Wahanga 83
He whakakitenga i homai ma roto i a Hohepa, te Matakite i Itipeha, Takiwa o Tiakihana, Mihuri, i a Aperira 30, 1832.
1. He pono e ai ta te Ariki, haunga nga ture a te Hahi mo nga wahine me nga tamariki, ko ratou no te Hahi, kua mate nei o ratou tane, o ratou papa ranei.
2. E whai-tikanga ana nga wahine ki a ratou tane hei oranga mo ratou, taea noatia te wa e tangohia atu ai o ratou tane, a ki te kore e kite he kai-whakataka ture ka noho tonu ratou ki roto ki te Hahi;
3. A ki te kore ratou e u, e kore ratou e noho ki roto ki te Hahi; engari e kore e arai atu i a ratou te noho i runga i a ratou kainga tupu kia rite ki ta nga ture o te whenua.
4. Ko nga tamariki katoa e whai-tikanga ana ki o ratou matua hei oranga mo ratou kia tae ra ano ratou ki te kaumatuatanga.
5. Hei muri i taua wa ka whai-tikanga ratou ki te Hahi, ara, ki te whare-toa o te Ariki ki te kahore e whai-rawa ana o ratou matua hei hoatu taonga tukutuku mo ratou.
6. Ma nga whakatapunga o te Hahi te whare-toa e tautoko, me tiaki ano nga pouaru me nga pane me te hunga rawa-kore ano hoki. Amine.