“Ko e Muimui kia Sīsū ʻi Vanuatú,” Kaumeʻá, Mē 2024, 10–11.
Ko e Muimui kia Sīsū ʻi Vanuatú
Feʻiloaki mo ʻEma!
Ko e Founga Muimui ʻa ʻEma kia Sīsuú
ʻOku muimui ʻa ʻEma ʻia Sīsū Kalaisi ʻaki ʻene angaʻofa. ʻOkú ne fie hoko ko ha kaungāmeʻa ki he taha kotoa! ʻOkú ne manako ke talanoa mo e kakaí mo vaʻinga mo e fānau kehé. ʻOku pehē ʻe ʻEma, “ʻOku ou saiʻia ke vaʻinga mo hoku kaungāmeʻá mo foaki ange ha ngaahi meʻaʻofa he ʻoku ou saiʻia he kakaí.” Taimi ʻe niʻihi ʻokú ne faʻu ha fanga kiʻi kaati maʻa hono kaungāmeʻá mo e fāmilí.
ʻOku tokoni foki ʻa ʻEma ki heʻene faʻeé ke tokangaʻi ʻenau ongo māhanga tangata īkí. ʻOku tokoni ke feimeʻakai maʻa hono fāmilí mo fafanga hono ongo kiʻi tuongaʻané ʻaki ʻena hiná. “ʻOku ou ongoʻi fiemālie mo fiefia ʻi heʻeku tokoní. ʻOku pehē ʻe ʻEma, “ʻOku ou ʻilo ʻe tāpuekina au ʻe he Tamai Hēvaní.”
Fekauʻaki mo ʻEma
Taʻu Motuʻá: 10
Mei: Sefa, Vanuatu
Ngaahi Lea Fakafonuá: Faka-Pilitānia, Pisilama, faka-Fisi
Ngaahi Taumuʻá:1) ʻAlu ʻo ngāue fakafaifekau. 2) Hoko ko ha pailate.
Ngaahi meʻa ʻoku manako aí: Kakaú mo e hiva kalaoké
Fāmilí: ʻEma, Mami, Teti, tokoua ʻe taha, mo e ongo tuongaʻane
Ngaahi Meʻa ʻOku Manako Taha ai ʻa ʻEmá
Talanoa ʻo e Tohi ʻa Molomoná: Ko e mavahe ʻa Līhai mo hono fāmilí mei Selusalemá (vakai, 1 Nīfai 2)
Tukufakaholo ʻo e ʻaho mālōloó: Foaki ha lole mo e ngaahi kaati ki he kaungāmeʻá ʻi he Toetuʻú
ʻŪ fuaʻiʻakau mo e vesitapoló: Siaine, ʻāpele, moli, meleni, lētisi, mo e kāloti.
Lanú: Pingikī
Hiva he Palaimelí: “Ko e Fāmilí ke [Taʻengata]” (Tohi Hiva ʻa e Fānaú, 98)