Wahanga 92
He whakakitenga i homai ki a Enoka (Hohepa Mete, tamaiti) e pa ana ki te ritenga o te Hahi hei painga mo te hunga rawa-kore. I homai ki te Hunga Tapu i Katarana, i a Maehe 15, 1833.
1. He pono, ko te kupu tenei a te Ariki, ka hoatu e ahau ki te ritenga o te kotahitanga, kua oti nei te whakatu rite tonu ki te whakahaunga i hoatu i mua, he whakakitenga, he whakahaunga hoki ki taku pononga ki a Hitaraomaka (Frederick G. Williams), ara me uru ia ki roto i taua ritenga. Na, ko taku e mea nei ki te tangata kotahi e mea ana hoki ahau ki te katoa.
2. Na, ko taku kupu tenei ki a koe, ki taku pononga, ki a Hitaraomaka, me riro koe hei mema kaha i roto i tenei ritenga, a ki te mea ka u tonu koe ki te pupuri i nga ture kua hoatu na ki a koe i mua, ka manaakitia koe a ake, ake, ake, tonu atu. Amine.