“Ngaahi Fakamatala ʻo e Konifelenisí,” Ko e Kaumeʻá, Mē 2024, 5.
Ngaahi Fakamatala ʻo e Konifelenisí
Ngaahi Tukupā ʻo e Fuakavá
Naʻe akoʻi ʻe Palesiteni ʻOakesi ko e fuakavá ko ha tukupā ia ke fai ha ngaahi meʻa pau. Hangē ko ʻení, ʻoku fuakava ʻa e kau toketaá mo e kau tāmate afí ke tokoniʻi e kakai ʻi honau koló. ʻI he taimi ʻoku tau fai ai ha ngaahi fuakava mo e Tamai Hēvaní, ʻo hangē ko e taimi ʻoku tau papitaiso aí, ʻoku tau palōmesi ai ke tauhi kiate Ia mo talangofua ki Heʻene ngaahi fekaú. ʻOkú Ne tāpuakiʻi kitautolu ʻi he taimi ʻoku tau tauhi ai ʻetau ngaahi fuakavá.
ʻOku akoʻi au ʻe he meʻá ni:
Hokohoko Au Ho ʻAʻaló
Naʻe talanoa ʻa ʻEletā Lenilani ki haʻanau folau ke ʻaʻalo vaka kaiaki ne ʻaʻalo ai ia ʻi muʻa ʻi hono fāmilí. ʻI heʻene tuʻú, naʻe taaʻi ia ʻe ha peau ʻo tō ki he vaí. Naʻe talaange ʻe he tokotaha fakahinohinó ke hokohoko atu ʻene ʻaʻaló ke ʻunu atu ai ki muʻa pea ʻikai ke tō. Kapau te tau “ʻaʻalo” maʻu pē ki he Fakamoʻuí, te tau nofo malu ai mo hao.
ʻOku akoʻi au ʻe he meʻá ni:
Maʻu ha Fakamoʻoni
Naʻe vahevahe ʻa Palesiteni Peisi ki heʻene kei tau 11, ʻi hono fehuʻi ange heʻene faʻeé pe kuó ne ʻiloʻi ʻiate ia pē ʻa e moʻoni ʻo e ongoongoleleí. Naʻá ne fili ke lau ʻa e Tohi ʻa Molomoná mo lotu ke ʻiloʻi. ʻI heʻene fai iá, naʻá ne ongoʻi ha fakafiemālie mo ha nonga mei he Laumālie Māʻoniʻoní. Naʻe tokoni ʻeni ke ne maʻu ai ha fakamoʻoni pē ʻaʻana.
ʻOku akoʻi au ʻe he meʻá ni:
Ngaahi Foʻi Maka ʻe Nima
ʻOku fai ʻe Sisitā Sipanasi e talanoa ʻo Tēvita mo Kolaiaté. Hangē ko e maʻu ʻe Tēvita ha foʻi maka ʻe nima ke tau mo Kolaiaté, ʻoku ʻi ai ha “maka” ʻe nima ke tokoniʻi koe ke ke fehangahangai mo e ngaahi faingataʻa ʻo e moʻuí. Ko e ʻofa ʻeni ki he ʻOtuá, tui kia Sīsū Kalaisí, ʻiloʻi ko e fānau koe ʻa e ʻOtuá, fakatomala fakaʻaho, mo maʻu e mālohi ʻo e ʻOtuá.
ʻOku akoʻi au ʻe he meʻá ni:
ʻŪ tā fakatātā ʻa Josh Talbot