1 Na nau Abinadai i bin tokim ol mi laikim olsem yupela mas save gut tru olsem God em yet bai kam daun namel long ol lain pikinini bilong ol man, na bai kisim bek ol pipol bilong em.

2 Na bikos em i kisim skin, em bai kamap Pikinini Man bilong God, na bikos em i bihainim laik bilong Papa long skin, em i kamap Papa na Pikinini Man—

3 Papa, bikos pawa bilong God i bin givim bel, na Pikinini Man, bikos long skin, olsem na em i kamap Papa na Pikinini Man—

4 Na ol tupela i wanpela God, tru tru Papa oltaim oltaim bilong heven na bilong graun.

5 Olsem na skin i bihainim laik bilong Spirit, o Pikinini Man bihainim laik bilong Papa, na kamap wanpela God, pesim paul pasin, na i no larim paul pasin i winim em, tasol em i larim ol pipol bilong em yet long tok bilas long em, na givim pen long em na rausim em i go ausait na ol i les long em.

6 Na bihain long olgeta long dispela samting, bihain long wokim planti traipela mirakel tru namel long ol lain pikinini bilong ol man, ol man bai lidim em i go, ye, olsem Aisaia i tok, olsem wanpela maus pas sipsip ol i kisim em i go long man bilong rausim skin bilong sipsip, olsem na em i no opim maus bilong em.

7 Ye, tru tumas ol pipol bai lidim, krusifaim na kilim em, tru tumas skin i bihainim laik bilong idai, laik bilong Papa i abrusim laik bilong Pikinini Man.

8 Olsem na, God i bin brukim ol rop bilong idai na winim idai, na givim pawa long Pikinini Man long beten long halivim ol lain pikinini bilong ol man—

9 Bikos em i bin go antap long heven, em i bin gat marimari, em i bin pulap long sore long ol lain pikinini bilong ol man, em i bin sanap namel long ol na stretpela pasin, em i bin brukim ol rop bilong idai, em i bin kisim antap long em yet ol sin na pasin brukim lo bilong ol, em i bin kisim bek ol na stretim laik bilong stretpela pasin.

10 Na nau mi tokim yupela, husat bai autim jeneresen bilong em? Lukim, mi tokim yupela, olsem em bai lukim ol lain pikinini bilong em bihain long em bai ofaim sol bilong em long sin. Na nau yupela bai tok wanem? Na husat bai kamap lain pikinini bilong em?

11 Lukim mi tokim yupela, olsem husat manmeri i harim ol toktok bilong ol profet, ye, long olgeta holi profet ol i bin profesai olsem Bikpela bai kam—Mi tokim yupela, olsem olgeta lain ol i bin harim toktok bilong ol, na bilip olsem Bikpela bai kisim bek ol pipol bilong em, na lukluk het long dispela de we ol i ken rausim sin bilong ol, mi tokim yupela, olsem dispela em ol lain pikinini bilong em, o i ol lain pikinini manmeri long kingdom bilong God.

12 Long wanem, em i sin bilong ol lain tasol em Bikpela i bin karim, em long ol dispela lain tasol em Bikpela i bin idai, long kisim bek ol long pasin brukim lo bilong ol. Na nau, ol i no lain pikinini bilong em?

13 Ye, na ol profet, na olgeta lain ol i bin opim maus bilong ol long profesai, ol i no brukim lo, mi tok long olgeta holi profet long taim graun i bin i stat? Mi tokim yupela olsem ol em ol lain pikinini bilong em.

14 Na em i ol dispela lain ol i bin autim bel isi, ol i bin bringim gutnius bilong gutpela, pasin, ol i bin autim selvesen, na tok tok long Saion: God bilong Yu i rul!

15 Na o gutpela tru i ol lek bilong ol lain ol i bin sanap long ol maunten!

16 Na gen, gutpela tru i ol lek bilong ol lain ol i sanap long ol maunten na autim tok long bel isi yet nau!

17 Na gen, gutpela tru i ol lek bilong ol lain ol bai sanap long ol maunten na autim tok long bel isi bihain long dispela taim, ye, long dispela taim na i go het na oltaim!

