Есүс Христийн бас нэгэн гэрээ

Мормоны Ном нь судрын нэгэн ном юм. Энэ нь Библитэй адил Есүс Христийн тухай бидэнд илүү ихийг заадаг. Иймээс энэ номыг “Есүс Христийн бас нэгэн гэрээ” гэдэг.

Мормоны Ном нь Есүс Христ дэлхийд ирэх болно хэмээн заасан бошиглогчдын түүхүүдийг агуулсан байдаг. Энэ нь бас Түүний Амилалтынхаа дараа хэрхэн Америк тивд айлчилж мөн тэндхийн хүмүүст заасан тухай өгүүлдэг. Энэ нь бид Түүнийг хэрхэн дагаж чадах талаар бидэнд заадаг.

Есүс чамайг хайрладаг бөгөөд чамд туслах болно. Энэ бол Мормоны Номын чухал захиас юм.

Судрын хайлт

Мормоны Номын эхний ном юу вэ?
Нифайн эцэг эхийг хэн хэн гэдэг вэ?
Мормоны Номын эхэнд гардаг Нифайн төрсөн ах нарыг хэн хэн гэдэг вэ?

Би Мормоны Номыг уншиж чадна!

Уншсаныхаа дараа зургийн хэсгийг будаарай. Та нар Ирээд, Намайг дага дахь долоо хоног бүрийн эдгээр судрыг уншиж болно.

1 дэх долоо хоног: Моронай 10:3–5
2 дахь долоо хоног: 1 Нифай 2:2–7, 16, 19–20
3 дахь долоо хоног: 1 Нифай 10:17–19
4 дэх долоо хоног: 1 Нифай 15:23–25