1 Oh kilang, kedekedeo aht koasondi mwurin met iei sen kalowehdi kahnihmw en Mandai; ahpw kilang, e apwal se en kahluwahsang irail nan kahnihmwo sang ni aht pahn doadoahngki nait pwihn tikitik wet. Pwe kilang, re tamatamante dahme se wiahiong irailehro; eri se sohte kak pahne irail sang nan sileparail kan.

2 Oh irail me pokon mehlel sang nait sounpei kan kahrehda se sohte men kohla oh peiong irail nan wasahn sileparail kan.

3 Ei, oh e konehng se pahn koadoadoahkih nait ohl akan pwe irail en apwahpwalih sahpw akan me se pwurehng kalowehdi; eri e konehng se pahn awihte, pwe se en kak alehdi kakehlapat sang sahpw en Saraemla oh pil ekei aht sawas me kapw.

4 Kedekedeo I ahpw kadaralahng kepinahn sapwetailet pakair ehu, pwe se en kairehki duwen irair akan en nait aramas akan. Kedekedeo se ahpw awih pwe se en alehdi sawas oh kakehlail sang sahpw en Saraemla.

5 Ahpw kilang, met sohte nohn mie katepehiong kiht; pwe Mehn Leimen kan pil kin alialehdi kakehlail nan ehu ehu rahn, oh pil tohto sawas akan; oh iei met irair me se mih loale ahnsou wet.

6 Oh Mehn Leimen kan kin kohdo mahwiniong kiht ekei pak, oh songosong re en kaweikihtla sang ar koasondi en lidip kan; ahpw se sohte kak kohla mahwiniong irail, pwehki arail kin pweieklahng nan ar wasa oh nan sileparail kan.

7 Kedekedeo se kin wie awih nan irair en ahnsou apwal pwukat erein sounpwung kei, lao se kereniong mehkila aht anahne mwonge.

8 Ahpw kedekedeo se ahpw alehdi mwonge, me pil iangahki sounpei meh riekid me sinsile kohdo pwe en soweseikiht; oh iei ihte sawas me se alehdi met, pwe se en kak doarei kitail oh atail wehi sang lohdieng nan pehn atail imwintihtih kan, ei, pwe se en pelian imwintihti me pokon mehlel.

9 Eri met se sohte wehwehki ia kahrepen kapwal kanamenek pwukat, de kahrepen arail sohte kadaredo sawas en kakehlail ong kiht; eri se insensued oh pil ahneki saloh, pwe e de pahn sapwellimen Koht kalokolok me pahn kohdong nan sapwatail, pwe kitail en lekidekla oh kamwomwala.

10 Eri se loalloapwoatieng kapakap ong Koht, pwe en kak kakehlakahla kiht oh doarehsang kiht nan pehn aht imwintihtih kan, ei, oh pil ketikihong kiht roson pwe se en kak kolokolete aht kahnihmw kan, oh sapwat kan, oh aht dipwisou kan, pwe en kak sowese nait aramas akan.

11 Ei, oh kedekedeo Kauno atail Koht ketin ketikihong kiht koapworopwor me e pahn ketin doareikihtla; ei, lao e ketin mahsani popohl ong palingenat, oh ketikihong kiht pwoson laud, oh ahpw kahrehiong kiht se en koapworopworki e pahn doareikihtla.

12 Oh se ahneki eimah iangahki nait sounpei malaulau me se alehdi, oh koasonehdi me se pahn kalowehdi aht imwintihti kan, oh kolokolete sahpwat kan, oh aht dipwisou kan, oh aht pwoud kan, oh nait seri kan, oh atail doadoahk saledek en momour.

13 Oh met se ahpw kohlahng ni aht kehl unsek Mehn Leimen kan, me mih nan kahnihmw en Mandai; oh se kauada imwat impwal akan ni pali me sallahng sapwtehno, me karanih kahnihmwo.

