Kumusta gikan sa Nepal!

Kat-oni ang mahitungod sa mga anak sa Langitnong Amahan sa tibuok kalibotan.

Mga paghulagway pinaagi ni Brenna Vaughan

Ang Nepal usa ka nasod sa Habagatang Asya [South Asia]. Mga 30 milyon ka tawo ang nagpuyo didto.

Usa ka Espesyal nga Bandila

Ang Nepal mao lamang ang nasod nga adunay bandila nga dili rektanggulo! Kini adunay usa ka adlaw ug buwan niini.

Mount Everest

Ang Nepal mao ang nahimutangan sa kinatas-an nga bukid sa kalibotan, diin 29,032 ka pye (8,849 m) ang gitas-on. Kapin sa 6,000 ka tawo ang nakasaka hangtod sa kinatumyan.

Mga Higala nga Hindu

Kadaghanan sa mga tawo sa Nepal nagsunod sa Hinduismo. Niini nga relihiyon, ang mga baka sagrado nga mga hayop nga gitratar nga may pagtahod.

Dal Bhat

Matag adlaw ang mga tawo mokaon og mga dal (abitsoylas [lentil]) bhat (kan-on). Sila kasagaran mokaon sa ubang pagkaon nga ipares niini, sama sa utanon nga curry ug gigamos nga mga utan.

Ang Basahon ni Mormon

Ang tibuok Basahon ni Mormon gimantala sa Nepali sa unang higayon niadtong 2017. Ang mga miyembro sa Simbahan didto nalipay kaayo!

Kalihokan

Gatti (Lima ka Bato nga Dula)

Lingkod sa yuta ug ikatag ang lima ka gagmayng bato sa inyong atubangan. Pagpunit og usa ka bato ug i-itsa kini sa pipila ka pulgada. Samtang kini anaa sa kahanginan, gamita ang samang kamot sa pagpunit og laing bato. Dayon saloa ang bato nga imong giitsa sa samang kamot. Padayona hangtod nga imong mapunit ang tanang lima ka bato. Mahimo ka nga magdula nga ikaw ra o uban sa pipila ka mga higala!

Resipe

Dal (Sinabaw nga Abitsoylas)

1. Ibubo ang 1/8 sa tasa nga mantika ngadto sa kaldero. Ad-ara ang 1 ka sebuyas ug 2 ka lusok sa ahos ug lutoa sa kasarangan nga init sulod sa pipila ka minuto.

2. Magdugang og 1 ka kutsarita matag usa sa gi-powder nga coriander, sili, turmeric, cinnamon, ug loy-a. Ukaya sulod sa pipila ka minuto.

3. Magdugang og 2 ka tasa nga abitsoylas (gihugasan) ug 4 ka tasa nga tubig.

4. Lutoa sa kasarangan nga kayo sulod sa 20 minutos o hangtod ang abitsoylas mohumok. Kon gusto ka, pag-ad-ad og pipila ka cilantro aron idugang sa kataposan.

Siguroa nga adunay hamtong nga motabang!

Sugyot sa Kahimsog

Ang Talagsaong Kalihokan sa Gawas

Ang maanaa sa kinaiyahan usa ka talagsaong paagi nga makaehersisyo ug makahanggab og prisko nga hangin. Sulayi sa paglakaw o makigpanglakaw uban sa imong pamilya isip usa ka makalingaw, himsog nga kalihokan!