1 Nau Alma, bikos Bikpela i bin tok lukaut long em olsem king Noa bai kamap long ol, na Alma i bin tokim ol pipol bilong em, olsem na ol i bin bungim wantaim ol sipsip na bulmakau wantaim raisnabaut bilong ol, na go long ples we nogat man i stap bipo long ol ami bilong king Noa.

2 Na Bikpela i bin strongim ol, inap long ol pipol bilong king Noa ol i no bin abrusim ol long bagarapim ol.

3 Na ol i bin wokabaut long eitpela de long ronawe i go long ples we nogat man i stap.

4 Na ol i bin kam long wanpela graun, ye, tru tumas wanpela gutpela na naispela graun, tru wanpela graun i gat klinpela wara tru.

5 Na ol i sanapim haus sel bilong ol, na ol i stat long wokim gaden na wokim haus, ye, ol lain i lain bilong wok, na ol i bin wok hat nogut tru.

6 Na ol pipol i bin laikim olsem Alma bai kamap king bilong ol, long wanem, ol pipol bilong em ol i bin lavim em gut tru.

7 Tasol em i bin tokim ol: Lukim, em i no gutpela long mipela long kirapim wanpela king, bikos Bikpela i tok olsem: Yupela bai i no inap apim wanpela man long bosim narapela man, o wanpela man bai i no inap ting olsem em i bikpela man long bosim narapela man, olsem na mi tokim yupela, em i no gutpela olsem yupela bai kirapim wanpela king.

8 Tasol, sapos em i gutpela long yupela long kirapim ol stretpela man long kamap king bilong yupela olgeta taim, em bai orait long yupela long kirapim wanpela king tasol i no olgeta man i stretpela.

9 Na tingim pasin nogut bilong king Noa wantaim ol pris bilong em, na mi yet i bin paul insait long dispela pasin nogut, na wokim planti samting i les nogut tru long ai bilong Bikpela, na dispela i bin mekim mi long tanim bel nogut tru.

10 Tasol, bihain long mi kisim bikpela pen, Bikpela i bin harim ol krai bilong mi, na bekim ol beten bilong mi, na mekim mi kamap wanpela wokman long han bilong em long bringim planti long yupela long save long tok tru bilong em.

11 Tasol, mi no glori long dispela, bikos mi no gutpela man long givim glori long mi yet.

12 Na nau mi tokim yupela, king Noa i bin givim pen long yupela, na yupela i bin kamap kalabus manmeri bilong king Noa wantaim ol pris bilong em, na ol i bin lidim yupela long wokim pasin nogut, olsem na yupela ol i bin pasim yupela wantaim ol rop bilong pasin nogut.

13 Na nau bikos pawa bilong God i bin rausim yupela long ol dispela kalabus, ye, tru tumas pawa bilong God i bin rausim yupela long han bilong Noa na ol pipol bilong em, na tu long kalabus bilong pasin nogut, tru tumas, mi laikim olsem yupela mas sanap strong long fridom we bai yupela ken kamap fri, na yupela noken bilip long wanpela man long kamap king bilong yupela.

14 Na tu noken bilip long wanpela man long kamap tisa bilong yu o minista bilong yu, tasol sapos em i man bilong God em i save bihainim ol rot na ol lo bilong em.

15 Alma i bin lainim ol pipol bilong em olsem, wanwan man mas lavim poroman bilong em wankain olsem em save lavim em yet, olsem nogat tok pait mas kamap namel long ol yet.

16 Na nau, Alma i bin kamap hai pris bilong ol, bikos em i bin kirapim Sios bilong ol.

17 Na em i kamap we nogat wanpela man i bin gat atoroti long autim toktok bilong God o long lainim tasol dispela man mas kisim atoroti long man em i gat atoroti long God. Olsem na Alma i bin makim na dediketim olgeta pris na tisa bilong ol, na dispela i ol stretpela man tasol i bin makim na dediketim.

18 Olsem na ol i bin lukautim ol pipol bilong ol, na strongim ol long ol samting long stretpela pasin.

19 Na em i kamap we sindaun bilong ol i stat long kamap gutpela tru long graun ol i bin sindaun ol kolim graun Hilam.

20 Na em i kamap we ol i kamap plantri tru na sindaun bilong ol kamap gutpela tru long graun bilong Hilam, na ol i wokim wanpela siti, ol i kolim siti bilong Hilam.

