Ujumbe wa Mkutano kutoka kwa Nabii
Kupata Amani ndani ya Moyo Wako
Na Rais Russell M. Nelson
Imetoholewa kutoka “Kuhubiri Injili ya Amani” na “Nguvu ya Kasi ya Kiroho,” Liahona, Mei 2022.
Ninawapenda na kuomba kwa ajili yenu kila siku. Kuna magumu mengi ulimwenguni. Migogoro na majanga ya ulimwengu yamewaathiri watu wengi. Ulimwengu unahitaji msaada.
Yesu Kristo ndiye Mfalme wa Amani. Injili Yake ndiyo njia pekee ya kudumu ya kupata amani. Sasa kuliko wakati mwingine wowote, tunahitaji amani ambayo ni Yeye pekee anaweza kuileta.
Wafuasi wa Yesu Kristo wanapaswa kuwa kielelezo kwa ulimwengu wote kufuata. Tunawezaje kutazamia amani iwepo ulimwenguni ilhali sisi binafsi hatutafuti amani kwenye maisha yetu wenyewe? Hakuna anayeweza kudhibiti matendo ya wengine. Lakini tunaweza kujidhibiti mwenyewe.
Tafadhali fanya yote uwezayo ili kumaliza migogoro katika maisha yako. Kuwa mnyenyekevu, mwenye ujasiri na imara. Hiyo itakusaidia kuwasamehe wengine na kutafuta msamaha wakati unapofanya jambo baya. Omba nguvu kutoka kwa Yesu Kristo na Upatanisho Wake.
Yesu ndiye Kristo! Yeye yu hai! Anakupenda na atakusaidia.
Malizia Hadithi
Ni nini unafanya wakati unapokuwa na mgogoro na kaka, dada au rafiki? Chagua moja ya picha hapa chini. Kisha chora picha au andika kuhusu jinsi ambavyo wewe ungeweza kupata amani.
Kupigana
Kuchukua vitu vya wengine
Uonevu
Jinsi Ninavyopata Amani