6. ສະຖານທີ່ບ້ານຂອງ ພີເຕີ ວິດເມີ ຜູ້ພໍ່
ເຮືອນໄມ້ທ່ອນຫລັງນີ້ ເປັນຕົວແທນໃຫ້ແກ່ເຮືອນດັ້ງເດີມຂອງ ພີເຕີ ວິດເມີ ຜູ້ພໍ່ ໃນເມືອງເຟແອດ, ລັດນິວຢອກ.
ເຫດການທີ່ສຳຄັນ: ໂຈເຊັບ ສະມິດ ໄດ້ສຳເລັດການແປພຣະຄຳພີມໍມອນ ຢູ່ບ່ອນນີ້ ໃນທ້າຍເດືອນມິຖຸນາ ປີ 1829. ຢູ່ໃນປ່າໃກ້ເຮືອນຫລັງນີ້, ພະຍານສາມຄົນ ໄດ້ເຫັນທູດໂມໂຣໄນ ແລະ ແຜ່ນຈາລຶກຄຳ. ປະຈັກພະຍານຂອງພວກເພິ່ນ ມີຢູ່ໃນພຣະຄຳພີມໍມອນທຸກເຫລັ້ມ. ໃນວັນທີ 6 ເດືອນເມສາ, 1830, ຜູ້ຄົນປະມານ 60 ຄົນ ໄດ້ມາຮ່ວມຊຸມນຸມກັນ ຢູ່ໃນເຮືອນຂອງ ພີເຕີ ວິດເມີ ເພື່ອເປັນພະຍານຕໍ່ການຈັດຕັ້ງ ສາດສະໜາຈັກຂອງພຣະເຢຊູຄຣິດຂຶ້ນເປັນທາງການ (ຄພ 20). ການປະຊຸມ ແລະ ກອງປະຊຸມເທື່ອທຳອິດຂອງສາດສະໜາຈັກໃໝ່ ໄດ້ຖືກຈັດຂຶ້ນຢູ່ໃນເຮືອນຫລັງນີ້. ການເປີດເຜີຍຊາວຢ່າງ ທີ່ບັນຈຸຢູ່ໃນພຣະຄຳພີ ຄຳສອນ ແລະ ພັນທະສັນຍາ ແມ່ນໄດ້ຮັບຢູ່ໃນບ້ານຂອງ ພີເຕີ ວິດເມີ.