Matulunging mga Kamay sa Iba’t Ibang Panig ng Mundo

Kilalanin si Magali mula sa Uruguay

Kilalanin ang mga batang Primary na tumutulong sa iba, tulad ng ginawa ni Jesus.

Lahat ng tungkol kay Magali

Edad: 11

Mula sa: Uruguay

Wika: Spanish

Pamilya: Papa, Mama, isang kapatid na lalaki, dalawang kapatid na babae, at Lola

Mga Mithiin at Pangarap: 1) Makapagmisyon. 2) Magtrabaho sa UNICEF para matulungan ang mga bata sa buong mundo.

Matulunging mga Kamay ni Magali

Tinutulungan ni Magali ang kanyang mga magulang sa kanilang sakahan. Tinitipon niya ang mga itlog ng manok para makain ng kanyang pamilya. Pinaiinom niya ng gatas ang mga guya at ng tubig ang mga kuneho. Ang pagtulong sa kanyang pamilya ay nagturo sa kanya na ang paglilingkod ay isang bagay na napakahalaga. Sabi ni Magali, “Dapat nating laging paglingkuran ang mga nasa paligid natin.”

Ang isa pang paraan ng paglilingkod ni Magali ay sa pagtulong sa kanyang lola na basahin ang mga banal na kasulatan, lalo na ang Aklat ni Mormon. Masayang-masaya siyang tularan si Jesus sa pamamagitan ng pagtulong sa iba.

Mga Paborito ni Magali

Lugar: Montevideo Uruguay Temple

Kuwento tungkol kay Jesus: Nang pagalingin ni Jesus ang babaeng humipo sa Kanyang bata

Awitin sa Primary: “Sa Aking Pagkabinyag” (Aklat ng mga Awit Pambata, 53)

Pagkain: Lahat ng luto ng kanyang ina

Kulay: Rosas

Subject sa Paaralan: Math