14 Kedekedeo mandahsang rahno, ni ahnsou me Mehn Leimen kan kilangadahr me se mihmi ni irepen sapwtehno me karanih kahnihmwo, re ahpw kadareieido neirail lipoahrok kan pwe re en kak diarada uwen tohtohn kiht oh kehlail en nait sounpei kan.

15 Kedekedeo ahnsou me re kilangada me se sohte kehlail, nin duwen uwen tohtohn kiht, oh pwehki ar periki se de pahn supukedihsang arail sawas kan ihte ma re pahn pidohi oh mahwiniong kiht oh kemeikihtla, oh pil re medewe me re pahn kak mengei en kemehkinkihtla neirail karis en sounpeio, eri re ahpw tepida kaunopada pwe re en kohdohng mahwiniong kiht.

16 Oh ahnsou me se kilang me irail kaukaunop en kohieido mahwiniong kiht, kilang, I ndaiong Kid, iangahki ekei ohl, me re pahn rukila nan sapwtehno, oh pil Diomner oh ekei ohl pahn pil rukila nan sapwtehno.

17 Met Kid oh nah ohl akan mih pali koahiek oh mehteiko ni pali soakoahiek; oh ahnsou me re rukila, kilang, ngehi I mihmihte, iangahki luhwen nei sounpei kan, wasahute me se wiahda aht impwal akan ni ahnsou me Mehn Leimen kan pahn kohieido mahwen.

18 Kedekedeo Mehn Leimen kan ahpw kohieido iangahki neirail karis en sounpei pwe re en peiong kiht. Oh ahnsou me re kohdo oh pahn mahwinkihong kiht kedlahs, I ndaiong nei ohl akan, me mihmi rehi, se en pweiekila nan sapwtehno.

19 Kedekedeo Mehn Leimen kan ahpw pwakihkihtdo ni ar marahra koaros, pwe re inangih kowahlap me re pahn kaloweikihtdi pwe re en kak kemeikihtla; eri re idawehn kiht kohla nan sapwtehno; oh se daulih nan pwungen Kid oh Diomner, kahrehda re sohte kak dierek pahn Mehn Leimen ko.

20 Kedekedeo ahnsou me Mehn Leimen kan daulih kiht, de ahnsou me sounpei kan daulih, Kid oh Diomner pwaradahsang nan wasahn arail rukila kan, oh kemehla nein Mehn Leimen lipoahrok kan pwe re de pwurala nan kahnihmwo.

21 Kedekedeo ahnsou me re kemeirailla, re ahpw tangala ni kahnihmwo oh kemehla soun silasil kan me mihmi oh sinsile kahnihmwo, lao re kemeirailla oh kalowehdi kahnihmwo.

22 Met e wiawi pwehki Mehn Leimen kan mweidala neirail sounpeiko pwon en kohla nan sapwtehno, ihte ekeite me sinsile.

23 Kedekedeo Kid oh Diomner sang ni wiepe wet re kalowehdi wasahn sileparailo kan. Kedekedeo se ahpw kainenehla wasa se kohkohla, mwurin aht tangatang nan sapwtehno kolahng nan sahpw en Saraemla.

24 Oh ahnsou me Mehn Leimen kan kilangadahr me re wie kohkohlahng sahpw en Saraemla, re udahn masepwehkada, pwe e de pahn mie koasondi en kahluwairaillahng nan kamwomwala; eri re tepida pwurehng pwurala nan sapwtehno, iei, pwuralahte nan ahl me re kohdo loalle.

25 Oh kilang, e nihpwongdi oh re wiahda imwarail impwal akan, pwe kaun lapalap en sounpei kan en Mehn Leimen kan medewe me Mehn Nihpai kan pwangadahr pwehki arail tango; oh ni ar medemedewe me re pwakialahr neirail sounpei ko pwon eri re sohte medewe duwen kahnihmw en Mandai.

26 Met kedekedeo ahnsou me e nipwongidi, I ndaiong nei ohl akan me re sohte pahn meir, ahpw se pahn keid nan ehu ahl pwurala ni kahnihmw en Mandai.

