1 මාගේ සේවක ඔලිවර් කවුඩ්‍රිගේ යහපත උදෙසා, මා හට උවමනාවෙන් සවන්දෙන්න, ස්වාමින් වූ නුඹගේ දෙවියන්වහන්සේ පවසන සේක. එනම් ඔහු සමඟ අවංක සහ ඇදහිලිවන්ත අයෙකු යන්නේ නම් මිස, සයොන දේශයට රැගෙන යාමට ඔහු ගෙන යන්නා වූ ආඥාවන් සහ මුදල් ඔහුට භාරකිරීම මා තුළ ප්‍රඥාව නොවන්නේය.

2 එසේහෙයින්, ස්වාමින්වහන්සේ වන, මාගේ කැමැත්ත වන්නේ, මාගේ සේවක ජෝන් විට්මර්, මාගේ සේවක ඔලිවර් කවුඩ්‍රි සමඟ ගමන් කිරීමය;

3 තවද එසේම එනම් මාගේ සභාව සම්බන්ධව ඔහු නිරීක්ෂණය කරන සහ දැනගන්නා සියලු වැදගත් දේවල් ගැන ඉතිහාසයක් ලිවීමේ නිරත වෙමින් ක්‍රියා කරන පිණිසය;

4 තවද එසේම එනම් ඔහු මාගේ සේවක ඕලිවර් කවුඩ්‍රි සහ අනෙකුත් අයවළුන්ගෙන් උපදේශ සහ උපකාර ලබන්නේය.

5 තවද එසේම, පොළොවේ විසිරී සිටින්නාවූ මාගේ සේවකයන් ඔවුන්ගේ භාරකාරත්වයේ තිබෙන වාර්තාවන් සයොනයේ දේශයට යැවිය යුතු වන්නේය;

6 මක්නිසාද සයොන දේශය මෙම සියලු දේවල් ලැබීමට සහ කිරීමට ආසනයක් සහ ස්ථානයක් වන්නේය.

7 එසේවුවද, මාගේ සේවක ජෝන් විට්මර්ට කිහිප වාරයක් ස්ථානයෙන් ස්ථානයට, තවද සභාවෙන් සභාවට, එනම් ඔහුට වඩාත් හොඳින් දැනීම ලබාගැනීම පිණිස ගමන් කිරීමට ඉඩදෙන්න—

8 දේශනා කරමින් සහ විස්තර කරමින්, ලියමින්, පිටපත් කරමින්, තෝරාගනිමින්, සහ එම සියලු දේවල් සභාවේ යහපත සහ සයොන දේශයේ වැඩිවන පරම්පරාව ගොඩනැගීම උදෙසාද, පරම්පරාවෙන් පරම්පරාවට, සදාකාලයෙන් සදාකාලයට එය අයත් කරගන්නා පිණිසදය. ආමෙන්.