Mālō e Lelei mei Vanuatu!

Ako fekauʻaki mo e fānau ʻa e Tamai Hēvaní ʻi he funga ʻo e māmaní.

Ko Vanuatú ko ha motu fakatalopiki ia ʻi he ʻŌseni Pasifikí. ʻOku laka hake ʻi he kakai ʻe toko tolukilu ʻoku nofo ʻi aí!

Lea Fakafonuá

Ko e ngaahi lea fakaʻofisialé ʻa e faka-Pisilamá, faka-Pilitāniá mo e faka-Falaniseé. ʻOku meimei lea faka-Pisilama ʻa e tokotaha kotoa pē!

Tangkyu.

ʻOku ʻuhinga ia ko e “mālō” ʻi he faka-Pisilamá!

Ko e Tohi ʻa Molomoná

Naʻe liliu ʻa e Tohi ʻa Molomoná ki he lea faka-Pisilamá ʻi he taʻu 2004. Talu mei ai, kuo laka hake ʻi he kakai ʻe toko 8,000 tupú kuo kau ki he Siasí ʻi Vanuatu!

Motu Fakatalopiki

ʻOku ʻiloa ʻa Vanuatu ʻi hono ngaahi matātahi fakaʻofoʻofá mo e maʻa tasilo hono ngaahi vaí. ʻOku ʻi ai ha ngaahi matātahi ʻe niʻihi ʻoku ʻi ai ha ʻoneʻone ʻuliʻuli!

Paʻanga Lanu Kehekehe

Kuo maʻu ʻe Vanuatu ha paʻanga lanu fakaʻofoʻofa ʻokú ne fakahaaʻi e ngaahi ʻata mei he moʻui ʻi he ʻotu motú mo e ʻakaú mo e fanga manu ʻoku nofo aí.

ʻEkitivitī

Kalauni Matalaʻiʻakau

ʻI he ngaahi kātoangá mo e ngaahi ouaú, ʻoku tui ʻe he kakai ʻo Vanuatú ha ngaahi kalauni matalaʻiʻakau fakaʻofoʻofa.

Kosi ha pepa lanu kehekehe ki ha ngaahi fuo matalaʻiʻakau. ʻAi ha kiʻi foʻi ava ʻi he loto-mālie ʻo e matalaʻiʻakau takitaha. Kosi ha afo ke lōloa feʻunga ke takaiʻi ʻi ho ʻulú. Tui ʻa e ngaahi matalaʻiʻakaú ki he afó. Pea haʻi leva ʻa e ongo muiʻi afó. Kuo maau ho kalauní ke tui leva!

Founga Feimeʻatokoní

Keke Niu

ʻOku manakoa ʻa e keke niú ʻi Vanuatu. Ko ha founga ʻeni hono ngaohí ke ke ʻahiʻahi!

1. Heu fakataha e ½ ipu suka mo e ¾ ipu pata kuo vaia ʻi ha poulu.

2. Tānaki atu ha fuaʻimoa ʻe 2 pea heu fakataha.

3. Heu ki ai mo e ½ ipu mahoaʻa, 1 ipu niu kuo vau, mo e sēpuni tī baking powder ʻe 1.

4. Lingi ki ha kapa taʻo keke kuo vali ngako pea taʻo ʻi he miniti ʻe 20 ʻi he māfana ko e 300°F (150°C).

Fakapapauʻi ʻoku tokoni atu ha taha lahi!

Ngaahi tā fakatātā ʻa Anna Oldroyd