27 Oh pwehki aht karis pwurala nihpwongo, kilang, madahn rahno se daulihlahr Mehn Leimen kan, kahrehda se lella mwohrail nan kahnihmw en Mandai.

28 Eri kedekedeo, sang ni koasondi wet se kalowehdi kahnihmw en Mandai ni sohte nta keredi.

29 Kedekedeo ahnsou me nien Mehn Leimen sounpei kan lelledo ni kahnihmwo, oh kilangada me se onopadahr tuhwong irail, re pwuriamwei kowahlap oh udahn masepwehkada, kahrehda re tang pwurala nan sapwtehno.

30 Ei, kedekedeo nein Mehn Leimen sounpei kan ahpw tangasang nan sahpwet pwon. Ahpw kilang, re tangahki lih tohto oh seri tohto sang nan sahpwet.

31 Oh kahnihmw kan me Mehn Leimen kan koledi, koaros ahnsou wet mihmi pahn aht manaman; oh aht pahpa kan oh aht pwoud kan oh nait seri kan pwurupwuralahng ni imwarail akan, koaros ihte irail akan me Mehn Leimen kan koledi oh wahsang.

32 Ahpw kilang, nait sounpei kat malaulau ong sinsile kahnihmw tohto pwukat oh soahng kan me mih pahn aht manaman.

33 Ahpw kilang, se koapworopworki Koht me ketikihong kiht pweida nan sahpw pwukat, me kahrehda aht kak kalowehdi kahnihmw kan oh sahpw akan, me iei udahn atail.

34 Eri se sohte wehwehki kahrepen koapworment e sohte kadaredohngkiht kakehlail; de pil irail ohl akan me kohdado reht re sohte wehwehki dahme se sohte alehkidi sawas en kakehlail.

35 Kilang, se sohte ese ma e sou pwehki ahmw sohte pweida palien, oh kowe kihwei sounpei kan nan sahpw teikan; ma iei met me wiawi, a se sohte pahn kaulimki.

36 Ma iei met soh, kilang, se periki e de pahn mie mehkot sapwung nan koapworment, me kahrehda ar sohte kadaredo ekei ohl en sawas; pwe se ese me re tohtohsang uwen me irail kadaredo kan.

37 Ahpw, kilang, e sohte katepe—se liki me Koht pahn ketin doarekihtla, mehndahte luwet en nait sounpei kan, ei, oh doarehsang kiht nan pehn aht imwintihtih kan.

38 Kilang, met iei imwilahn pahr kerieisek duwau, oh se kolokolehr sapwatail kan; oh Mehn Leimen kan tangasangehr nan sahpw en Mehn Nihpai.

39 Oh nein aramas en Amon pwutak ko, me I kepingairail mehlel, re ieiang ie nan kahnihmw en Mandai; oh Kauno ketin utungirailda, ei, oh doandoare irail sang mehkihla kedlahs, lao sohte emen irail mehla.

40 Ahpw kilang, re alehdi diren ohla; ahpw re kehkehlailiki saledek en momour me Koht ketin ketikihong irail re en saledengki; oh re loalloapwoatieng tamataman Kauno arail Koht nan ehu ehu rahn; ei, re kin nantihong kapwaiada sapwellime koasondi kan, oh sapwellime kopwung kan, oh sapwellime kosonned akan ahnsou koaros; oh irail pwoson kehlail kokohp kan en soahng kan me pahn kohdo.

41 Oh met, riei ohl kesempwal, Moronai, Kauno atail Koht, me ketin kamourkitailla oh kasaledekeikitailla, mwoale en ketin ieiang komwi; ei, oh en ketin kenikeniki aramas pwukat, iei pwe ke en kak pweida nan kalowehdi sapwatail kan me Mehn Leimen kan kalowehdi sang kitail, me wia sawasepetail. Oh met, kilang, I kaimwseklahr nei kisin likou wet. Ngehi Ilemen, nein Alma pwutak.