1 Kedekedeo ni tepidahn pahr silihsek wenou en mwein sounkopwung kan ong aramas en Nihpai kan, Siplon alehdier pwukoahn apwalih soahng sarawi kan me kohiong Ilemen sang rehn Alma.

2 Oh e wia ohl pwung men, oh e kin weweid mwohn Kauno ni pwung; oh e kin nantihong wia me mwahu ahnsou koaros, ni eh kapwaiada kosonned en Kauno eh Koht; oh pil iangahki rie pwutako.

3 Kedekedeo Moronai pil kapilsalehdala. Oh met kaimwsekalahr pahr silihsek wenou en mwein sounkopwung kan.

4 Kedekedeo nan pahr silihsek isuh en mwein sounkopwung kan, mie pwihn en ohl kei, ie me tohtohki uwen ohl limekid pahpwiki, iangahki arail pwoudkan oh neirail seri kan, mweselsang nan sahpw en Saraemla kohlahng nan sahpw me mih paliepeng.

5 Kedekedeo Eikod, pwehki eh wia aramas me kin men esehla mehkot kapw, e ahpw kohwei oh wiahda lepelepen wahr ehu, ni irepen sahpw en Rahk, nimwahn sahpw en Tehnla, oh kihdi nan sehd en palikapi, nimwahn sahpw tehkik me kohdahla nan sahpw en paliepeng.

6 Oh kilang, tohto Mehn Nihpai kan me pidelong nan wahro oh seiloakwei iangahki kenerail mwonge tohto, oh pil tohto lih akan oh seri kan; oh re seiloakwei paliepeng. Oh met kaimsekalahr pahr silihsek isuh.

7 Oh nan pahr silihsek waluho, ohl menet pil wiahda wahr kei. Oh tepin wahro pil pwurodo, oh aramas tohto pil iangada; oh re wahda mwonge tohto, oh pwurehng seiloakla nan sahpw en paliepeng.

8 Kedekedeo e ahpw sohla mie rongeparail. Oh se medewe me re duhla wasa loal nan sehd. Kedekedeo ehu sohpko pil seiloakwei; oh wasa me e kohla se sohte ese.

9 Kedekedeo nan pahr wet aramas tohto kohwei nan sahpw en paliepeng. Oh met kaimwsekalahr pahr silihsek waluh.

10 Kedekedeo nan pahr silihsek duwau en mwein soukopwung kan, Siplon pil kapilsalehdala, oh Koriandon iangehr ehu sohpo kohkohla nan sahpw en paliepeng, pwe en wahla mwongeh kan ong aramas kan me kohwei nan sahpwo.

11 Eri e konehng Siplon en kihong emen soahng sarawi kan, mwohn eh mehla, ong nein Ilemen pwutak, me pil adaniki Ilemen, me adiki eden eh pahpa.

12 Met kilang, nting kan koaros me Ilemen wie kolokol intingdi oh pekederiong aramas akan koaros nan sahpwo pwon, ihte ireh kan me Alma ndaiong irail me re sohte pahn kihla.

13 Ahpw, mepwukat pahn wie nekinek ni keneinei, oh kasakasapwilwei nan ehu ehu dih; eri, nan pahr wet, re pahn kohieng Ilemen, mwohn Siplon eh pahn mehla.

14 Kedekedeo pil nan pahret mie ekei me pil pwupwidi kan kolahr nan sahpw en Mehn Leimen kan; oh re tepidar mwekidada re en uhwong Mehn Nihpai kan.

15 Oh pil nan pahrohte re kohdihdo iangahki karihs en sounpei ehu pwe re en uhwong aramas en Moronaia, de uhwong nein Moronaia sounpei kan, ahpw re kamakam oh pwurehng pwepwekihla nan pein sapwarail kan, oh re lokolongki ohla laud.

16 Oh met kaimwsekalahr pahr silihsek duwau en mwein sounkopwung kan ong aramas en Nihpai kan.

17 Oh met kaimwsekalahr poadepen Alma, oh Ilemen nah pwutak, oh pil Siplon, me wia nah pwutak.