18 Na lukim, mi tokim yupela, i no ol dispela lain tasol. Long wanem, O gutpela tru i ol lek bilong man ol sanap long ol maunten na bringim gutnius, em i papa bilong bel isi, ye, tru tumas Bikpela, em i bin kisim bek ol pipol bilong em, ye, em i bin givim selvesen long ol pipol bilong em,

19 Long wanem, sapos i no long kisim bek em bin wokim long ol pipol bilong em, ol i bin redim long taim dispela graun i bin sanap, mi tokim yupela, sapos i no long dispela, olgeta manmeri i mas idai olgeta.

20 Tasol lukim, ol rop bilong idai i bin bruk, na Pikinini Man i rul, na em i bin winim pawa bilong idai, olsem na, em i bin kamapim kirap gen bilong idai lain.

21 Na kirap gen bai kam, tru tumas nambawan kirap gen, ye, kirap gen bilong ol lain ol i bin idai, ol i idai na ol bai idai, i go inap long kirap gen bilong Krais—long wanem, nem bilong em bai olsem.

22 Na nau, kirap gen bilong olgeta profet, na olgeta lain ol i bin bilip long ol toktok bilong ol, o olgeta ol lain ol i bin bihainim ol lo bilong God, bai ol i kamaut long taim long nambawan kirap gen, olsem na ol dispela lain em long nambawan lain bilong kirap gen.

23 Ol lain bai kirap long i stap wantaim God em i bin kisim ol bek, olsem na ol lain bai kisim laip oltaim oltaim insait long Krais, em i bin brukim ol rop bilong idai.

24 Na dispela i ol lain ol i bin kaunim ol insait long nambawan kirap gen, na dispela i ol lain ol i bin idai bipo long Krais i bin kam, ol i no bin harim ol toktok bilong God, o ol i no bin harim ol toktok bilong selvesen long bipo. Olsem na, Bikpela bai kisim bek ol lain, na ol i bin kaunim ol insait long nambawan kirap gen, o ol bai kisim laip oltaim oltaim, bikos Bikpela i bin kisim bek ol.

25 Na ol liklik pikinini tu bai kisim laip oltaim oltaim.

26 Tasol lukim, na poret, na guria long ai bilong God, long wanem yupela gat as long guria, bikos Bikpela bai i no inap kisim bek manmeri ol i les long harim tok bilong em na idai long sin bilong ol, ye, tru tumas olgeta lain ol i bin idai long sin bilong ol long i stat tru long dispela graun, ol i bin les long havim tok bilong God, ol i bin save long ol lo bilong God, tasol ol i les long bihainim, dispela i ol lain ol i no bin kaunim ol insait long nambawan kirap gen taim.

27 Olsem na yupela gat as long guria? Long wanem, selvesen bai i no inap kam long kain lain, bikos Bikpela i no kisim bek kain lain, olsem ye, na tu Bikpela bai i no inap kisim bek kain lain olsem, long wanem, Bikpela bai i no inap tok nogat long em yet, bikos em i no inap long tok nogat long stretpela pasin taim stretpela pasin i gat pe.

28 Na nau mi tokim yupela olsem taim i kam we ol wokman bilong Bikpela bai autim selvesen bilong Bikpela long olgeta nesen, hauslain, tok ples na pipol.

29 Ye, Bikpela, ol wasman bilong yu bai singaut, long singsing wantaim olgeta nek long wanem, ol bai lukim ai bilong em wantaim ai bilong ol stret, taim Bikpela i bringim bek gen Saion.

30 Danis na amamas, singsing wantaim yupela long olgeta ples bilong Jerusalem em i bin bagarap, long wanem, Bikpela i givim bel isi long ol pipol bilong em, na em i kisim bek Jerusalem.

31 Bikpela bai soim klia holi han bilong em long ai bilong olgeta kantri, na long olgeta arere bilong graun na bai ol i lukim selvesen long God bilong mipela.