralaud 15
Kauno kin ketin kaloke Mehn Nihpai kan pwehki E ketin poakehng irail—Mehn Leimen me wiliakapwala kan kehlail oh tengeteng nan arail pwoson—Kauno pahn kupwurehla Mehn Leimen kan ni imwin rahn akan. Ele Sounpar 6 Mwohn Krais.
Iralaud 16
Mehn Nihpai kan me kamehlele Samuel papidaisla rehn Nihpai—Mehn Nihpai kan me sohte koluhla neirail arep kan oh takai kan sohte kak kemehla Samuel—Ekei mohngiongarail kan keptakaila, oh ekei kilangada tohnleng kan—Me soupwoson kan kin nda me e kasapwurupwur re en kamehlele Krais oh Sapwellime ketido nan Serusalem. Ele Sounpar 6–1 Mwohn Krais.

Nting

Kiheng highlight oh underline kan

Sainlong pwehn doadoahngki

Kapatahieng ire tohrohr kan