1 Na gen ol lain brata bilong mi,mi laik singautim yupela long harim, long wanem, mi gat liklik moa tok long toktok long yupela, long wanem lukim, mi lain im toktok long ol samting bai kam long bihain taim.

2 Na ensel bilong God i bin soim mi long ol samting mi bai tokim yupela. Na em i tokim mi: Kirap, na mi kirap, na lukim em i bin sanap long pes bilong mi.

3 Na em tokim mi: Kirap, na harim long ol toktok mi bai tokim yu, long wanem, lukim, mi kam long autim long yu gutpela nius bilong bikpela amamas.

4 Long wanem, Bikpela i bin harim ol beten bilong yu, na i bin jasim stretpela pasin bilong yu, na i bin salim mi long autim long yu olsem yu bai amamas, na olsem yu bai autim long ol pipol bilong yu, olsem ol tu bai kisim amamas.

5 Long wanem, lukim, taim i kam, na i no longwe, we Bikpela bilong olgeta pawa em i rul, em i bin i stap bipo, na em i bin stap long oltaim oltaim i go yet long oltaim oltaim, bai em i kam daun long heven namel long ol lain pikinini bilong ol man wantaim pawa, na bai i stap long skin, na bai go aut namel long ol man, wokim ol traipela mirakel tru, olsem long mekim gut gen sik lain, long mekim idai manmeri kamap laip gen, long mekim ol lain lek krungut lain long wokabaut gut, long mekim ol ai pas lain long lukluk gen, na ol iyau pas long harim, na long kamapim gut olgeta kainkain sik.

6 Na em bai rausim ol tewel o spirit nogut ol i stap long bel bilong lain pikinini bilong ol man.

7 Na lukim, tewel bai traim em nogut tru long paulim em, na em bai kisim pen long bodi, long hangre, nek drai na kain kain pen, tru tumas em moa long man ken kisim, i go inap long em bai idai, long wanem, lukim, blut i kamaut long olgeta liklik hul long skin,pen bilong em bai bikpela tru bikos long ol pasin nogut na pasin les nogut tru bilong ol pipol bilong em.

8 Na nem bilong em bai Jisas Krais, Pikinini Man bilong God, Papa bilong heven na graun, Papa bilong olgeta samting long i stat tru, na nem bilong mama bilong em bai Meri.

9 Na lukim, em i kam long ol pipol bilong em yet, olsem selvesen bai kam long lain pikinini bilong ol man, tru tumas long bilip long nem bilong em, na tru tumas bihain long olgeta long dispela samting, ol bai ting olsem em i wanpela man, na tok olsem em gat tewel, na bai givim pen long em, na bai krusifaim em.

10 Na em bai kirap gen long namba tri de bihain long idai, na lukim, em sanap long jasim graun, na lukim, olgeta long dispela samting bai kamap olsem wanpela stretpela jasmen bai kam long ol lain pikinini bilong ol man.

11 Long wanem, lukim, na tu blut bilong em i aton long sin bilong ol lain ol i bin pundaun bikos long pasin brukim lo bilong Adam, em i bin idai tasol i no save long plen bilong God long ol, o em i bin sin bikos ol i no bin save long lo bilong God.

12 Tasol wo, wo long man em i save olsem em i sakim tok bilong God! Long wanem, selvesen i no kam long kain man, tasol long man em i tanim bel na bilip long Bikpela Jisas Krais.

13 Na God Bikpela i bin salim ol holi profet bilong em namel long olgeta lain pikinini bilong ol man, long autim ol dispela samting long olgeta hauslain, kantri na tok ples, olsem Bikpela bai rausim sin bilong ol lain ol i bai bilip olsem Krais bai kam, na ol bai amamas nogut tru, tru tumas, wankain olsem em i bin kam pinis namel long ol.

14 Tasol God Bikpela i bin lukim olsem ol pipol bilong em i wanpela pipol ol i kamapim bik het pasin, olsem na em i bin givim ol wanpela lo, tru tumas em lo bilong Moses.

