“Unsay Anaa sa Inyong Hunahuna,” Higala, Hulyo 2023, 42.
Unsay Anaa sa Inyong Hunahuna?
Ang akong mga ginikanan wala nasilyo sa templo. Nagpasabot ba kana nga dili ko mahimong kabahin sa usa ka hangtod sa kahangtoran nga pamilya?
—Usa ka tawo diha sa Warsaw nga Naghunahuna
Minahal nga Naghunahuna,
Kamo anak sa langitnong mga ginikanan. Bisan sa wala pa kamo mianhi sa yuta, kamo bahin na sa Ilang pamilya. Ug kana dili gayod mausab! Busa bisan unsa man ang mahitabo, kamo kanunay nga bahin sa usa ka hangtod sa kahangtoran nga pamilya!
Ang Langitnong Amahan nahigugma kaayo kaninyo ug sa inyong mga ginikanan. Siya gusto nga kamong tanan makabalik ngadto Kaniya. Siya mopadayon sa pagpanalangin ug paggiya kaninyo ug sa inyong pamilya. Pag-ampo ngadto Kaniya kabahin sa inyong mga kabalaka, ug Siya mohupay kaninyo.
Inubanan sa gugma,
Ang Higala