“Si Jesus Mihangyo Kanato nga Mopaambit sa Ebanghelyo,” Higala, Hulyo 2023, 24–25.
Mga Istorya kabahin ni Jesus
Si Jesus Mihangyo Kanato nga Mopaambit sa Ebanghelyo
Tangtanga kini nga pahina ug pil-a kini og katunga. Dayon ipataas ang litrato samtang imong isaysay ang istorya.
Human Siya nabanhaw, mibisita si Jesus sa Iyang Apostoles. Siya mihatag kanila og isda ug pan aron kaonon.
Gipangutana ni Jesus si Pedro, “Gihigugma mo ba ako?”
Miingon si Pedro og oo. Dayon miingon si Jesus, “Pakan-a ang akong mga nating karnero.”
Si Jesus nangutana ni Pedro sa duha pa ka higayon. “Gihigugma mo ba ako?”
Sa duha ka higayon si Pedro miingon og oo. Ug sa duha ka higayon si Jesus miingon, “Pakan-a ang akong mga karnero.”
Si Pedro nakat-on nga si Jesus naghangyo kaniya sa pagpaambit sa ebanghelyo. Si Jesus mao ang atong Magbalantay, ug kita ang Iyang mga karnero.
Kita makapakita sa atong gugma ni Jesus pinaagi sa pagtabang sa uban nga makakat-on mahitungod sa ug mosunod Kaniya.