1. Ko taku e hiahia nei me whakarite ko taku pononga ko te Warena A. Kautere, hei tumuaki Tohunga Nui ki taku Hahi, mo runga i tenei whenua i te herekore, me nga wahi e patata mai ana;

2. Me kauwhau hoki e ia taku Rongo-pai mau tonu, ka whakaara i tona reo ka whakatupato i te iwi, i runga i tona whenua, tae atu ki nga whenua e patata mai ana,

3. Me te whakapau ano i tona taima katoa ki nga mahi o tenei karangatanga nui, tapu hoki, e hoatu nei e ahau ki a ia, me te ata rapu hoki i te kingitanga o te rangi me tona tika, a e tapiritia atu nga mea katoa e taua ana hoki te kai mahi mo tona utu.

4. Me tenei ano, he pono taku e mea atu nei ki a koe, kei te whakatata te haerenga mai o te Ariki, a e hopukia te ao, ano he tahae i te po.

5. No reira, whitikiria o koutou hope, kia meinga ai koutou hei tamariki no te maramatanga, kia kore ai koutou e mau i taua ra, ano ko te hopu a te tahae.

6. Me tenei ano, he nui te koa i te rangi i te tuohutanga o taku pononga o te Warena ki taku hapeta, i a ia ka wehe mai i nga mahi tinihanga a te tangata.

7. No reira, ka koa taku pononga, a te Warena, e aroha hoki ahau ki a ia; ahakoa oti nga whakaaro horihori i roto i tona ngakau, ka whakateiteitia ake ia e ahau, ara me he mea ia kei te whakaiti i mua i toku aroaro;

8. A, ka hoatu e ahau te aroha noa ki a ia, me te matauranga hoki kia pumau ai tona tu, a me he mea ka mau tonu ia hei kai whakaatu pono, hei maramatanga hoki ki te Hahi, kua rite i a au he karauna mona i roto i nga nohoanga o toku Matua. Koia ano. Amine.