Hadithi za Maandiko

Ruthu na Naomi

Naomi na familia yake walikwenda kwenye nchi mpya kwa sababu ya njaa. Walikutana na msichana anayeitwa Ruthu. Ruthu aliolewa na mwana wa Naomi.

Kisha mume wa Ruthu alifariki. Ruthu alikuwa na huzuni sana.

Naomi naye alihuzunika sana. Naomi aliamua kurejea katika nchi aliyotoka.

Naomi akamwambia Ruthu arejee kwa familia yake. Lakini Ruthu alimpenda Naomi. Aliahidi kuambatana na Naomi na kumtunza.

Ruthu na Naomi walikuwa maskini. Kwa hiyo Ruthu alijitahidi sana kuwatafutia chakula.

Siku moja mwanaume anayeitwa Boazi alimwona Ruthu akikusanya mabaki ya nafaka katika shamba lake moja.

Boazi alikuwa mwema. Aliwaambia wafanyakazi wake wamuachie Ruthu chakula cha ziada.

Baadaye Ruthu na Boazi walioana. Walipata mtoto wa kiume. Naomi alimsaidia kumtunza.

Ninaweza kusaidia kuwatunza wengine. Ninaweza kuwa mkarimu kwa wale wanaohitaji.