14. ຮ້ານຄ້າດິນຈີ່ສີແດງຂອງໂຈເຊັບ ສະມິດ ຜູ້ລູກ
ຮູບພາບ
ຮູບພາບ 14
ຮ້ານຄ້າ ແລະ ຫ້ອງການຂອງໂຈເຊັບ ສະມິດ ຜູ້ລູກ ທີ່ໄດ້ຖືກສ້ອມແປງຄືນໃໝ່ນີ້ ຕັ້ງຢູ່ໃນເມືອງນາວູ, ລັດອິລິນອຍ. ມັນໄດ້ເປັນອາຄານຫລັງທີ່ສຳຄັນໃນສາດສະໜາຈັກ ໃນສະໄໝເມືອງນາວູ. ບໍ່ພຽງແຕ່ຖືກໃຊ້ເປັນຮ້ານຄ້າທົ່ວໄປ, ມັນຍັງກາຍເປັນສະຖານທີ່ສັງສັນ, ສະຖານທີ່ເຮັດກິດຈະກຳທາງເສດຖະກິດ, ທາງການເມືອງ, ແລະ ທາງສາດສະໜາ ນຳອີກ. ໂຈເຊັບ ສະມິດ ໄດ້ໃຊ້ຫ້ອງຊັ້ນເທິງເປັນຫ້ອງການ.
ເຫດການທີ່ສຳຄັນ: ກ່ອນພຣະວິຫານສ້າງສຳເລັດ, ຫ້ອງຊັ້ນເທິງຂອງຮ້ານຄ້າ ໄດ້ຖືກໃຊ້ເປັນຫ້ອງກະທຳພິທີການ, ບ່ອນທີ່ຂອງປະທານສັກສິດຄົບຊຸດໄດ້ຖືກມອບໃຫ້ເປັນເທື່ອທຳອິດ. ໃນວັນທີ 17 ເດືອນມີນາ, 1842, ສາດສະດາໂຈເຊັບ ໄດ້ຈັດຕັ້ງກຸ່ມສະຕີຂອງສາດສະໜາຈັກ ໃຫ້ເປັນສະມາຄົມສະຕີສົງເຄາະ.