13. ປາສາດໃນເມືອງນາວູ
ໂຈເຊັບ ສະມິດ ຜູ້ລູກ ແລະ ຄອບຄົວຂອງເພິ່ນ ໄດ້ຍ້າຍເຂົ້າໄປຢູ່ປາສາດໃນເມືອງນາວູ ໃນເດືອນສິງຫາ ປີ 1843. ຕໍ່ມາ ໄດ້ຕໍ່ເຮືອນອອກອີກຢູ່ທາງເບື້ອງຕາເວັນອອກ ລວມແລ້ວມີຢູ່ດ້ວຍກັນ 22 ຫ້ອງ. ນັບຕັ້ງແຕ່ເດືອນມັງກອນ ປີ 1844, ເອເບເນເຊີ ຣໍບິນສັນ ໄດ້ປ່ຽນປາສາດຫລັງນີ້ ໃຫ້ເປັນໂຮງແຮມ, ແລະ ສາດສະດາໄດ້ເກັບຫົກຫ້ອງໄວ້ສຳລັບຄອບຄົວຂອງເພິ່ນ. ປາສາດຫລັງນີ້ໄດ້ຖືກໃຊ້ເປັນສູນກາງ ສັງສັນຂອງຊຸມຊົນໃນເມືອງນາວູ. ສາດສະດາໄດ້ຮັບຕ້ອນແຂກຜູ້ສຳຄັນໃນປາສາດຫລັງນີ້.
ເຫດການທີ່ສຳຄັນ: ໃນວັນທີ 27 ເດືອນມິຖຸນາ, 1844, ສາດສະດາໂຈເຊັບ ແລະ ໄຮຣຳ ອ້າຍຂອງເພິ່ນ ໄດ້ຖືກຍິງ ແລະ ຖືກຂ້າ ໃນເມືອງຄາດເທດ, ລັດອິລິນອຍ, ແລະ ສົບຂອງພວກເພິ່ນ ໄດ້ຖືກນຳມາທີ່ປາສາດນີ້ ເພື່ອການໄວ້ອາໄລ ກ່ອນງານສົ່ງສະການ. ພວກເພິ່ນໄດ້ຖືກຝັງໄວ້ຢູ່ໃນປ່າຊ້າຂອງຄອບຄົວ ກົງກັນຂ້າມກັບຖະໜົນເມນ, ເບື້ອງຕາເວັນຕົກຂອງເຮືອນໄມ້ທ່ອນ ທີ່ໂຢເຊັບເຄີຍອາໄສຢູ່ ຕອນເພິ່ນຍ້າຍມາຢູ່ເມືອງນາວູໃໝ່. ເອມມາ ສະມິດ ໄດ້ອາໄສຢູ່ໃນປາສາດ ຈົນເຖິງປີ 1871. ແລ້ວນາງໄດ້ຍ້າຍໄປຢູ່ເຮືອນນາວູ, ບ່ອນທີ່ນາງໄດ້ເສຍຊີວິດ ໃນປີ 1879.