Mālohi ʻo e Temipalé

Fai ʻe Palesiteni Lāsolo M. Nalesni

Toʻo mei he “Fiefia ʻi he Meʻaʻofa ʻo e Ngaahi Kī ʻo e Lakanga Fakataulaʻeikí,” Liahona, Mē 2024, 119–21.

ʻI Māʻasí, naʻe fakatau ai ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa e Temipale Ketilaní. Naʻe hoko ʻa e temipale ko ʻení ko ha konga mahuʻinga ʻo hono fakafoki mai ʻo e ongoongolelei ʻo Sīsū Kalaisí.

ʻI he ʻaho 3 ʻo ʻEpeleli 1836, naʻe hā ai ʻa Sīsū Kalaisi kia Siosefa Sāmita mo ʻŌliva Kautele ʻi he Temipale Ketilaní. Naʻe tali ʻe he Fakamoʻuí ʻa e temipalé ko Hono fale. Naʻá Ne talaʻofa ai, “Te U fakahā au ʻe au ki hoku kakaí ʻi he ʻaloʻofa ʻi he falé ni” (Tokāteline mo e Ngaahi Fuakava 110:7). ʻOku fakahoko ʻa e talaʻofa ko ʻení ki he temipale kotoa pē ʻi he ʻahó ni.

Te ke lava ʻo maʻu ʻi he temipalé ha ngaahi tali ki he lotú. Te ke lava foki ʻo maʻu ʻa e tuí, iví, fakafiemālié, ʻiló, mo e mālohí. ʻE tokoniʻi koe ʻe he taimi ʻi he temipalé ke ke fakakaukau fakasilesitiale mo vakai pe ko hai moʻoni koe pea mo e tuʻunga te ke lava ʻo aʻusiá. ʻE tokoni ia ke mahino kiate koe ʻa e founga ʻokú ke feʻunga ai mo e palani fakaofo ʻa e ʻOtuá. ʻOku ou palōmesi atu ia kiate koe.

Temipale Ketilaní

ʻEkitivitī Kosikosi

Kosi takai ʻi he tapa ʻo e Temipale Ketilaní. Peluki leva ʻi he laine motumotú pea tepiʻi fakataha ʻa e ongo tafaʻakí mo e ʻató.

Ko e hā ʻa e Temipale Ketilaní?

Naʻe langa ʻa e Temipale Ketilaní ʻi Ketilani, ʻOhaiō, USA, ʻi he 1836. Ko e fuofua temipale ia ʻo e Siasi kuo fakafoki maí.

Kimui ange aí, naʻe pau ke liʻaki ia ʻe he kāingalotu ʻo e Siasí ka nau hiki ki he hihifó. Naʻe tokangaʻi ʻe ha siasi ʻe taha ʻa e falé ʻi ha ngaahi taʻu lahi. Naʻe toki fakatau ia kimuí ni ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.