15 Na em i bin soim long ol, planti mak, na pasin kirap nogut, na piksa, na seid bilong ol samting olsem em bai kam na tu ol holi profet i bin toktok long ol olsem em bai kam, tasol ol i bin kamapim hat bel bilong ol, na ol i no bin save olsem lo bilong Moses i no inap wok em yet tasol insait long atonmen long blut bilong em.

16 Na tru tumas sapos ol liklik pikinini inap long sin ol bai i no inap kisim selvesen, tasol mi tokim yupela Bikpela save blesim ol, long wanem, lukim, ol save pundaun olsem long Adam, o olsem long pasin bilong graun, tasol blut bilong Krais save aton long sin bilong ol.

17 Na tu, mi tokim yupela olsem nogat narapela nem i bin givim o narapela rot o wei we bai selvesen ken kam long lain pikinini bilong ol man, tasol insait na long nem bilong Krais, Bikpela bilong Olgeta Pawa.

18 Long wanem, lukim, em save jas, na jasmen bilong em i stret, na ol liklik pikinini ol i idai, taim ol i stap liklik yet bai ol i no inap idai, tasol ol man bai dring bagarap long sol bilong ol yet sapos ol i no daunim ol yet na kamap olsem ol liklik pikinini, na bilip olsem selvesen i bin kamap pinis, na i stap yet, na bai kam, insait na long atoning blut bilong Krais, Bikpela bilong Olgeta Pawa.

19 Long wanem, man em i no gat Holi Spirit i birua bilong God, na em i bin i stap olsem long taim Adam i bin pundaun, na bai i stap olsem, oltaim na oltaim, sapos em i no bihainim toktok bilong Holi Spirit, na lusim pasin long man bilong skin, na kamap Seint insait long atonmen bilong Krais, Bikpela, na kamap wankain olsem wanpela liklik pikinini, long givim em yet, long kamapim bel isi, long daunim em yet, long soim pasin i no save koros kwik, long soim bikpela lav, mas givim em yet long olgeta samting Bikpela i ting olsem em orait long putim antap long em, tru tumas, wankain olsem liklik pikinini save givim em yet long papa bilong em.

20 Na tu, mi bai tokim yupela, olsem taim bai kam we ol save bilong Sevia bai go long olgeta hap long olgeta kantri, hauslain, tok ples na pipol.

21 Na lukim, long dispela de, nogat wanpela man bai sanap klin tru long ai bilong God, tasol em ol liklik pikinini tasol, na sapos ol sanap klin tru long ai bilong God, em bikos ol tanim bel na bilip long nem bilong Bikpela God bilong Olgeta Pawa.

22 Na tru tumas, long dispela taim, bihain long yu lainim ol pipol bilong yu long ol samting Bikpela God bilong yu i bin tokim yu, tru tumas ol bai sanap klin tru long ai bilong God, sapos ol bihainim ol toktok mi bin autim long yu.

23 Na nau mi bin autim ol toktok God Bikpela i bin tokim mi.

24 Na Bikpela i tok olsem: Ol toktok bai sanap olsem wanpela testimoni long ples klia long birua long dispela pipol, long jasmen de, olsem na ol bai jasim, wanwan man olsem long wok bilong em yet, olsem ol wok i gutpela o ol wok i nogut.

25 Na sapos ol wok bilong ol i nogut ol bai sanap long ples klia long lukluk long rong wantaim ol pasin les nogut tru bilong ol yet, na dispela bai mekim ol surik long pes bilong Bikpela na go long wanpela ples nogut tru bilong pen i nogat arere we ol i no moa ken kambek, olsem na, ol i bin dringim ol bagarap samting long sol bilong ol yet.

26 Long wanem, ol i bin dring long kap bilong belhat bilong God, we stretpela pasin bai i no inap tok nogat long ol wankain olsem stretpela pasin i no bin tok nogat long pundaun bilong Adam, taim em i kaikaim prut Bikpela i bin tambuim, olsem na, marimari bai i no inap kamap long ol oltaim.

27 Na pen bilong ol i wankain olsem wanpela raunwara bilong paia na salfa, paia lait long em i no inap idai, na smok bilong em i go antap oltaim na oltaim. Olsem Bikpela i bin tokim mi. Amen.