Bag-ong Tugon

Dali, Sunod Kanako nga mga Kalihokan alang sa Gagmay nga mga Bata

Alang sa Mga Buhat 1–5

Tabangi ang inyong gagmay nga mga bata nga moingon, “Makasunod ko sa propeta.” Patan-awa sila og larawan ni Presidente Nelson ug pakantaha sa koro sa “Sunda ang Propeta” (Songbook sa mga Bata, 58–59). Paghisgot mahitungod sa usa ka higayon dihang gisunod nimo ang propeta.

Alang sa Mga Buhat 6–9

Tapoka ang inyong gagmay nga mga bata ug palonga ang mga suga sa lawak. Gamita ang flashlight sa paggiya nila tuyok sa lawak. Ipasabot nga ang Espiritu Santo sama sa flashlight tungod kay Siya makagiya kanato ug makapakita nato sa agianan.

Alang sa Mga Buhat 10–15

Uban ang inyong gagmay nga mga bata, tan-awa ang mga larawan sa mga bata nga adunay lainlain nga mga kolor ang panit, mga klase sa lawas, ug pisikal nga mga abilidad. Ipasabot nga ang atong Langitnong Amahan nahigugma sa tanan Niyang mga anak. Tabangi ang inyong gagmay nga mga bata nga maghimo og kasingkasing gamit ang ilang mga kamot ug kuptan kini kilid sa mga larawan.

Alang sa Mga Buhat 16–21

Tabangi ang inyong gagmay nga mga bata sa paghimo og mga tag sa misyonaryo nga naa ang ilang mga ngalan ug ang tibuok nga ngalan sa Simbahan. Ipasabot nga ang mga misyonaryo nagtudlo sa mga tawo mahitungod kang Jesus. Ipapilit ang mga tag ug tabangi ang inyong gagmay nga mga bata sa pagsulti ngano nga nahigugma sila ni Jesus.