“Ko Hai ʻa e Tuʻi ko Penisimaní?” Kaumeʻá, Mē 2024, 24–25.
Ako fekauʻaki mo e Tohi ʻa Molomoná
Ko Hai ʻa e Tuʻi ko Penisimaní?
Ko e Tuʻi ko Penisimaní ko ha palōfita ia ʻa e ʻOtuá mo ha tuʻi angatonu. Naʻá ne tānaki hono kakaí ke akoʻi kinautolu. Naʻá ne tuʻu ʻi ha taua ke lava ha kakai tokolahi ange ʻo fanongo kiate ia. Naʻe fokotuʻu takatakai ʻe he kakaí ha ngaahi tēniti ʻi he tauá ke fakafanongo. Naʻe hangē ia ko e konifelenisi lahí!
Naʻe akoʻi ʻe he Tuʻi ko Penisimaní ʻe ʻaloʻi ʻa Sīsū Kalaisi ʻi he māmaní. ʻE fakahoko ʻe Sīsū ha ngaahi mana. Te Ne mamahi pea pekia koeʻuhí ko e ngaahi angahala ʻa e kakai kotoa pē. Te Ne toetuʻu kae lava ke tau toe moʻui kotoa!
Naʻe fakaafeʻi ʻe he Tuʻi ko Penisimaní ʻa e kakaí ke nau toʻo kiate kinautolu ʻa e huafa ʻo Kalaisí. ʻOku ʻuhinga ia naʻa nau fai ha fuakava, pe palōmesi, ke muimui ki he ʻOtuá mo tauhi ʻEne ngaahi fekaú.
ʻOku tau fakahaaʻi ʻi he ʻahó ni ʻoku tau loto-fiemālie ke toʻo kiate kitautolu ʻa e huafa ʻo Kalaisí ʻi he taimi ʻoku tau papitaiso aí.
Tukupā ʻo e Folofolá
-
Hili e fanongo ʻa e kakaí ki he Tuʻi ko Penisimaní, ko hai naʻa nau fai ha fuakava mo iá? (Mōsaia 5:5)
-
Ko e hā naʻe talaange ʻe ʻApinetai ki he Tuʻi ko Noá naʻe fiemaʻu ke ne fai ke fakamoʻui ai iá? (Mōsaia 12:33)
-
Hili e tuʻu hake ʻa ʻAlamā mo Heilami mei he vaí, ko e hā ne fakafonu ʻaki kinauá? (Mōsaia 18:14)
ʻOku Ou Lava ʻo Lau ʻa e Tohi ʻa Molomoná!
Hili hoʻo laú, valivali ha konga ʻo e fakatātaá. Te ke lava ʻo lau ʻa e ngaahi potufolofola ko ʻeni ʻoku fekauʻaki mo e laukonga ʻo e uike takitaha mei he Haʻu, ʻo Muimui ʻIate Aú.
-
Uike 1: Mōsaia 4:9
-
Uike 2: Mōsaia 7:19
-
Uike 3: Mōsaia 16:9
-
Uike 4: Mōsaia 18:8–10
ʻŪ tā fakatātā ʻa Simini Blocker