“Të Dëgjuarit e Frymës së Shenjtë”, Miku, gusht 2023, f. 21.
Të Dëgjuarit e Frymës së Shenjtë
Ilustrimi nga Xavier Bonet
Verën e kaluar, familja ime shkoi për një shëtitje në pyll. Shtegu na çoi te një përrua. Motra ime më e madhe, vëllai im më i vogël dhe unë i hoqëm këpucët dhe u futëm në ujë.
Kur uji ishte pak mbi gjunjët e mi, u ndalëm. Pamë një grup fëmijësh më të mëdhenj përpara nesh që po luanin në thellësi. Motra ime buzëqeshi dhe tha: “Duhet të shkojmë më thellë!”
Por një zë në kokë më tha që të qëndroja pas me vëllanë tim të vogël. E dija se ishte Fryma e Shenjtë. I thashë motrës sime që ajo mund të shkonte dhe ta kontrollonte, por unë dhe vëllai im i vogël nuk do të shkonim.
Kur motra ime u kthye, ajo tha se uji ishte vërtet i trazuar dhe ishte e vështirë të ecje në të. Kur e tha këtë gjë, unë e dija se kisha bërë zgjedhjen e duhur që të qëndroja në një vend të sigurt me vëllanë tim të vogël.