Mga Aktibidad para sa Pumarito Ka, Sumunod Ka sa Akin

Para sa home evening o pag-aaral ng mga banal na kasulatan—o para lang sa paglilibang!

Enero 29–Pebrero 4

Liahona Hints

Mga larawang-guhit ni Katy Dockrill

Para sa 1 Nephi 16–22

Ginabayan ng Liahona ang pamilya ni Nephi papunta sa lupang pangako (tingnan sa 1 Nephi 18:21–23). Sabihin sa isang tao na magtago ng isang bagay. Halinhinang magtatanong ang lahat sa taong nagtago ng mga bagay na masasagot ng oo o hindi para sama-sama ninyong mahanap ang bagay.

Para sa mas maliliit na bata: Sabihin sa iyong anak na magtago ng isang bagay. Hilingin sa kanya na bigyan ka ng mga hint kung nasaan iyon sa pagsasabi ng “hotter” kapag napapalapit ka at “colder” kapag napapalayo ka.

Pebrero 5–11

Magkakasalungat sa Lahat ng Bagay

Para sa 2 Nephi 1–2

Itinuro ni Lehi na ang pagkakaroon kapwa ng maganda at pangit na mga sandali ay bahagi ng plano ng Diyos para sa atin sa lupa (tingnan sa 2 Nephi 2:11). Isulat ang mga salitang may kasalungat (tulad ng “matangkad” at “pandak”) sa mga piraso ng papel at ilagay ang mga iyon sa isang mangkok. Maghalinhinan sa pagbasa sa nakasulat sa mga papel. Tingnan kung sino ang pinakamabilis na makakahula sa kasalungat ng bawat salita!

Para sa mas maliliit na bata: Ang pagkakaroon ng mga kabaligtaran sa buhay ay mabuti. Sindihan at patayin ang isang ilaw. Ipaliwanag kung paano tayo tinutulungan ng liwanag na makakita at tinutulungan tayo ng dilim na makatulog. Kapwa natin kailangan na maging maligaya.

Pebrero 12–18

Teamwork ng Banal na Kasulatan

Para sa 2 Nephi 3–5

Ang Aklat ni Mormon at ang Biblia ay nagtutulungan upang turuan tayo tungkol kay Jesucristo (tingnan sa 2 Nephi 3:12). Maglaro ng tungkol sa sama-samang paggawa! Sabihin sa isang tao na lamukutin at gawing hugis-bola ang mga piraso ng papel at ihagis ang mga iyon sa isang mangkok. Sabihin sa isa pang tao na sikaping pigilan na makapasok ang mga papel sa mangkok. Ngayo’y subukang ipagawa sa dalawang tao ang paghahagis ng mga papel. Kailan mas madaling ipasok ang mga papel sa mangkok?

Para sa mas maliliit na bata: Ang Biblia at Aklat ni Mormon ay kapwa nagtuturo tungkol kay Jesucristo. Sama-samang idrowing si Jesus.

Pebrero 19–25

Mga Biyaya ng Bolang Tumatalbog

Para sa 2 Nephi 6–10

Sinabi ni Jacob na maaari tayong maging masaya dahil sa mga pagpapalang ibinibigay sa atin ng Ama sa Langit (tingnan sa 2 Nephi 9:3). Patalbugin ang isang bola nang pabalik-balik. Kapag ikaw na ang magpapatalbog sa bola, bumanggit ng isang biyayang naibigay sa iyo ng Ama sa Langit. Magpatuloy hangga’t kaya ninyo!

Para sa mas maliliit na bata: Buhatin ang inyong mga anak at iangat sila. Pag-usapan kung paano mapapasaya at mapapagaan ni Jesucristo ang ating puso.