“Unsaon Nimo nga Mahimong usa ka Misyonaryo,” Higala, Hulyo 2023, 2–3.
Gikan sa Unang Kapangulohan
Unsaon Nimo nga Mahimong usa ka Misyonaryo
Gipahiangay gikan sa “Pagsangyaw sa Ebanghelyo sa Kalinaw,” Liahona, Mayo 2022, 6–7; ug “Pagkinabuhi ingon nga Panig-ingnan sa mga Magtutuo,” Liahona, Nob. 2010, 47–49.
Gisultihan sa Ginoo ang Iyang mga disipulo nga, “panglakaw . . . sa tibuok kalibotan, ug isangyaw kining maayong balita ngadto sa tanang mga tawo” (Marcos 16:15). Ang matag usa angayan nga hatagan og kahigayonan nga makahibalo asa nila makaplagan ang paglaom ug kalinaw ni Jesukristo. Matag usa kanato adunay sagrado nga responsibilidad sa pagpakigbahin sa kalinaw ni Jesukristo ngadto sa tanan kinsa maminaw.
Ikaw mahimong makatabang sa uban nga makakaplag sa kalinaw sa ebanghelyo pinaagi sa:
-
Pagkahimong usa ka maayo nga ehemplo.
-
Pagsunod ni Jesukristo aron nga ang Iyang kahayag mosanag sa imong mga mata.
-
Pagpadaghan sa imong mga higala.
-
Pagdapit og usa ka higala sa pagbasa sa Basahon ni Mormon.
-
Pagdapit og usa ka higala nga moadto sa usa ka miting sa Simbahan o kalihokan uban nimo.
Mahimo ka usab nga modesisyon sa pagserbisyo og misyon kon ikaw mas edaran na. Kini mopanalangin nimo ug sa daghan pa.
Usa Ka Pundok sa mga Higala
Mga paghulagway pinaagi ni Garth Bruner
Sa litrato sa ubos, tan-awa kon pila ka mga higala sa usa ka kalihokan sa Primary ang adunay:
-
Itom nga buhok
-
Usa ka dalag [yellow] nga shirt
-
Mga sinapid nga buhok
-
Anteyohos
-
Usa ka berde nga backpack
-
Pula nga sapatos
-
Usa ka wheelchair
-
Usa ka bola sa soccer