21 Tasol, Bikpela long save bilong em yet, save mekim save long ol pipol bilong em, ye em i save traim bilip bilong ol sapos ol i ken i stap strong yet.

22 Tasol—Bikpela bai litimapim long las de man em i bilip long em. Ye, na Bikpela i bin wokim olsem long dispela pipol.

23 Long wanem, lukim, mi bai soim long yu olsem ol lain bilong Leman i bin kalabusim ol, na nogat wanpela man bai seivim ol, tasol Bikpela God bilong ol, ye, tru tumas God bilong Abraham na Aisek na bilong Jekop.

24 Na em i kamap we em i bin rausim ol, na em i soim klia tru traipela pawa bilong em long ol, na ol i bin amamas nogut tru.

25 Long wanem, lukim, em i kamap we taim ol i stap long graun bilong Hilam, ye, insait long siti bilong Hilam, taim ol dikim graun long mekim ol gaden raunabaut, lukim, ami long ol lain bilong Leman ol i bin kam long ol arere long graun bilong Hilam.

26 Nau em i kamap we ol lain brata bilong Alma i bin ronawe long gaden bilong ol, na bung wantaim insait long siti bilong Hilam, na ol i bin poret nogut tru bikos ol lain bilong Leman ol i bin kam.

27 Tasol Alma i bin go na sanap namel long ol, na strongim gutpela toktok long ol olsem ol noken poret, tasol ol i mas tingim Bikpela God bilong ol, na em bai sevim ol.

28 Olsem na ol i no moa poret na ol i stat long beten long Bikpela olsem em bai mekim bel isi long ol lain bilong Leman, inap long ol bai i no inap kilim ol wantaim ol meri na ol pikinini bilong ol.

29 Na em i kamap we Bikpela i bin mekim bel isi long ol lain bilong Leman. Na Alma wantaim ol lain brata bilong em ol i bin go na givim ol yet long han bilong ol, na ol lain bilong Leman ol i bin kisim graun bilong Hilam.

30 Nau ol ami long ol lain bilong Leman ol i bin bihainim ol pipol bilong king Limhai, ol i bin lus long ples we nogat man i stap long planti de.

31 Na lukim, ol i bin painim ol dispela pris bilong king Noa, long wanpela ples ol i kolim Amulon, taim ol i stat long kisim graun bilong Amulon, na ol i stat long dikim graun long mekim gaden.

32 Nau nem bilong hetman bilong ol dispela pris i Amulon.

33 Na em i kamap we Amulon i bin askim gut tru long ol lain bilong Leman, na tu em i bin salim ol meri bilong ol i go, em ol lain pikinini meri long ol lain bilong Leman, long askim gut tru long ol brata bilong ol olsem ol bai i no inap bagarapim ol man bilong ol.

34 Na ol lain bilong Leman ol i bin sore long Amulon wantaim ol lain brata bilong em, na ol i no bagarapim ol, bikos long ol meri bilong ol.

35 Na Amulon wantaim ol lain brata bilong em ol i bin bung wantaim ol lain bilong Leman, na ol i bin wokabaut long ples we nogat man i stap long painim graun bilong Nifai na dispela taim ol painim tu graun bilong Hilam, Alma wantaim ol lain brata bilong em ol i bin kisim.

36 Na em i kamap we ol lain bilong Leman i bin promisim Alma wantaim ol lain brata bilong em olsem, sapos ol i soim rot long graun bilong Nifai, ol bai i no inap kilim ol tasol givim fridom bilong ol.

37 Tasol bihain long Alma soim rot long ol long graun bilong Nifai, ol lain bilong Leman ol i no bihainim promis bilong ol, tasol ol i putim wasman raunabaut long graun bilong Hilam, na long Alma wantaim ol lain brata bilong em.

38 Na sampela lain bilong ol, ol i bin go long graun bilong Nifai, na sampela ol i bin go bek long graun bilong Hilam, na ol i bringim wantaim ol, ol meri na pikinini bilong ol wasman ol i stap long graun bilong Hilam.

39 Na king long ol lain bilong Leman i bin makim Amulon long kamap king na bosman long ol pipol bilong em, em ol i stap long graun bilong Hilam, tasol em bai nogat pawa long wokim wanpela samting king long ol lain bilong Leman i no tokim em long wokim.