1. He pono, he pono taku e mea atu nei ki a koutou, e aku pononga i runga i te mea kua rite i a koutou te muru i nga he o tetahi, o tetahi, ka pera hoki ahau te Ariki ka muru i a koutou he;

2. Otira kei waenganui i a koutou etahi kua nui rawa a ratou hara; ae ra kua mahi he i a koutou katoa; engari he pono tenei taku e mea atu ki a koutou, kia tupato i nga wa e haere ake nei; kauaka e hara kei tau iho nga whakawakanga nuitanga ki runga ki o koutou matenga;

3. No te mea ko te tangata kua whiwhi nui ia i a ia; he nui te mea e kiia kia homai e ia; a ko ia e hara ana ki te maramatanga nui, ka whiwhi ki te whakawakanga rahi ake.

4. E karanga ana koutou i runga i toku ingoa mo nga whakakitenga, a e hoatu ana e an ki a koutou; na, ki te kore koutou e pupnri i aku meatanga e hoatu nei ki a koutou ka meinga koutou hei kai-whakataka ture; a ko tona utu nui, ara te whakarite i te tika me te whakawakanga i runga i taku ture;

5. No reira ko taku e mea ki tetahi, koia ra taku e mea ki te katoa, kia mataara, no te mea e whakahorapa haere ana te hoa tauwhainga i ona rangatiratanga, e kingi ana ano hoki te pouritanga.

6. A, e tahu ana te riri a te Atua ki nga tangata o te whenua; kahore tetahi e mahi ana i te pai, kua kotiti ke ano te katoa i te huarahi tika.

7. Na, he pono taku e mea atu nei ki a koutou, ko ahau, ko te Ariki, e kore e whakatau te hara ki a koutou; haere i o koutou ara, kati te hara; heoi, ka hoki mai nga hara o mua ki runga ki te tangata e hara ano, e ai ta te Ariki, to koutou Atua.

8. Ano ra ko taku e mea atu ki a koutou, e hoatu ana e ahau tetahi whakahaunga houtanga ki a koutou hei mohiotanga ma koutou ki taku e pai mo kouteu;

9. Ara, e penei ana, ko ahau ka hoatu nga tohutohu hei whakahaere i a koutou mahi e mahia nei i toku aroaro kia waiho ia hei whakaoranga ino koutou;

10. Ko ahau, ko te Ariki e here ana ina ka whakarite i a koutou taku e mea atu nei, heoi, ki te kahore koutou e mahia taku e mea atu nei, kahore he kupu whakaari mo koutou;

11. No reira, he pono taku e mea atu nei ki a koutou ko te tikanga mo taku pononga a Arehema me Aheteha (Nuera K. Witini), a Maharareere me Perekorama (Hirini Rikitana), me taku pononga a Keherama (Hohepa Mete), me Hora me Oriha (Oriwa Kautere), me Haremanahi me Mahemeona (Matini Harihi) kia whakaritea tahitia ki roto ki tetahi herenga me te kawenata e kore nei e ahei te whakatakaia e te hara, (ki te taka ka whakawakia tonutia) i roto i a koutou tuaritanga.

12. Hei whakahaere i nga mea mo te hunga rawakore, me nga mea katoa o te pihopatanga ki te whenua o Hiona, ki te whenua o Hainaha (Katarana) ano hoki,

13. Kua whakatapua hoki e ahau te whenua o Hainaha (Katarana) i runga i taku ake wa hei painga mo nga Hunga Tapu o te Runga Rawa; mo tetahi takiwa hoki i roto i Hiona;

14. No te mea ko te tikanga kia nui haere a Hiona i runga i te ataahuatanga, i runga i te tapunga; kia whakarahia atu ona rohe; kia whakakahangia ona takiwa; ae ra, he pono taku e mea atu nei ki a koutou, kia tino whakatika ake a Hiona me te kakahu i ona kakahu ataahua:

15. No reira e hoatu ana ahan tenei whakahaunga ki a koutou; ara kia herea a koutou ano e tenei kawenata, a ka meatia ia kia rite ki nga ture a te Ariki.

16. Nana, ko tenei ia he matauranga ano i roto i a au, he painga mo koutou.

17. Ko te tikanga, kia rite tahi koutou, kia rite ano hoki ta koutou whai tikanga ki nga taonga hei painga mo runga i te whakahaeretanga i nga mea o a koutou tuaritanga ma ia tangata, ma ia tangata e rite ai ki ana e hiahia me ana e hapa nei, ki te mea e tika ana e pera ai;

18. A, ko enei katoa hei painga mo te Hahi o te Atua ora, kia mahia e nga tangata katoa ki ona taranata hei mea e whiwhi ai ia ki etahi atu taranata ano; ae ra he tataki rau hei hoatutanga ki roto ki te whare toa o te Ariki, kia waiho ia te taonga noa mo te Hahi katoa.

19. Kia whai-whakaaro i nga tangata katoa hei painga mo tona hoa tata e whakaritea ana nga mea katoa i runga i te ngakau tapatahi ki te kororia a te Atua.

20. Ko tenei ia te tikanga kua oti e ahau te whiriwhiri hei tikanga mau tonu ki a koutou; a ki a koutou kai-whakakapi ano hoki, ki te mea ka kore a koutou hara;

21. A, Ko te tangata e whakataka ana i tenei kawenata me te whakapakeke i tona ngakau, ka whakawakia ia kia rite ki ta nga ture o toku Hahi; ka tukua atu ia ano hoki ki nga whakamamaetanga a Hatana taea noatia te ra o te hokonga.

22. Na, he pono taku e mea atu nei ki a koutou, ko tenei ia he matauranga, whakahoa atu i a koutou ano ki te taonga o te tika-kore; a ka kore koutou e patua e ratou.

23. Waihotia te whakawakanga ki a au, naku hoki tera, maku ano te rapu utu. Kia tau te rangimarie ki a koutou; kia noho tonu aku manaakitanga ki a koutou,

24. Hei a koutou te kingitanga inaianei, mo ake tonu atu ano hoki, ki te kahore koutou e taka atu i ta koutu unga. Ae ra ano. Amine.