1 Na nau em i kamap we Amon wantaim king Limhai i stat long askim ol pipol olsem ol bai rausim ol yet long kalabus, na tru tumas ol i bin askim olgeta pipol long bung wantaim na kivung, na ol i bin wokim dispela long kisim nek bilong ol pipol long dispela samting.

2 Na em i kamap we ol i no painim wanpela rot long rausim ol yet long kalabus, tasol long kisim ol meri wantaim pikinini bilong ol, na ol sipsip wantaim bulmakau bilong ol, na haus sel bilong ol, na go long ples we nogat man i stap, tasol bikos ol lain bilong Leman i planti tru em bai hat long ol pipol bilong Limhai long pait, sapos ol ting long rausim ol yet long kalabus wantaim naip bilong pait.

3 Na em i kamap we Gidion i bin go aut na sanap long pes bilong king, na tokim em: Nau O king, yu bin harim long toktok bilong mi planti taim bipo, taim mipela pait wantaim lain brata bilong mipela, ol lain bilong Leman.

4 Na nau O king, sapos yu no ting olsem mi em wanpela nogut wokman o sapos yu bin harim wanpela liklik toktok bilong mi bipo, na ol toktok bilong mi i bin halivim yu, tru tumas mi laikim olsem yu bai harim ol toktok bilong mi long dispela taim, na mi bai kamap wokman bilong yu na rausim ol dispela pipol long kalabus.

5 Na king i bin givim sans long em long tok. Na Gidion i bin tokim em olsem:

6 Lukim rot long baksait, long banis long baksait, long baksait long siti. Ol lain bilong Leman, o ol wasman long ol lain bilong Leman ol i save spak nogut tru long nait, olsem na yumi mas salim tok save i go namel long olgeta long dispela pipol olsem ol bai bungim ol sipsip wantaim na bulmakau bilong ol, olsem ol bai ronim ol i go long ples we nogat man i stap long nait.

7 Na mi bai bihainim toktok bilong yu long go long peim laspela wain takis long ol lain bilong Leman, na ol bai spak nogut tru, na mipela bai go aut long dispela rot i stap long hait long lep han long kem bilong ol, taim ol i spak nogut tru na silip.

8 Olsem na mipela bai go wantaim ol meri na ol pikinini bilong mipela, ol sipsip bilong mipela na ol bulmakau bilong mipela long ples we nogat man i stap, na mipela bai wokabaut i go raun long graun bilong Sailom.

9 Na em i kamap we king i bin harim ol toktok bilong Gidion.

10 Na king Limhai i bin tokim ol pipol bilong em long bungim ol sipsip wantaim na bulmakau bilong ol, na em i bin salim wain takis long ol lain bilong Leman, na tu em i bin salim moa wain olsem presen long ol, na ol i bin spak nogut tru wantaim wain king Limhai i bin salim long ol.

11 Na em i kamap we ol pipol bilong king Limhai i bin go long ples we nogat man i stap long nait wantaim ol sipsip na bulmakau bilong ol, na wokabaut i go raun long graun bilong Sailom long ples we nogat man i stap, na tanim i go long rot long graun bilong Jarahemla, olsem Amon wantaim ol brata bilong em bin lidim.

12 Na ol i bin kisim olgeta gol, silva na ol samting i dia tumas bilong ol inap long ol i ken karim wantaim kaikai na klos bilong ol i go long ples we nogat man i stap, na ol i bin wokabaut i go.

13 Na ol i bin kam long graun bilong Jarahemla bihain long ol i bin wokabaut long ples we nogat man i stap long planti de, na bungim ol pipol bilong Mosaia long Mosaia long bosim.

14 Na em i kamap we Mosaia i bin amamas long kisim ol, na tu em i bin kisim ol rekot bilong ol wantaim ol rekot ol pipol bilong Limhai ol i bin painim.

15 Na nau em i kamap we taim ol lain bilong Leman painim olsem ol pipol bilong Limhai ol i bin lusim graun bilong Nifai long nait, ol i salim ami i go long ples we nogat man i stap long bihainim ol,

16 Na bihain ol ami long ol lain bilong Leman bihainim ol long tupela de, ol i bin paul long rot bilong ol, olsem na, ol i bin lus long ples we nogat man i stap.