1 Na nau, em i kamap we Alma, em i ronawe long ol wokman bilong king Noa, na em i bin tanim bel long ol sin na pasin nogut bilong em, na hait long go nabaut namel long ol pipol, and em i stat long lainim ol toktok bilong Abinadai—

2 Ye, long ol samting bai kam long bihain taim, na tu long kirap gen bilong idai lain, na long kisim bek bilong ol pipol we dispela bai kamap insait long pawa, na long pen, na long idai bilong Krais, na tu long kirap gen bilong em na go antap long heven.

3 Na em i bin lainim planti pipol ol i laikim long harim toktok bilong em. Na em i bin hait na lainim ol, olsem king bai i no inap save. Na planti lain bin bilip long ol toktok bilong em.

4 Na em i kamap we planti lain ol i bin bilip long em ol i bin go long wanpela ples ol i kolim Momon, na dispela nem em i bin kam long wanpela king em i bin stap long arere bilong graun we planti wail enimol i bin save kam long wan wan taim.

5 Nau, wanpela klinpela wara tru i bin i stap long Momon, na Alma i bin go long dispela hap, bikos bus wantaim liklik ol diwai i bin i stap klostu long wara, we em i bin hait long san we king bai i no inap painim em.

6 Na em i kamap we planti lain ol i bilip long em ol i bin go long dispela hap long harim ol toktok bilong em.

7 Na em i kamap we bihain long planti de i go pas na planti lain i bin bung wantaim long ples Momon, long harim ol toktok bilong Alma. Ye, olgeta lain ol i bilip long ol toktok bilong em i bin bung wantaim long harim ol toktok bilong em. Na em i bin lainim ol na autim toktok long ol long tanim bel, na long kisim bek na long bilip long Bikpela.

8 Na em i kamap we em i bin tokim ol: Lukim, wara Momon i stap (long wanem, ol i bin kolim nem bilong wara olsem), na nau bikos yupela laikim long kam insait long banis bilong God, na long kamap ol pipol bilong em, na laikim long skelim ol hevi bilong yupela namel long yupela yet, inap long ol hevi bai kamap isi,

9 Ye, na laikim long krai wantaim ol lain ol i krai, ye, na givim bel isi long ol lain ol i gat nid long bel isi, na sanap olsem witnes bilong God olgeta taim na long olgeta samting na long olgeta ples we yupela bai i stap i go inap long taim bilong idai, olsem God bai kisim bek yupela na kaunim wantaim ol lain ol bai kirap gen long taim long nambawan kirap gen, inap long yupela bai kisim laip oltaim oltaim.

10 Nau mi tokim yupela, sapos dispela i laik long bel bilong yupela, bilong wanem yupela bai i no inap baptais long nem bilong Bikpela, olsem wanpela witnes long ai bilong em, olsem yupela bai mekim promis wantaim em, olsem yupela bai sevim em na bihainim ol lo bilong em, inap long em bai kapsaitim moa spirit bilong em long yupela?

11 Na nau taim ol pipol harim ol dispela toktok, ol i amamas na paitim han bilong ol na tok: Dispela i laik long bel bilong mipela.

12 Na nau em i kamap we Alma i bin kisim Hilam, bikos em i bin nambawan man namel long ol, na go sanap long wara, na singaut na tok olsem: O Bikpela, kapsaitim Spirit bilong yu long wokman bilong yu, olsem em bai wokim dispela wok wantaim klinpela bel tru.

13 Na taim Alma pinisim ol dispela toktok, Spirit bilong Bikpela i bin kamap long Hilam, na Alma tok: Hilam, mi gat atoroti long God gat Olgeta Pawa long baptaisim yu, na dispela baptisim i wanpela witnes long soim olsem yu bin mekim promis long sevim em i go inap long taim yu idai long skin, na inap Spirit bilong Bikpela bai kamap long yu, na inap God bai givim yu laip oltaim oltaim, insait long kisim bek bilong Krais, em i bin redim long i stat tru taim dispela graun i bin sanap.

14 Na bihain Alma autim ol dispela toktok, Alma wantaim Hilam bin go aninit long wara, na ol tupela i bin kamap na kamaut long wara wantaim amamas, bikos Spirit i bin kamap long ol.

15 Na gen, Alma i bin kisim narapela man, na go long wara long nambatu taim, na baptaisim em wankain olsem em bin wokim bipo, tasol em yet i no go aninit long wara gen.

