“Ang Propeta nga si Pedro,” Higala, Hulyo 2023, 46–47.
Mga Istorya sa Kasulatan
Ang Propeta nga si Pedro
Mga paghulagway pinaagi ni Apryl Stott
Human si Jesukristo nabanhaw ug miadto sa langit, si Pedro nahimong propeta.
Si Pedro nagtudlo sa katawhan kabahin sa pagbunyag ug sa Espiritu Santo. Liboan ka katawhan ang mipili nga magpabunyag!
Usa ka adlaw si Pedro nakakita og usa ka tawo sa gawas sa templo. Ang tawo dili makalakaw. Si Pedro miingon, “Sa ngalan ni Jesukristo, barog ug lakaw.”
Ang tawo naayo tungod sa iyang pagtuo! Si Pedro nagtudlo sa katawhan diha sa templo kabahin ni Jesukristo.