Acha Tumwalike Kila Mtu
Mwandishi anaishi Utah, Marekani.
Jarom aliitaka familia yake yote kuja kwenye ubatizo wake.
“Daima ninataka kuwa na familia yangu mwenyewe, na Bwana amenionyesha jinsi ninavyoweza.” (Kitabu cha Nyimbo za Watoto, 188).
Jarom alikaa chini kwenye nyasi mbele ya marae ya bibi yake. Ilikuwa karibu na wakati wa dhifa ya familia kuanza!
Aliangalia juu kwenye sanamu nyekundu za kuchonga kwenye upande wa jengo. “Mama, unalitaja vipi jina la Bibi katika lugha ya alama?” aliuliza. Bibi wa Jarom alikuwa kiziwi. Wakati mwingine walifanyia mazoezi lugha ya alama ili kumkumbuka yeye.
“Kama hivi,” Mama alisema. Pole pole alifanya alama za jina lile kwa mikono yake. Jarom alizifanya alama hizo kwa mikono yake pia. Alipenda kujifunza kuhusu familia yake.
“Ninataka kujaribu!” Binamu wa Jarom, Kati, …… aliketi karibu nao. Mama alifanya alama za lile jina tena.
“Mwezi ujao kwa ajili ya ubatizo wangu, tunaweza kuimba wimbo katika lugha ya ishara?” Jarom aliuliza.
“Ndiyo,” Mama alisema.
“Ubatizo ni nini?” Kati aliuliza.
Sehemu kubwa ya familia ya Jarom hawakuwa waumini wa Kanisa la Yesu Kristo la Watakatifu wa Siku za Mwisho. “Kubatizwa ni kitu muhimu katika kanisa langu,” Jarom alisema. Ni wakati ambapo unaweka ahadi kumfuata Yesu, na Yeye anaahidi kukusaidia.”
“Safi sana,” alisema Kati.
“Je, ungependa kuja kwenye ubatizo wangu?” Jarom aliuliza.
“Hakika!” Kati alitabasamu. Kisha Jarom alimgeukia mama yake.
“Tunaweza kuwaomba ndugu zetu wote kuja pia? Na mashangazi na wajomba zangu?”
Mama alikubali kwa kichwa. “Nafikiri hilo ni wazo zuri.”
Jarom na Mama waliiomba familia nzima kuja kwenye ubatizo. Lakini mashangazi na wajomba hawakujua mengi kuhusu ubatizo. Bali walijua ilikuwa siku muhimu kwa Jarom. “Tutakuwepo!” walisema.
Wiki zilipita. Hatimaye ilikuwa siku ya ubatizo wa Jarom! Wakati Jarom alipoingia katika jengo la kanisa, alitoa tabasamu kubwa. Kila safu ilijazwa na washiriki wa familia yake!
Kwanza baba wa Jarom alitoa mazungumzo kuhusu ubatizo na kipawa cha Roho Mtakatifu. Pia alizungumzia kuhusu jinsi familia zilivyo muhimu. “Tunafurahi sana kwa Jarom kubatizwa leo. Na tunafurahi sana kuwa na familia yetu pamoja nasi! alisema. “Ni kitu gani kilicho muhimu zaidi katika ulimwengu huu?” “Ni watu, ni watu, ni watu.”
Kila mtu alitabasamu. Ni msemo wa Kimaori ambao wote waliupenda.
Baada ya mazungumzo ya Baba, ilikuwa zamu ya Jarom na Mama yake. Waliimba wimbo wa msingi katika lugha ya ishara. Ilifanya Jarom kuhisi karibu na bibi yake.
Kisha Jarom na Baba waliingia ndani ya kisima cha ubatizo. Aliposimama ndani ya maji, Jarom aliangalia familia yake yote. Binamu, shangazi, wajomba. Wote walikuwa pale!
Jarom aliyafunga macho yake. Alihisi hisia za kusisimua na tulivu. Alihisi kama mtu alikuwa anampa kumbatio kubwa. Alimkumbuka bibi yake. Aliwakumbuka mababu zake. Alijua walikuwa wanajivunia pia.
Jarom alibadilisha na kuvaa nguo zilizo kavu. Kisha alimkumbatia kila mwanafamilia. Alikuwa na shukrani kwao wote. Na alikuwa na shukrani kwa wanafamilia wote walioko mbinguni kwamba ataweza kukutana nao siku moja. Jarom alitaka kuendelea kufanya chaguzi nzuri kuwafanya waendelee kujivunia.
Vielelezo na Oksana Grivina