16 Na Alma i bin baptaisim olgeta manmeri ol i bin go long ples Momon olsem, na olgeta i namba long tu handret na foa sol, ye, na ol i bin baptais long wara Momon, na ol i bin kisim grasia bilong God.

17 Na ol i kamap Sios bilong God, o Sios bilong Krais, long dispela taim i go het. Na em i kamap we yu husat i bin baptais wantaim pawa na atoroti bilong God em ol bai kaunim yu i go long Sios bilong em.

18 Na em i kamap we Alma, bikos em i bin gat atoroti long God, em i bin odenim ol pris, tru tumas wanpela pris long lukautim faipela ten memba long Sios, na em i bin odenim ol long autim toktok bilong God long ol, na long lainim ol long ol samting long kingdom bilong God.

19 Na em i bin tokim ol long lainim ol samting em i bin lainim ol na tu long ol samting em i bin autim long maus bilong ol holi profet.

20 Ye, tru tumas em i bin tokim ol olsem ol i mas toktok long tanim bel na long bilip long Bikpela tasol, em i bin kisim bek ol pipol bilong em.

21 Na em i bin tokim ol olsem ol i no ken pait namel long ol yet, tasol ol i mas wan bel long lukluk het long Krais na bilip long wanpela bilip na wanpela baptisim, na wan bel long bung wantaim na lav namel long ol yet.

22 Na em i bin tokim ol long autim toktok bilong God olsem. Na ol i bin kamap lain pikinini bilong God olsem.

23 Na em i bin tokim ol olsem ol i mas kipim sabat de holi, na tu ol i mas tok tenkyu long Bikpela, God bilong ol long olgeta de.

24 Na tu em i bin tokim ol olsem ol pris em i bin odenim mas wok wantaim han bilong ol yet long kisim kaikai na klos.

25 Na wanpela de long wanwan wik em i bin makim we ol pris mas bungim ol yet long lainim ol pipol, na long lotu long Bikpela, God bilong ol, na tu long bung wantaim olgeta taim olsem long pawa bilong ol yet.

26 Na ol pris i no ken i stap long skin bilong ol pipol long kisim kaikai na klos, tasol ol bai kisim grasia bilong God long wok bilong ol, olsem ol bai kamap strong long Spirit, long kisim save bilong God, inap long ol bai lainim wantaim pawa na atoroti bilong God.

27 Na tu Alma i bin tokim ol pipol bilong Sios long givim ol samting ol i gat, wanwan man long givim wanem samting ol i gat, sapos wanpela man i gat planti, em mas givim moa, na man husat gat liklik mas givim liklik na, narapela man mas givim long man husat i nogat samting.

28 Na olsem ol i mas givim ol samting bilong ol long laik na gutpela laik bilong ol yet long God, na long ol pris ol i gat nid, ye, na long wanwan manmeri ol i gat nid long kaikai na klos.

29 Na em i bin tokim ol olsem God i bin tok na ol i bin wokim stretpela pasin long ai bilong God, long halivim ol yet long skin na long spirit olsem long nid bilong ol.

30 Na nau em i kamap we olgeta long dispela samting i bin kamap long Momon, ye, long wara Momon, long bus klostu long wara Momon, ye, long ples Momon, long wara Momon, long bus long Momon, gutpela tru long ai bilong ol lain ol i bin kam long dispela hap long kisim save long Ridima bilong ol, ye, gutpela tru long ol blesin ol i bin kisim, long wanem, ol i bai singsing long amamasim em oltaim.

31 Na ol dispela samting i bin kamap long arere stret bilong dispela graun, olsem king bai i no inap save.

32 Tasol lukim, em i kamap we king, taim em i kamap long save long ol pipol wokabaut i go i kam, em i bin salim ol wokman bilong em long lukaut long ol. Olsem na ol wokman bilong king bin tok save long em, taim ol i bung long harim ol toktok bilong Bikpela long wanpela de.

33 Na nau king i bin tok olsem Alma i tanim bel bilong ol pipol long ol i no ken harim tok bilong em, olsem na em i salim ol ami bilong em long bagarapim ol.

34 Na em i kamap we Alma wantaim ol pipol bilong Bikpela ol i bin harim tok save olsem ol ami bilong king bai kam, olsem na ol kisim haus sel bilong ol wantaim famili bilong ol na go long ples we nogat man i stap.

35 Na namba bilong ol i klostu foa handret na faipela ten sol.