Makalingaw nga Buhaton

Hagit sa Misyonaryo

Mga paghulagway pinaagi ni Sammie Francis

Pagkat-on kabahin sa unsay gibuhat sa mga misyonaryo! Dayon sunda ang dalan ug himoa ang hagit.

Ang mga misyonaryo makahimamat og bag-o nga mga tawo ug makig-istorya kanila.

Pakig-ilaila og usa ka tawo sa imong klase o kasilinganan nga dili pa nimo kaila.

Ang ubang misyonaryo nagkat-on og bag-o nga pinulongan.

Pagkat-on sa pagsulti og pipila ka pulong gamit ang usa ka bag-o nga pinulongan. Ikaw mahimong makat-on sa pag-ingon og “Si Jesus nahigugma kanako” o “Ako anak sa Dios.”

Ang mga misyonaryo mopakigbahin sa ilang mga talento! Ang uban motugtog sa piyano diha sa simbahan, nagkat-on og mga kasulatan aron ipaambit, o mogamit og ubang talento aron sa pagpanalangin sa uban.

Hunahunaa ang usa ka talento nga anaa kanimo. Dayon gamita kana nga talento aron sa pagserbisyo sa usa ka tawo!

Ang mga misyonaryo mag-ampo alang sa uban.

Paghunahuna og duha o tulo ka tawo nga imong nailhan ug pag-ampo alang kanila. Hangyoa ang Langitnong Amahan sa pagpanalangin kanila.

Ang mga misyonaryo nagtudlo sa uban mahitungod ni Jesukristo.

Sultihi ang usa ka higala o sakop sa pamilya og usa ka butang nga imong nakat-onan mahitungod ni Jesus diha sa Primary.