Safari Yangu ya Kwanza Hekaluni
Habari! Mimi ni Elena. Ni mara yangu ya kwanza kwenda hekaluni.
Wiki chache zilizopita, nilikutana na askofu wangu. Aliniuliza maswali kadhaa kusaidia kuhakikisha kwamba nilikuwa tayari kwenda hekaluni. (Unaweza kusoma maswali kwenye ukurasa wa 22!) Kisha alinipa kibali changu mwenyewe cha hekaluni.
Tunajitayarisha kwenda. Ninavaa mavazi yangu bora ya Jumapili. Mimi pia hupakia vitu kadhaa vya kurekebisha nywele zangu baada ya kuwa nimeloana. Na ninahakikisha ninacho kibali changu. Sasa tunaondoka kwenda kupanda basi!
Lile pale ni hekalu! Ni zuri sana.
Wakati ninapotembea ndani ya hekalu, ninajisikia amani. Ninaonesha kibali changu kwa mfanyakazi mwema wa hekaluni kwenye meza ya mapokezi. Mfanyakazi mwingine ananipa mavazi meupe. Ninakwenda kwenye chumba cha kabati dogo la kuwekea nguo ili kubadili nguo.
Sasa ninangojea zamu yangu ya kubatizwa. Wakati wa zamu ya kaka yangu, ninasimama karibu na kisima cha ubatizo kuwa shahidi. Ninahakikisha anazama kabisa ndani ya maji.
Sasa ni zamu yangu! Maji ni ya uvuguvugu. Ninabatizwa kwa ajili ya watu kadhaa walio kwenye orodha.
Wakati ninapotoka majini, mfanyakazi wa hekaluni ananipa taulo. Ninajikausha katika chumba cha kubadilisha nguo na kurudia nguo zangu za Jumapili. Wakati ninapotoka, mfanyakazi wa hekaluni ananichukua ili kuthibitishwa kwa ajili ya watu kadhaa.
Muda wangu hekaluni kwa kweli ulikuwa wa namna ya kipekee! Ninafurahi kwamba niliweza kusaidia wengine kwa kubatizwa na kuthibitishwa kwa ajili yao. Siwezi kungoja kurudi tena hivi karibuni.
Vielelezo na Rachel Hoffman‑Bayles