Wahanga 118
He whakakitenga i homai ma roto i a Hohepa Mete te Matakite, i Wha Weta, Mihuri, i te 8 o Hurae, 1838, he whakautu i te patai, “Whakakitea mai ki a matou tou hiahia, e te Ariki mo te Tekau-ma-rua?”
1. He pono, ko te kupu tenei a te Ariki, kia tu wawe he hui, kia whakaritea te Tekau-ma-rua, a kia whakaritea etahi tangata hei whakakapi ma ratou nga mea kua taka atu.
2. A, ko taku pononga a Tamati me noho ai mo tetahi wa poto ki te whenua o Hiona, ki te panui taku kupu.
3. Ko era atu me kauwhau tonu i taua haora, a ki te penei ai ratou i runga i te ngakau mahaki, i te ngakau ngohengohe a i te ngakau iti, me te manawanui, maku, te Ariki ka hoatu ki a ratou tetahi kupu whakaari, maku a ratou hapu e tiaki, a ka whakapuare te tatau aroha ki a ratou, mo ake tonu atu;
4. A, i te timatanga o te raumati e heke iho nei, me timata ta ratou haere, me te whiti hoki i nga wai maha, a i reira kauwhau ai taku Rongo-pai me ana tikanga katoa, a he kai whakaatu mo toku ingoa.
5. A kia haere atu ratou i aku Hunga Tapu i roto i te pa o Wha Weta, hei te 26 o nga ra o Aperira e heke iho nei, i te wahi he tunga o toku whare, e ai ta te Ariki,
6. Ko taku pononga a Hoani Teira, me taku pononga a Hoani E. Peihi, me taku pononga a Wiriwha Wuruwha, me taku pononga hoki a Wirita Rihara, kia whakaritea ratou he whakakapi ma ratou nga mea kua taka atu, a kia tino whakaatu ki a ratou i a ratou whakaritenga.